By Village Missionary Movement

Friday, 14-Apr-2023

ಧೈನಂದಿನ ಧ್ಯಾನ(Kannada) – 14.04.2023

 

ಅಮೆಜಾನ್ ನದಿ

 

"ಈ ಅತ್ಯಂತ ವಿಶೇಷ ರಕ್ಷಣೆಯನ್ನು ನಾವು ಅಲಕ್ಷ್ಯಮಾಡಿದರೆ ತಪ್ಪಿಸಿಕೊಳ್ಳುವದು ಹೇಗೆ?..." - ಇಬ್ರಿಯ 2:3

 

ಅಮೆಜಾನ್, ದಕ್ಷಿಣ ಅಮೆರಿಕಾ ಖಂಡದಲ್ಲಿರುವ ಅತಿ ಉದ್ದವಾದ ನದಿಯಾಗಿದೆ. ಇದರ ಉದ್ದ ಸುಮಾರು 6400 ಕಿ.ಮೀ. ಇದರ ದೊಡ್ಡ ನದಿ ಜಲಾನಯನ ಪ್ರದೇಶವು ಸ್ವಿಟ್ಜರ್ಲೆಂಡ್ನ ಗಾತ್ರಕ್ಕೆ ಸಮನಾದ ಪ್ರದೇಶವನ್ನು ಒಳಗೊಂಡಿದೆ. ಈ ನದಿಯು ದಕ್ಷಿಣ ಅಮೇರಿಕಾ ಖಂಡದ ಉತ್ತರ ಭಾಗದಲ್ಲಿರುವ ಖಂಡದಿಂದ ಹುಟ್ಟಿ ಕೊಲಂಬಿಯಾ ದೇಶವನ್ನು ದಾಟಿ ಬ್ರೆಜಿಲ್ ದೇಶದ ಮೂಲಕ ಹಾದು ಅಟ್ಲಾಂಟಿಕ್ ಸಾಗರಕ್ಕೆ ಹರಿಯುತ್ತದೆ. ಇದರಲ್ಲಿ ಮೂರು ಸಾವಿರ ಜಾತಿಯ ಮೀನುಗಳಿವೆ. ನದಿಯ ಎರಡೂ ಬದಿಗಳಲ್ಲಿ ವಿಶಾಲವಾದ ಅಮೆಜಾನ್ ಮಳೆಕಾಡು ಇದೆ. ಇದು 25 ಲಕ್ಷ ಕೀಟ ಪ್ರಭೇದಗಳು, 2000 ಪಕ್ಷಿ ಪ್ರಭೇದಗಳು ಮತ್ತು ಸಾವಿರಾರು ಸಸ್ಯ ಪ್ರಭೇದಗಳನ್ನು ಹೊಂದಿದೆ. "ಬ್ರಂಗಾ" ಎಂದು ಕರೆಯಲ್ಪಡುವ ನರಭಕ್ಷಕ ಮೀನು ಪ್ರಭೇದಗಳು ಮತ್ತು ಸುಮಾರು 40 ಅಡಿ ಉದ್ದ ಬೆಳೆಯುವಂತಹ "ಅನಕೊಂಡ" ಎಂಬ ಹಾವಿನ ಜಾತಿಗಳು, ಮಾರಣಾಂತಿಕ ವಿಷಕಾರಿ ಕಪ್ಪೆಗಳು ಗಮನಾರ್ಹವಾಗಿವೆ.

 

ಒಮ್ಮೆ ಅಟ್ಲಾಂಟಿಕ್ ಮಹಾಸಾಗರದ ಮೂಲಕ ಈ ನದಿಗೆ ಪ್ರವೇಶಿಸುವ ಹಡಗು ಯಾಂತ್ರಿಕ ವೈಫಲ್ಯದಿಂದಾಗಿ ನದಿಯ ಮಧ್ಯದಲ್ಲಿ ನಿಂತಿತು. ಹಡಗಿನಲ್ಲಿದ್ದ ನಾವಿಕರು ಮತ್ತು ಇತರ ಪ್ರಯಾಣಿಕರು ಬಹಳ ತೊಂದರೆಗೀಡಾದರು, ಏಕೆಂದರೆ ಹಲವಾರು ದಿನಗಳು ಕಳೆದರೂ ಆ ಹಡಗು ದುರಸ್ತಿಯಲ್ಲಿದ್ದದರಿಂದ ಅವರು ಹಡಗಿನಿಂದ ಹೊರಬರಲು ಸಾಧ್ಯವಾಗಲಿಲ್ಲ. ಕೈಯಲ್ಲಿದ್ದ ಆಹಾರ ಮತ್ತು ಕುಡಿಯುವ ನೀರು ಕಡಿಮೆಯಾಯಿತು ಮತ್ತು ಹಸಿವು, ಬಾಯಾರಿಕೆ ಅನುಭವಿಸಲು ಪ್ರಾರಂಭಿಸಿದರು. ಕುಡಿಯಲು ನೀರಿಲ್ಲದ ಕಾರಣ ಒಣಗಿ ಸಾಯುವ ಸ್ಥಿತಿಗೆ ತಳ್ಳಲ್ಪಟ್ಟರು. ಅವರ ಸಹಾಯಕ್ಕೆ ಯಾರೂ ಮುಂದೆ ಬರಲಿಲ್ಲ. ಬಹಳ ದಿನಗಳು ಕಳೆದ ನಂತರ ಆ ಮಾರ್ಗವಾಗಿ ಹೋಗುತ್ತಿದ್ದ ಒಂದು ದೊಡ್ಡ ದೇಶಕ್ಕೆ ಸೇರಿದ ದೋಣಿಯಲ್ಲಿದ್ದ ಕೆಲವರು ಪರಿಸ್ಥಿತಿಯನ್ನು ತಿಳಿದುಕೊಂಡು ಅವರನ್ನು ನೋಡಿ, “ಅಯ್ಯಾ, ಬುದ್ಧಿಹೀನರಾಗಿ ಹೀಗೆ ಸಾಯುವ ಅವಶ್ಯಕತೆ ಏನಿದೆ? ನಿಮ್ಮ ಹಡಗು ನಿಂತಿರುವ ಈ ನದಿಯಲ್ಲಿ ಒಳ್ಳೆಯ ನೀರು ಹರಿಯುತ್ತಿದೆ, ಒಂದು ಬಿಂದಿಗೆಯನ್ನು ತೆಗೆದುಕೊಂಡು ಬೇಕಾದಷ್ಟು ಕುಡಿಯಿರಿ” ಎಂದು ಶಬ್ದವಾಗಿ ಹೇಳಿದರು. ಹಡಗಿನಲ್ಲಿದ್ದ ಎಲ್ಲಾ ಪ್ರಯಾಣಿಕರು ತಕ್ಷಣವೇ ತಮ್ಮ ಬಿಂದಿಗೆಯನ್ನು ಕೆಳಗಿಳಿಸಿ ನೀರು ಕುಡಿದು ಬದುಕುಳಿದರು.

 

ಪ್ರಿಯರೇ, ನಮ್ಮ ಕರ್ತನಾದ ಯೇಸು ಕ್ರಿಸ್ತನು ತನ್ನ ನಿರ್ಮಲ ರಕ್ತವನ್ನು ಸುರಿಸಿ ಉಚಿತವಾಗಿ ಸಂಪಾದಿಸಿ ಕೊಟ್ಟಿರುವ ರಕ್ಷಣೆಯನ್ನು ತಿಳಿಯದೆ ಸಾವಿರಾರು ಜನರು ಪ್ರತಿದಿನ ಸಮಾಧಿಗೆ ಹೋಗುತ್ತಿದ್ದಾರೆ. "ಈಗಲೇ ಆ ಅಂಗೀಕಾರದ ಸಮಯ; ಇಗೋ, ಈಗಲೇ ಆ ರಕ್ಷಣೆಯ ದಿನ" (2 ಕೊರಿಂಥ. 6:2) ಆ ದೊಡ್ಡ ದೇಶದ ಜನರಂತೆ ನಾಶವಾಗುತ್ತಿರುವ ಜನರಿಗೆ ಯೇಸುವನ್ನು ತೋರಿಸೋಣ ಮತ್ತು ಅವರನ್ನು ನೇರವಾಗಿ ನಿತ್ಯ ಜೀವದ ಕಡೆಗೆ ಮುನ್ನಡೆಸೋಣ!

- Bro. ಭಾಕ್ಯನಾದನ್

 

ಪ್ರಾರ್ಥನಾ ಅಂಶ:

ಮೋಕ್ಷ ಪ್ರಯಾಣ ದೈನಂದಿನ ಧ್ಯಾನವನ್ನು ಓದುವ ಪ್ರತಿಯೊಬ್ಬರೂ ಭಕ್ತಿಯಲ್ಲಿ ಬೆಳೆಯಬೇಕೆಂದು ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482