By Village Missionary Movement

Saturday, 28-Oct-2023

ಧೈನಂದಿನ ಧ್ಯಾನ(Kannada) – 28.10.2023

 

ದೇವರ ಉನ್ನತವಾದ ಯೋಜನೆ

 

"ನೀನು ನನ್ನನ್ನು ಅದ್ಭುತವಾಗಿಯೂ ವಿಚಿತ್ರವಾಗಿಯೂ ರಚಿಸಿದ್ದರಿಂದ ನಿನ್ನನ್ನು ಕೊಂಡಾಡುತ್ತೇನೆ" - ಕೀರ್ತನೆ 139:14

 

ನಮ್ಮ ದೇಹವು ಹೇಗೆ ಕಾರ್ಯನಿರ್ವಹಿಸುತ್ತದೆ ಮತ್ತು ಅದನ್ನು ಹೇಗೆ ರಚಿಸಲಾಗಿದೆ ಎಂಬುದರ ಕುರಿತು ನಾವು ಎಂದಾದರೂ ಯೋಚಿಸಿದ್ದೇವೆಯೇ? ನಾವು ಮಗುವಾಗಿ ಹುಟ್ಟುವಾಗ ನಮ್ಮಲ್ಲಿರುವ 350 ಮೂಳೆಗಳು ನಾವು ಬೆಳೆದಂತೆ 206 ಮೂಳೆಗಳಾಗುತ್ತವೆ. ಇವುಗಳಲ್ಲಿ 52 ಎಲುಬುಗಳು ನಮ್ಮ ಪಾದಗಳಲ್ಲಿ ಮಾತ್ರ ಇರುವುದು ಆಶ್ಚರ್ಯಕರವಲ್ಲವೇ?

 

ನಮ್ಮ ಕೈರೇಖೆಗಳು ಮಾತ್ರವಲ್ಲ, ನಮ್ಮ ನಾಲಿಗೆಯಲ್ಲಿರುವ ರೇಖೆಗಳು ಮತ್ತು ಕಣ್ಣುದೃಷ್ಟಿ ಕೂಡ ವಿಶಿಷ್ಟವಾಗಿದೆ. ನಮ್ಮ ದೇಹದಲ್ಲಿರುವ ನೀರನ್ನು ಅನೇಕ ಬಿಂದಿಗೆಗಳಲ್ಲಿ ತುಂಬಿಸಬಹುದು. ನಮ್ಮ ಇಡೀ ಜೀವಿತಾವಧಿಯಲ್ಲಿ ನಮ್ಮ ಬಾಯಿಯಿಂದ ಬರುವ ಲಾಲಾರಸದಿಂದ 2 ಈಜುಕೊಳಗಳನ್ನು ತುಂಬಿಸಬಹುದು. ನಮ್ಮ ಮೆದುಳು ಶೇಕಡಾ 85 ರಷ್ಟು ನೀರಿನಿಂದ ಕೂಡಿದೆ. ನಮ್ಮ ದೇಹದಲ್ಲಿನ ಪ್ರತಿಯೊಂದು ಜೀವಕೋಶ ಮತ್ತು ಅಂಗಗಳು ಹೇಗೆ ಕಾರ್ಯನಿರ್ವಹಿಸುತ್ತವೆ ಎಂದು ನಾವು ಯೋಚಿಸಿದರೆ, ಅದನ್ನು ಸೃಷ್ಟಿಸಿದ ಸೃಷ್ಟಿಕರ್ತನು ಎಷ್ಟು ಶ್ರೇಷ್ಠನೆಂದು ನಾವು ರುಚಿ ನೋಡಬಹುದು.

 

ಭಕ್ತನಾದ ದಾವೀದನು ಕೀರ್ತನೆಗಳ ಪುಸ್ತಕದಲ್ಲಿ ಈ ರೀತಿಯಾಗಿ ಬರೆದಿದ್ದಾರೆ, "ನೀನು ನನ್ನನ್ನು ಅದ್ಭುತವಾಗಿಯೂ ವಿಚಿತ್ರವಾಗಿಯೂ ರಚಿಸಿದ್ದರಿಂದ ನಿನ್ನನ್ನು ಕೊಂಡಾಡುತ್ತೇನೆ. ನಿನ್ನ ಕೃತ್ಯಗಳು ಆಶ್ಚರ್ಯವಾಗಿವೆಯೆಂದು ನನ್ನ ಹೃದಯವು ಚೆನ್ನಾಗಿ ಗ್ರಹಿಸಿಕೊಂಡಿದೆ." ದಾವೀದನು ಕರ್ತನ ಸೃಷ್ಟಿಯ ಬಗ್ಗೆ ಸಂಪೂರ್ಣವಾಗಿ ತಿಳಿದಿದ್ದರು.

 

ಪ್ರಿಯರೇ! ಅವರು ನಮ್ಮ ದೇಹದ ಪ್ರತಿಯೊಂದು ಭಾಗವನ್ನು ಉತ್ತಮವಾಗಿ ಸೃಷ್ಟಿಸಿದ್ದಾರೆ. ಹೌದು, ನಮ್ಮನ್ನು ಇಷ್ಟು ಸುಂದರವಾಗಿ ಸೃಷ್ಟಿಸಿರುವ ಕರ್ತನು ನಮಗಾಗಿ ಒಂದು ಉತ್ತಮ ಯೋಜನೆಯನ್ನು ಇಟ್ಟಿದ್ದಾರೆ. ನಮ್ಮ ಆರಂಭ, ನಾವು ಈಗ ಏನು ಮಾಡುತ್ತಿದ್ದೇವೆ ಮತ್ತು ನಮ್ಮ ಭವಿಷ್ಯದ ಬಗ್ಗೆ ಎಲ್ಲವನ್ನೂ ತಿಳಿದಿರುವ ಯೇಸುವಿನ ಯೋಜನೆ ಅದ್ಭುತವಾಗಿದೆ. ಆ ಯೋಜನೆಯು ಈ ಲೋಕಕ್ಕೆ ಸಂಬಂಧಿಸಿದ್ದಲ್ಲ, ಪರಲೋಕಕ್ಕೆ ಸಂಬಂಧಿಸಿದ್ದು. ಆದ್ದರಿಂದ ಆ ಯೋಜನೆಗೆ ನೇರವಾಗಿ ನಮ್ಮನ್ನು ಸಮರ್ಪಿಸಿಕೊಳ್ಳೋಣ. ಪ್ರಯಾಣಿಸೋಣ. ಉನ್ನತವಾದ ದೇವರ ಯೋಜನೆಯ ಕೇಂದ್ರದೊಳಗೆ ನಮಗಾಗಿ ಇಟ್ಟಿರುವ ಯೋಜನೆಯನ್ನು ಪೂರೈಸುತ್ತಾರೆ.

 

ಪ್ರಾರ್ಥನಾ ಅಂಶ:

ನಮ್ಮ ಕ್ಯಾಂಪಸ್‌ನಲ್ಲಿ ನಿವೃತ್ತ ಮಿಷನರಿಗಳನ್ನು ಬೆಂಬಲಿಸಲು ದೇವರು ಅನೇಕ ಪಾಲುದಾರರನ್ನು ಎಬ್ಬಿಸುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482