By Village Missionary Movement

Friday, 13-Jan-2023

ಧೈನಂದಿನ ಧ್ಯಾನ(Kannada) – 14.01.2023

 

ಒಂದು ಲಕ್ಷ ಹಳ್ಳಿಗಳು

 

"ತರುವಾಯ ಆತನು ದೇವರ ರಾಜ್ಯದ ಸುವಾರ್ತೆಯನ್ನು ಸಾರುತ್ತಾ ಊರುಗಳಲ್ಲಿಯೂ ಗ್ರಾಮಗಳಲ್ಲಿಯೂ ಸಂಚರಿಸಿದನು..." - ಲೂಕ 8:1

 

1979 ನೇ ವರ್ಷ, 16 ವರ್ಷದ ಹುಡುಗ ದಿನಕ್ಕೆ ಒಂದು ಸಸಿ ನೆಡಲು ಪ್ರಾರಂಭಿಸಿದನು. ಈ ಪ್ರಯತ್ನದ ಮೂಲಕ, ಅವನು ಏಕಾಂಗಿಯಾಗಿ 15 ಫುಟ್ಬಾಲ್ ಮೈದಾನಗಳ ಅಳತೆಯಷ್ಟು ಅರಣ್ಯವನ್ನು ರಚಿಸಿದ್ದಾನೆ. ಅವರೇ ಭಾರತದ "ವೈಲ್ಡ್ ಮ್ಯಾನ್" ಎಂದು ಕರೆಯಲ್ಪಡುವ ಜಾದವ್ ಮೊಲಾಯ್ ಪಯೆಂಗ್. 550 ಎಕರೆ ಬಂಜರು ಭೂಮಿಯನ್ನು ಬ್ರಹ್ಮಪುತ್ರದಲ್ಲಿ ವಿವಿಧ ಪಕ್ಷಿಗಳು ಮತ್ತು ಪ್ರಾಣಿಗಳೊಂದಿಗೆ ಸಮೃದ್ಧ ಅರಣ್ಯವಾಗಿ ಮಾರ್ಪಡಿಸಿದರು, ಸರಳವಾಗಿ ಮರಗಳನ್ನು ನೆಡುವ ಮೂಲಕ! ಹೌದು, ಒಬ್ಬನೇ ಒಬ್ಬ ವ್ಯಕ್ತಿ ಒಂದು ಲಕ್ಷಕ್ಕೂ ಹೆಚ್ಚು ಗಿಡಗಳನ್ನು ನೆಡುವ ಮೂಲಕ ಭೂಮಿಗೆ ಪ್ರಯೋಜನವನ್ನು ನೀಡಿದರೆ, ನಮ್ಮ ಹಳ್ಳಿಯ ಮಿಷನರಿ ತಂಡಕ್ಕೆ ದೇವರು ನೀಡಿರುವ ದರ್ಶನವಾಗಿರುವ ಒಂದು ಲಕ್ಷ ಹಳ್ಳಿಗಳನ್ನು ನೀಡುವುದು ಎಷ್ಟು ಸುಲಭ.

 

ಭಾರತದಲ್ಲಿ ಸುಮಾರು 6 ಲಕ್ಷ ಹಳ್ಳಿಗಳಿವೆ. ಅದರಲ್ಲಿರುವ ಲಕ್ಷಾಂತರ ಆತ್ಮಗಳು ದೇವರನ್ನು ತಿಳಿಯದೆ ಇನ್ನೂ ಕತ್ತಲೆಯಲ್ಲಿವೆ. ಅವರು ಯೇಸುವನ್ನು ತಿಳಿದುಕೊಳ್ಳುವ ದರ್ಶನದೊಂದಿಗೆ ಕೆಲಸ ಮಾಡಲು ನೀವು ನಮ್ಮೊಂದಿಗೆ ಸೇರಬಹುದು.

 

"ನಿಮ್ಮ ಹತ್ತಿರವಿರುವ ಹಳ್ಳಿಗೆ ಹೋಗಿರಿ" (ಮಾರ್ಕನು 1:12) ಎಂಬ ಯೇಸುವಿನ ಆಜ್ಞೆಯನ್ನು ನಾವು ಸಹ ನಮ್ಮ ಜೀವನದಲ್ಲಿ ನೆರವೇರಿಸೋಣ. ಲೂಕ 9:6 ರಲ್ಲಿ ಶಿಷ್ಯರು ಯೇಸುವಿನ ಆಜ್ಞೆಯನ್ನು ಸ್ವೀಕರಿಸಿದರು ಮತ್ತು ಹಳ್ಳಿಯಿಂದ ಹಳ್ಳಿಗೆ ಹೋಗಿ, ಎಲ್ಲೆಡೆ ಸುವಾರ್ತೆಯನ್ನು ಸಾರಿದರು ಮತ್ತು ರೋಗಿಗಳನ್ನು ಗುಣಪಡಿಸಿದರು ಎಂದು ನಾವು ಓದುತ್ತೇವೆ. ಗ್ರಾಮಗಳು ಯೇಸುವಿಗೆ ಸ್ವಂತವಾಗುವಂತೆ ಮಾಡಲು, ನಮ್ಮಿಂದ ಸಾಧ್ಯವಾದದ್ದನ್ನು ವೈಯಕ್ತಿಕವಾಗಿ, ಕುಟುಂಬವಾಗಿ ಮತ್ತು ಗುಂಪಾಗಿ ಮಾಡೋಣ. ಹಳ್ಳಿಗಳು ದೇವರನ್ನು ತಿಳಿದುಕೊಳ್ಳಲಿ. ಅಲ್ಲಿರುವ ಬಂಧನಗಳು, ಸೈತಾನನ ತಂತ್ರಗಳು, ರೋಗಗಳು ಮತ್ತು ವೇದನೆಗಳು ಸಂಪೂರ್ಣವಾಗಿ ನಾಶವಾಗಲಿ. ನಮಗಾಗಿಯೂ ಪ್ರಾರ್ಥಿಸಿರಿ. ನಾವು ಒಟ್ಟಾಗಿ ಸೇರಿ ಹಳ್ಳಿಗಳನ್ನು ಕ್ರಿಸ್ತನ ಕಡೆಗೆ ಮುನ್ನಡೆಸೋಣ. ಸುವಾರ್ತೆಗೆ ವಿರುದ್ಧವಾಗಿ ಎದ್ದೇಳುವ ಸೈತಾನನ ಅಂಧಕಾರ ಶಕ್ತಿಗಳು ಮುರಿಯಲ್ಪಡಲು, ರಾಜಕೀಯ ಕಾನೂನುಗಳು ಅನುಕೂಲಕರವಾಗಿರಲು ಮತ್ತು ದೇವರ ವಾಕ್ಯವು ಹೇಳುವ ಪ್ರಕಾರ ತೆರೆದ ಬಾಗಿಲನ್ನು ದೇವರು ನಮಗೆ ಕೊಡುವಂತೆ ಆಸಕ್ತಿಯಿಂದ ಪ್ರಾರ್ಥಿಸೋಣ, ಜಯ ಹೊಂದೋಣ.

 

ನೆನಪಿಡಿ: ಕಾಡಿನಲ್ಲಿರುವ ಮರಗಳ ಹೆಚ್ಚಳ ಪಕ್ಷಿಗಳಿಂದಲೇ, ಭೂಮಿಯಲ್ಲಿರುವ ಆತ್ಮಗಳ ಹೆಚ್ಚಳ ನಿಮ್ಮಿಂದಲೇ ಎಂಬುದನ್ನು ನೆನಪಿಟ್ಟುಕೊಳ್ಳಿ.

 

- Mrs. ಐಡಾ ಕಿಂಗ್ ಡೇವಿಡ್

 

ಪ್ರಾರ್ಥನಾ ಅಂಶ:

ಪೊಂಗಲ್ ರಜಾದಿನಗಳಲ್ಲಿ ಸೇವಕರ ಮಕ್ಕಳಿಗಾಗಿ ನಡೆಯಲಿರುವ ಯೆಹೋಶುವನೇ ಎದ್ದೇಳು ಎಂಬ ಶಿಬಿರಕ್ಕಾಗಿ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482