By Village Missionary Movement

Tuesday, 21-Feb-2023

ಧೈನಂದಿನ ಧ್ಯಾನ(Kannada) – 21.02.2023

 

ಚಿನ್ನದ ದೇವರುಗಳು

 

"ನಾನಲ್ಲದೆ ನಿನಗೆ ಬೇರೆ ದೇವರುಗಳು ಇರಬಾರದು" - ವಿಮೋಚನಕಾಂಡ 20:3

 

ಕರ್ತನು ಐಗುಪ್ತರನ್ನು ಬಾಧೆಗಳಿಂದ ಬಾಧಿಸಿದಾಗ, ಅವರು ಇಸ್ರಾಯೇಲ್ಯರನ್ನು ಐಗುಪ್ತದಿಂದ ಓಡಿಸಲು ಉದ್ದೇಶಿಸಿದರು. ಆದರೆ ಕರ್ತನು ಇಸ್ರಾಯೇಲ್ಯರಿಗೆ ಬರಬೇಕಾದ ನಾನೂರು ವರ್ಷಗಳ ಕೂಲಿಯನ್ನು ಕೊಟ್ಟು ಅವರನ್ನು ಹೊರಗೆ ತರಲು ಬಯಸಿದರು. ಮೋಶೆ ಹೇಳಿದಂತೆ, ಇಸ್ರಾಯೇಲ್ಯರು ಐಗುಪ್ತದಿಂದ ಬೆಳ್ಳಿ, ಚಿನ್ನದ ಒಡವೆಗಳು ಮತ್ತು ಬಟ್ಟೆಗಳನ್ನು ಕೇಳಿ ಪಡೆದು ಅವರನ್ನು ದೋಚಿಕೊಂಡರು. ಆದರೆ ಬಹುಬೇಗ ತಮ್ಮ ಬಳಿಯಿದ್ದ ಬಂಗಾರದಿಂದ ಚಿನ್ನದ ಕರುವನ್ನು ಮಾಡಿಸಿ ಪೂಜಿಸಿ ವಿಗ್ರಹಾರಾಧಕರಾದರು.

 

ಈ ಘಟನೆಯು ಕ್ರೈಸ್ತರಾದ ನಾವು ನಮ್ಮ ಆಸ್ತಿಯ ಬಳಕೆಯಲ್ಲಿ ಎಷ್ಟು ಜಾಗರೂಕರಾಗಿರಬೇಕು ಎಂಬುದನ್ನು ಎಚ್ಚರಿಸುತ್ತಿದೆ. ದೇವರ ಮಕ್ಕಳು ಚಿನ್ನ, ಬೆಳ್ಳಿ, ಹಣವನ್ನು ಆನಂದಿಸಬಹುದು; ಆದರೆ ಅವುಗಳನ್ನು ಅನುಚಿತವಾಗಿ ಮತ್ತು ಬುದ್ಧಿವಂತಿಕೆ ಇಲ್ಲದೆ ಬಳಸುವುದು ಪಾಪ. ಯಾವಾಗ ಅದು ಪಾಪವಾಗುತ್ತದೆ? ಒಂದು, ನಮ್ಮಲ್ಲಿರುವ ಒಡವೆಗಳಿಂದ ನಾವು ಹೆಮ್ಮೆಪಡುವಾಗ! ಎರಡನೆಯದಾಗಿ, ನಾವು ದೇವರ ಮೇಲೆ ಸಂಪೂರ್ಣ ಅವಲಂಬನೆಯನ್ನು ತೊರೆದಾಗ ಮತ್ತು ನಮಗೆ ತಿಳಿಯದೆ ನಮ್ಮ ಆಭರಣಗಳು, ಆಸ್ತಿಗಳು ಮತ್ತು ಬ್ಯಾಂಕ್ ಖಾತೆಗಳ ಮೇಲೆ ನಂಬಿಕೆ ಇಟ್ಟಾಗ! ನಾವು ಈ ಜಗತ್ತಿನಲ್ಲಿ ಪ್ರವಾಸಿಗಳೂ ಮತ್ತು ಪರದೇಶಿಗಳಾಗಿರುವುದರಿಂದ, ಐಗುಪ್ತದ ಸಂಪತ್ತುಗಳ (ಲೌಕಿಕ ಸಂಪತ್ತು) ಮೇಲೆ ಮನಸ್ಸಿಟ್ಟು, ಪರಮ ಕರೆಯುವಿಕೆಯನ್ನು ಮರೆತುಬಿಡಬಾರದು. (ಇಬ್ರಿಯ 11:13,26)

 

ಪ್ರಿಯರೇ! ನಾವು ನಮ್ಮ ಪ್ರಾಪಂಚಿಕ ಆಸ್ತಿಯನ್ನು ಕರ್ತನಿಗಾಗಿ ಬಳಸುತ್ತಿದ್ದೇವೆಯೇ ಅಥವಾ ನಾವು ಅವುಗಳಿಗೆ ವ್ಯಸನಿಗಳಾಗಿದ್ದೇವೆಯೇ? ಯೋಚಿಸೋಣ. “ಮಗನೇ! ಮಗಳೇ! "ನಿಮ್ಮ ಕರೆ ಉನ್ನತವಾಗಿದೆ," ಪವಿತ್ರಾತ್ಮನು ಸೌಮ್ಯವಾದ ಧ್ವನಿಯಲ್ಲಿ ನಮ್ಮೊಂದಿಗೆ ಮಾತನಾಡುತ್ತಿದ್ದಾರೆ. ಪ್ರಾಪಂಚಿಕ ಆಸ್ತಿಗಳು ನಮಗೆ ಚೆನ್ನಾಗಿ ಸೇವೆ ಸಲ್ಲಿಸಬಹುದಾದರೂ, ಕ್ರೂರ ಯಜಮಾನರಾಗಿ ನಮ್ಮನ್ನು ಗುಲಾಮರನ್ನಾಗಿ ಮಾಡಲು ಎಂದಿಗೂ ಅನುಮತಿಸದೇ ಜಾಗರೂಕರಾಗಿರೋಣ.

- Mrs. ಗೀತಾ ರಿಚರ್ಡ್

 

ಪ್ರಾರ್ಥನಾ ಅಂಶ:

ನಮ್ಮ ಸೇವಾ ಕ್ಷೇತ್ರದ ಸೇವಕರು ಪ್ರತಿದಿನ ಬೆಳಿಗ್ಗೆ 100 ಹಸ್ತಪ್ರತಿಗಳನ್ನು ಹಸ್ತಾಂತರಿಸುತ್ತಿದ್ದಾರೆ. ಹಸ್ತಪ್ರತಿಯನ್ನು ಸ್ವೀಕರಿಸುವ ಪ್ರತಿಯೊಬ್ಬರೂ ರಕ್ಷಿಸಲ್ಪಡುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482