By Village Missionary Movement

Friday, 17-Jun-2022

ഇന്നത്തെ ധ്യാനം (Malayalam) 18-06-2022

 

നോക്കി ശാന്തനായിരിക്കുക 

 

“എനിക്കു അവൻ വരുത്തിയ വ്യസനം പോലെ ഒരു വ്യസനം ഉണ്ടോ എന്നു നോക്കുവിൻ!” - വിലാപങ്ങൾ 1:12

 

യേശുക്രിസ്തു കുരിശിൽ കാണിച്ച സ്നേഹമല്ലാതെ അതിനു സമമായ മറ്റെന്തെങ്കിലും സ്നേഹമുണ്ടോ? കുരിശും, അവന്റെ രക്തവും, ആണികൾ തുളച്ചുകയറിയ കൈകാലുകളും, തലയിലെ മുൾകിരീടവും , അവന്റെ കഷ്ടപ്പാടുകളും നോക്കുമ്പോൾ, നമ്മുടെ ജീവിതത്തിൽ വരുന്ന ഒരു പ്രയാസവും കഷ്ടപ്പാടും അതിന് സമമാകില്ല! ഗാനരചയിതാവ് റൂബൻ എഴുതിയ "അവനെ നോക്കൂ" എന്ന ഗാനം യേശുവിന്റെ കുരിശിൽ അനുഭവിച്ച കഷ്ടപ്പാടുകൾ ചിത്രീകരിക്കുകയും നമ്മുടെ സങ്കടങ്ങളിൽ അവനെ നോക്കുകയും വേണം എന്ന് അവസാനിക്കുന്നു.

 

റിച്ചാർഡ് വില്യം, ഡേവിഡ് ലിവിംഗ്സ്റ്റൺ, ഗ്രഹാം സ്റ്റെയിൻസ്, ഹഡ്‌സൺ ടെയ്‌ലർ, റോക്ക്‌ലാൻഡ്, വില്യം കാരി തുടങ്ങി പാശ്ചാത്യ രാജ്യങ്ങളിൽ ജനിച്ച് പഠിച്ചിറങ്ങിയ നിരവധി മിഷനറിമാർ സ്വന്തം നാടും സുഖജീവിതവും ഉപേക്ഷിച്ചു. അതുമാത്രമല്ല, അവർ കൊടുംചൂട് അനുഭവിച്ചു, ഭാര്യയെയും മക്കളെയും നഷ്ടപെട്ടു , ഗൃഹജീവിതം ഉപേക്ഷിച്ചു, ദിവസത്തിൽ 4 മണിക്കൂർ പോലും ഉറങ്ങാൻ സാധിക്കാതെ , ശരിയായ ഭക്ഷണം കിട്ടാതെ, അവസാന ശ്വാസം വരെ സുവിശേഷത്തിനായി ജീവിതം സമർപ്പിച്ചു.

 

വിശുദ്ധ ഗ്രന്ഥത്തിൽ യോസഫിനെ നോക്കുമ്പോൾ, അവൻ എത്രമാത്രം നിശബ്ദനായിരുന്നുവെന്ന് നമുക്കറിയാം. സ്വന്തം സഹോദരങ്ങളാൽ വെറുക്കപ്പെട്ടു, കുഴിയിൽ എറിയപ്പെട്ടു, വിൽക്കപ്പെട്ടു, അന്യായമായി ആരോപിക്കപ്പെട്ടു, എല്ലാ സാഹചര്യങ്ങളിലും അവൻ നിശബ്ദനായിരുന്നു. പൗലോസ് പറഞ്ഞു, "എല്ലാത്തിലും സംതൃപ്തനായിരിക്കാൻ ഞാൻ പഠിച്ചു." പറയുന്നു.

 

പക്ഷേ, പലപ്പോഴായി, നമ്മളെ തേടി വരുന്ന കഷ്ടപ്പാടുകൾ നമ്മെ വേദനിപ്പിക്കുന്നു, "എനിക്ക് മാത്രം എന്ത്" എന്ന് പിറുപിറുക്കുന്നു. നമ്മുടെ ജീവിതത്തിൽ സംഭവിക്കുന്നതെല്ലാം ദൈവത്തിനറിയാം. അവന്റെ അനുവാദമില്ലാതെ ഒന്നിനും നമ്മെ സമീപിക്കാനാവില്ല. ഇത് മനസ്സിലാക്കി, കഷ്ടപ്പാടുകൾക്കിടയിലും ശാന്തത പാലിക്കുകയും അവനിലേക്ക് നോക്കുകയും ചെയ്യുമ്പോൾ, അവൻ തീർച്ചയായും അത്ഭുതങ്ങൾ ചെയ്യും. നമ്മുടെ കഷ്ടപ്പാടുകളുമായി കർത്താവിന്റെ കഷ്ടം താരതമ്യം ചെയ്യുമ്പോൾ നമ്മുടെ കഷ്ടം ഒന്നുമല്ലെന്ന് നമുക്ക് തോന്നുന്നു. ഇവ സഹിച്ചു രക്ഷപെടാൻ വഴിയുണ്ടെന്നറിഞ്ഞാൽ ദൈവത്തെ സ്തുതിക്കാം. അതുമാത്രമല്ല, നിത്യജീവന്റെ കിരീടം നമുക്ക് ലഭിക്കുമെന്നതിൽ സംശയമില്ല.

- ശ്രീമതി ജാസ്മിൻ പോൾ

 

പ്രാർത്ഥനാ കുറിപ്പ്:

ദൈവം പുതിയ മിഷനറിമാരെ താങ്ങുന്ന സപ്പോർട്ട്ഴ്‌സിനെ എഴുനേല്പിക്കുവാൻ പ്രാർത്ഥിക്കുക.

 

Facebook- ൽ നേടുക: www.facebook.com/villagemissionarymovement

ഇമെയിൽ സ്വീകരിക്കുക: reachvmm@gmail.com

വെബ്സൈറ്റ്: www.vmm.org.in

Android App: https://play.google.com/store/apps/details?id=com.infobells.vmmorgin

 

പ്രാർത്ഥന വിഷയങ്ങൾക്കായി: +91 9487367663, +91 9442493250