By Village Missionary Movement

Friday, 08-Sep-2023

ഇന്നത്തെ ധ്യാനം (Malayalam) 08-09-2023

 

ഇല്ല പക്ഷെ ഉണ്ട്

 

"...ഇല്ലാത്തതിനെ ഉള്ളതിനെപ്പോലെ വിളിക്കയും ചെയ്യുന്നവനായി..." - റോമർ 4:17

 

ദൈവത്തിന്റെ ശുശ്രൂഷകനായിരുന്ന ജോർജ്ജ് മുള്ളർ, അനാഥരായ അനേകം കുട്ടികൾക്കായി ഒരു ഭവനം നടത്തി. അവരുടെ ദൈനംദിന ആവശ്യങ്ങൾക്കായി അദ്ദേഹം കർത്താവിലുള്ള വിശ്വാസത്താൽ അവരെ പോറ്റുകയായിരുന്നു.

 

ഒരു ദിവസം പ്രാതലിന് സമയമായപ്പോൾ ഭക്ഷണമില്ലായിരുന്നു. എന്തെങ്കിലും വാങ്ങണമെന്നുണ്ടെങ്കിൽ പോലും പണമില്ല. അവിടെ എല്ലാ പ്ലേറ്റുകളും ടംബ്ലറുകളും ശൂന്യമായിരുന്നു. എന്നാൽ എല്ലാവരും ഇരുന്ന് തല കുനിച്ച് പ്രാർത്ഥിച്ചു: "ഞങ്ങളുടെ പിതാവേ, അങ്ങ് ഞങ്ങൾക്ക് നൽകുന്ന ഭക്ഷണത്തിന് നന്ദി." ആമേൻ പറയും മുൻപേ വാതിലിൽ മുട്ട് കേട്ടു. അവിടെ ബേക്കറിക്കാരൻ നിന്നു. അവൻ പറഞ്ഞു, “ഞാൻ രാത്രി മുഴുവൻ ഉറങ്ങിയിട്ടില്ല, നിങ്ങൾക്ക് കഴിക്കാൻ ഒന്നുമില്ലെന്ന് എനിക്ക് തോന്നുന്നു. അങ്ങനെ ഞാൻ വെളുപ്പിന് 2 മണിക്ക് എഴുന്നേറ്റ് ഈ റൊട്ടി നിങ്ങൾക്ക് ഫ്രഷ് ആയി ഉണ്ടാക്കി" എന്ന് പറഞ്ഞു കൊടുത്തു.

 

അവൻ പോയ ഉടനെ വാതിലിൽ വീണ്ടും മുട്ടി. ഈ അനാഥാലയത്തിനു മുന്നിൽ വണ്ടി കേടായ ഒരു പാൽക്കാരൻ. അത് ശരിയാക്കണമെങ്കിൽ അതിൽ നിന്ന് മുഴുവൻ പാലും പുറത്തെടുക്കണം. അപ്പോൾ നിങ്ങൾ ഈ പാൽ വാങ്ങുന്നുണ്ടോ? അവന് ചോദിച്ചു. കർത്താവ് "ഇത്രയും നല്ല പ്രഭാതഭക്ഷണം ഞങ്ങൾക്ക് തന്നതിൽ" എല്ലാവരും അത്ഭുതപ്പെട്ടു.

 

ക്രിസ്തുവിൽ പ്രിയപ്പെട്ടവരേ, നിങ്ങളും ഇല്ലായ്മയിലൂടെ കടന്നുപോകുന്നുണ്ടാകാം. പരിഭ്രാന്തി വേണ്ട. ദൈവം ശൂന്യമായ ഭൂമിയിലെ എല്ലാം വചനത്താൽ സൃഷ്ടിച്ചു. അതുപോലെ, കുട്ടികളില്ലാത്ത അബ്രഹാം-സാറയെ ജാതികളുടെ പിതാവും അമ്മയും എന്ന് വിളിക്കുന്നു. ഉപായിയായ യാക്കോബിനെ അനുഗ്രഹിച്ച് ഗോത്രങ്ങളുടെ പിതാവാക്കി.

 

നമുക്കും സന്തോഷമില്ല, പണമില്ല, സമാധാനമില്ലല്ലോ എന്നോർത്ത് വിഷമിക്കുന്നുണ്ടെങ്കിൽ ഇന്ന് ഉറച്ച തീരുമാനമെടുക്കാം. ദൈവം എല്ലാം നൽകാൻ കഴിവുള്ളവനാണെന്ന് നമുക്ക് വിശ്വസിക്കാം. കർത്താവ് തീർച്ചയായും നമ്മുടെ വിശ്വാസത്തെ മാനിക്കുകയും നമുക്ക് ആവശ്യമുള്ളതെല്ലാം നൽകുകയും ചെയ്യും. അതുകൊണ്ട് വിഷമിക്കേണ്ട. നമുക്ക് ദൈവത്തിൽ ആശ്രയിക്കാം. ജയം പ്രാപിക്കാം. ആമേൻ!

- മിസിസ്. ദിവ്യ അലക്സ്

 

പ്രാർത്ഥനാ കുറിപ്പ്:

ദെബോറ ഗ്രൂപ്പുകളിലൂടെ നടക്കുന്ന ശുശ്രൂഷകൾക്കായി പ്രാർത്ഥിക്കുക.

 

വാട്ട്‌സ് അപ്ലിക്കേഷനിൽ ഈ ദൈനംദിന ധ്യാനം പരിശീലിക്കാൻ: +91 9486972610

Facebook- ൽ നേടുക: www.facebook.com/villagemissionarymovement

 

ഇമെയിൽ സ്വീകരിക്കുക: info@vmm.org.in

വെബ്സൈറ്റ്: www.vmm.org.in

Android App: https://play.google.com/store/apps/details?id=com.infobells.vmmorgin

 

പ്രാർത്ഥന വിഷയങ്ങൾക്കായി: +91 9487367663, +91 9442493250