By Village Missionary Movement

Sunday, 08-Jan-2023

ಧೈನಂದಿನ ಧ್ಯಾನ(Kannada) – 09.01.2023

 

ಯೆಹೋಶುವನೇ ಎದ್ದೇಳು

 

"ಆದ್ದರಿಂದ ನೀವು ಹೊರಟುಹೋಗಿ ಎಲ್ಲಾ ದೇಶಗಳ ಜನರನ್ನು ಶಿಷ್ಯರನ್ನಾಗಿ ಮಾಡಿರಿ; ಅವರಿಗೆ ತಂದೆಯ, ಮಗನ, ಪವಿತ್ರಾತ್ಮನ ಹೆಸರಿನಲ್ಲಿ ದೀಕ್ಷಾಸ್ನಾನಮಾಡಿಸಿ" - ಮತ್ತಾಯ 28:19

 

ಇಂಗ್ಲೆಂಡಿನಲ್ಲಿ ಜನಿಸಿದ ಹಡ್ಸನ್ ಟೇಲರ್ ತನ್ನ ನಂಬಿಕೆಯಿಲ್ಲದ ಯೌವನದಲ್ಲಿ ದೇವರನ್ನು ತಿಳಿದುಕೊಂಡರು ಮತ್ತು ಸುವಾರ್ತೆಯ ಪ್ರತಿಯ ಮೂಲಕ ರಕ್ಷಿಸಲ್ಪಟ್ಟರು. ನಂತರ ಅವರು ಮಿಷನರಿಯಾಗಿ ಚೀನಾಗೆ ಹೋಗಲು ಕರೆ ಸ್ವೀಕರಿಸಿದರು. 1853 ರಲ್ಲಿ, 21 ನೇ ವಯಸ್ಸಿನಲ್ಲಿ, ಅವರು ಇಂಗ್ಲೆಂಡ್ ಅನ್ನು ತೊರೆದು ಚೀನಾದ ಶಾಂಘೈ ತಲುಪಿದರು. ಚೀನಾದಲ್ಲಿರುವ ಪ್ರತಿಯೊಬ್ಬ ಮನುಷ್ಯನನ್ನೂ ರಕ್ಷಿಸಬೇಕೆಂಬ ದಾಹ ಅವರಲ್ಲಿತ್ತು. ಬಲಹೀನತೆಯ ಕಾರಣದಿಂದ ಇಂಗ್ಲೆಂಡಿನಲ್ಲಿದ್ದಾಗ ವೈದ್ಯಕೀಯ ವ್ಯಾಸಂಗವನ್ನು ಮುಗಿಸಿ, ಚೈನಾ ಇನ್‌ಲ್ಯಾಂಡ್ ಮಿಷನ್ ಎಂಬ ಸಂಸ್ಥೆಯನ್ನು ಸ್ಥಾಪಿಸಿ 22 ಜನರೊಂದಿಗೆ ಚೀನಾಗೆ ಮರಳಿದರು.

 

ನಂತರ ಹಲವು ಹೋರಾಟಗಳು ಬಂದವು. ಅವರ ಮಗಳು ಸತ್ತಳು ಮತ್ತು ಅವರ ಹೆಂಡತಿ ಹೆರಿಗೆಯಲ್ಲಿ ಸತ್ತು ಹೋದರು. ಅವರ ಬಲಹೀನತೆಗಳು ಎಷ್ಟಿದ್ದರೂ, ಇವು ಯಾವುದೂ ಕೂಡ ಅವರ ಸೇವೆಗೆ ಅಡ್ಡಿಯಾಗಲಿಲ್ಲ. ಬದಲಾಗಿ ಸೇವೆಯು ಬೆಳೆದು ವಿಸ್ತರಿಸಿತು. 1995 ರಲ್ಲಿ 641 ಮಿಷನರಿಗಳು ಮತ್ತು 462 ಚೀನೀ ಸಹಾಯಕರು ಇದ್ದರು. ಕಮ್ಯುನಿಸ್ಟ್ ಆಳ್ವಿಕೆಯಲ್ಲಿ ಕ್ರೈಸ್ತ ಧರ್ಮವು ಬೆಳೆಯುತ್ತಲೇ ಇತ್ತು ಮತ್ತು ಚೀನಿಯರು ಅಲ್ಲಿ ರಕ್ಷಿಸಲ್ಪಟ್ಟು ಆ ದೇಶದಲ್ಲಿ ಅಭಿವೃದ್ಧಿ ಹೊಂದಿದರು. ಈ ಹಡ್ಸನ್ ಟೇಲರ್ ಅಪೊಸ್ತಲರಾದ ಪೌಲನನ್ನು ಅನುಸರಿಸಿ ಸುವಾರ್ತೆಯೊಂದಿಗೆ ಹೋದವರು! ಬಿಲ್ಲಿ ಗ್ರಹಾಂ, ಏಮಿ ಕಾರ್ಮೈಕಲ್, ಒಲಿಂಪಿಯನ್ ಎರಿಕ್ ಲಿಡ್ಲ್, 20 ನೇ ಶತಮಾನದ ರಕ್ತ ಸಾಕ್ಷಿ ಜಿಮ್ ಎಲಿಯಟ್, ಆಡ್ರೆ, ಲೂಯಿ ಮತ್ತು ಅನೇಕರು ಇವರ ಜೀವನದಿಂದ ಸ್ಪರ್ಶಿಸಲ್ಪಟ್ಟು ದೇವರ ಕೆಲಸಕ್ಕೆ ತಮ್ಮನ್ನು ಅರ್ಪಿಸಿಕೊಂಡರು.

 

ಸತ್ಯವೇದದಲ್ಲಿ, ಮೋಶೆಯು ಮುನ್ನಡೆಸಿದ ಲಕ್ಷಾಂತರ ಜನರನ್ನು ಮೋಶೆಯ ನಂತರ ಮುನ್ನಡೆಸಲು ಕರ್ತನು ಯೆಹೋಶುವನನ್ನು ಎಬ್ಬಿಸಿದರು. ಅಂತೆಯೇ, ಇಂದು ಅವರ ಕೆಲಸಕ್ಕೆ ಸಾವಿರಾರು ಯೆಹೋಶುವರು ಬೇಕಾಗಿದ್ದಾರೆ.

 

ನಾವು ದೇಶದ ಉಜ್ಜೀವನಕ್ಕಾಗಿ ಶ್ರಮಿಸುತ್ತಿದ್ದೇವೆ. ನಾವು ಸೇವೆ ಮಾಡಿದರೆ ಮಾತ್ರ ಉಜ್ಜೀವನ ಬರುವುದಿಲ್ಲ. ಸೇವೆ ಮಾಡುವಂತಹ ಅನೇಕ ಯೆಹೋಶುವಗಳನ್ನು ಎಬ್ಬಿಸಬೇಕು. ಇದನ್ನು ಗಮನದಲ್ಲಿಟ್ಟುಕೊಂಡು, ನಾವು ಹಳ್ಳಿಯ ಮಿಷನರಿ ತಂಡವಾಗಿ ಮುಂದಿನ ಪೀಳಿಗೆಯ ಯೆಹೋಶುವರನ್ನು ಬೆಳೆಸಲು ಶ್ರಮಿಸುತ್ತಿದ್ದೇವೆ. ಪ್ರತಿ ತಿಂಗಳು ಯುವ ಶಿಬಿರ ಮತ್ತು ನಾಯಕತ್ವ ಶಿಬಿರಗಳನ್ನು ಆಯೋಜಿಸುವ ಮೂಲಕ ನಾವು ನಮ್ಮ ಕೈಲಾದಷ್ಟು ಮಾಡುತ್ತಿದ್ದೇವೆ. ನಮಗಾಗಿ ಪ್ರಾರ್ಥಿಸಿ. ನಿಮ್ಮ ಮಗು ಯೆಹೋಶುವರಾಗಿ ಎದ್ದೇಳಲು ಸಮರ್ಪಿಸಿರಿ. ನೆನಪಿಡಿ: ಮೋಶೆಯೊಂದಿಗೆ ನಡೆದ ಯೆಹೋಶುವನನ್ನು ಕರ್ತನು ಬಳಸಿದರು. ನಿಮ್ಮೊಂದಿಗೆ ನಡೆಯುವವರು ಯೆಹೋಶುವರಾಗಿರಬಹುದು ಮತ್ತು ಅವರಿಗೆ ನೀವು ಮೋಶೆಯಾಗಿದ್ದೀರ ಎಂಬುದನ್ನು ನೆನಪಿನಲ್ಲಿಟ್ಟುಕೊಳ್ಳಿ.

- P. .ಶಿವ

 

ಪ್ರಾರ್ಥನಾ ಅಂಶ:

ತಿಂಗಳಲ್ಲಿ 30 ದಿನಗಳೂ 30 ಮನೆಗಳಲ್ಲಿ ಮನೆ ಪ್ರಾರ್ಥನಾ ಗುಂಪುಗಳು ಕ್ರಮವಾಗಿ ನಡೆಯಲು ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482