By Village Missionary Movement

Monday, 13-Jun-2022

ಧೈನಂದಿನ ಧ್ಯಾನ(Kannada) – 13.06.2022

 

ನಂಬಿಕೆಯ ಪ್ರಾರ್ಥನೆ

 

"ನಂಬಿಕೆಯೋ ನಾವು ನಿರೀಕ್ಷಿಸುವವುಗಳ ವಿಷಯವಾಗಿ ಭರವಸದಿಂದಿರುವದೂ ಕಣ್ಣಿಗೆ ಕಾಣದವುಗಳನ್ನು ನಿಜವೆಂದು ತಿಳುಕೊಳ್ಳುವದೂ ಆಗಿದೆ" - ಇಬ್ರಿಯ 11:1

 

ಸುಮಾರು 30 ವರ್ಷಗಳ ಹಿಂದೆ ಎಲ್ಲರಂತೆ ನಾನು ಕೂಡ ತುಂಬಾ ಆಸೆಯಿಂದ 10ನೇ ತರಗತಿಗೆ ಪ್ರವೇಶಿಸಿದ್ದೆ. ನಮ್ಮ ಕುಟುಂಬ ಆರ್ಥಿಕವಾಗಿ ಸ್ವಲ್ಪ ಹಿಂದುಳಿದ ಕುಟುಂಬ. ಒಂದು ದಿನ ನಾನು ನನ್ನ ತಂದೆಯ ಬಳಿಗೆ ಹೋಗಿ, “ನಮ್ಮ ಆರ್ಥಿಕತೆಯನ್ನು ಹೆಚ್ಚಿಸಲು ಏನಾದರೂ ಮಾರ್ಗವಿದೆಯೇ? ನಾನು ಅದಕ್ಕಾಗಿ ಏನು ಮಾಡಬೇಕು” ಎಂದು ಕೇಳಿದೆ. ತಕ್ಷಣ ನನ್ನ ಅಪ್ಪ, “ನೀನು 10ನೇ ತರಗತಿಯಲ್ಲಿ ಚೆನ್ನಾಗಿ ಓದಿ 420 ಅಂಕ ಪಡೆದರೆ ಒಳ್ಳೆಯ ಪಾಲಿಟೆಕ್ನಿಕ್ ಕಾಲೇಜಿನಲ್ಲಿ ಸ್ಥಾನ ಸಿಗುತ್ತದೆ. ನಂತರ ಒಳ್ಳೆಯ ಕೆಲಸಕ್ಕೆ ಸೇರಿ, ನಮ್ಮ ಪರಿಸ್ಥಿತಿಯನ್ನು ಬದಲಾಯಿಸಿಕೊಳ್ಳಬಹುದು” ಎಂದು ಹೇಳಿದರು. ನಾನು ಚೆನ್ನಾಗಿ ಓದತೊಡಗಿದೆ. ನಮ್ಮ ಮನೆಗೆ ಕರೆಂಟು ಇಲ್ಲದ ಕಾರಣ ಬೀದಿ ದೀಪದ ಬೆಳಕಿನಲ್ಲಿಯೇ ಓದಬೇಕು. ಒಟ್ಟಾರೆ ಒಂದು ರೀತಿಯಲ್ಲಿ ಆ ವರ್ಷ ಮುಗಿಯಿತು. ನಾನು ಬರೆದದ್ದನ್ನು ಊಹಿಸಿದಾಗ 380 ಅಂಕ ಬರುವಂತೆ ಇತ್ತು. ನಾನು ಇದನ್ನು ನನ್ನ ತಂದೆಗೆ ಹೇಳಿದೆ. ಅವರು, ನೀನು ಕೆಲಸ ಮಾಡಲು ಜೆರಾಕ್ಸ್ ಅಂಗಡಿ ಅಥವಾ ಬಟ್ಟೆ ಅಂಗಡಿಗೆ ಹೋಗಬೇಕು ಎಂದು ಹೇಳಿದರು.

 

ನನ್ನ ಮನೆಯ ಹತ್ತಿರವಿದ್ದ ಅನ್ಯ ಮತಸ್ಥಳಾದ ಒಂದು ಅಜ್ಜಿ ಎಲ್ಲಾದಕ್ಕೂ "ಯೇಸಪ್ಪಾ" ಎಂದು ಹೇಳುವುದನ್ನು ನಾನು ಗಮನಿಸಿದೆ. ಏನಪ್ಪ ಇದು? ನಿಂತ್ರೂ ಯೇಸಪ್ಪ, ಮಲಗಿದ್ರೂ ಯೇಸಪ್ಪ ಅಂತಾ ಹೇಳ್ತಾ ಇದ್ದಾರಲ್ಲ ಅಂದುಕೊಂಡು, ಅವರ ಬಳಿಗೆ ಹೋಗಿ, "ನೀವು ಯಾಕೆ ಹೀಗೆ ಹೇಳುತ್ತಲೇ ಇದ್ದೀರ?" ಎಂದು ಅವರನ್ನು ಕೇಳಿದೆ. ಅದಕ್ಕೆ ಅವರು ಹೇಳಿದರು, "ನಾನು ಅನಾರೋಗ್ಯದಿಂದ ಸಾಯುವ ಸ್ಥಿತಿಯಲ್ಲಿದ್ದೆ. ವೈದ್ಯರು ನನ್ನನ್ನು ಕೈಬಿಟ್ಟ ಪರಿಸ್ಥಿತಿಯಲ್ಲಿದ್ದಾಗ ಒಬ್ಬ ಮಹಿಳೆ ನನಗಾಗಿ ಪ್ರಾರ್ಥಿಸಿದಳು. ಯೇಸಪ್ಪ ನನ್ನನ್ನು ಸಂಪೂರ್ಣವಾಗಿ ಗುಣಪಡಿಸಿದರು” ಎಂದರು. ನಾನು ಆಶ್ಚರ್ಯಪಟ್ಟೆ, "ನಾನು ಕೇಳಿದರೂ ಯೇಸಪ್ಪ ಮಾಡುತ್ತಾರಾ?" ಎಂದು ಕೇಳಿದೆ. ತಕ್ಷಣ ಆ ಅಜ್ಜಿ, ಹೌದೆಂದು ಹೇಳಿ, ಅವರಿಗೆ ಪ್ರಾರ್ಥಿಸಲು ಗೊತ್ತಿಲ್ಲದ ಕಾರಣದಿಂದಾಗಿ ಆ ಸಹೋದರಿಯ ಬಳಿಗೆ ಕರೆದುಕೊಂಡು ಹೋದರು. ಆ ಸಹೋದರಿ ನನಗಾಗಿ ಪ್ರಾರ್ಥಿಸಿದರು. ಯೇಸಪ್ಪ ಅದೇ ರೀತಿ ಮಾಡುತ್ತಾರೆ ಎಂದು ನಾನು ಕೂಡ ನಂಬಿದೆ. ಎಂಥಾ ಆಶ್ಚರ್ಯ! ನನ್ನ ತಂದೆ ಹೇಳಿದಂತೆಯೇ, ನಾನು ಪ್ರಾರ್ಥಿಸಿದಂತೆಯೇ, ನಾನು 420 ಮಾರ್ಕ್ಸ್ ತೆಗೆದುಕೊಂಡಿದ್ದೆ. ಒಳ್ಳೆಯ ಪಾಲಿಟೆಕ್ನಿಕ್ ಕಾಲೇಜಿನಲ್ಲಿಯೂ ಸ್ಥಾನ ಸಿಕ್ಕಿತು. ಕಾಟ್ರಾಲೈ ಎಂಬ ವಿದ್ಯುತ್ ತಯಾರಿಸುವ ಕಂಪನಿಯೊಂದರಲ್ಲಿ ಕೆಲಸವನ್ನೂ ಕೊಟ್ಟರು. ಯೇಸುವನ್ನು ನನ್ನ ಸ್ವಂತ ರಕ್ಷಕನಾಗಿ ಅಂಗೀಕರಿಸಲು ಕೃಪೆ ತೋರಿಸಿದರು. ಇಂದು ವಾರದ ರಜಾ ದಿನಗಳಲ್ಲಿ ಸೇವೆ ಮಾಡಲೂ ಸಹ ದಯೆ ತೋರಿಸಿದರು.

 

ಪ್ರೀತಿಯ ಯೌವನಸ್ಥ ಮಕ್ಕಳೇ! ನಾವು ನಂಬಿಕೆಯಿಂದ ಯೇಸುವಿನ ಬಳಿ ಏನು ಕೇಳಿದರೂ ಯಾರು ಕೇಳಿದರೂ, ಆತನು ಖಂಡಿತವಾಗಿಯೂ ಅದನ್ನು ಮಾಡುತ್ತಾರೆ. ಇಬ್ರಿಯ 11:1 ಹೇಳುತ್ತದೆ, "ನಂಬಿಕೆಯೋ ನಾವು ನಿರೀಕ್ಷಿಸುವವುಗಳ ವಿಷಯವಾಗಿ ಭರವಸದಿಂದಿರುವದೂ ಕಣ್ಣಿಗೆ ಕಾಣದವುಗಳನ್ನು ನಿಜವೆಂದು ತಿಳುಕೊಳ್ಳುವದೂ ಆಗಿದೆ" ನೀವು ಕೂಡ ಅನೇಕರು Board Exam ಗಳನ್ನು ಬರೆದಿರುತ್ತೀರ. ನಂಬಿಕೆಯಿಂದ ಯೇಸುವನ್ನು ಕೇಳಿ. ಅವರು ಖಂಡಿತವಾಗಿಯೂ ನಿಮಗೆ ಉತ್ತಮ ಅಂಕಗಳನ್ನು ಮತ್ತು ಕಾಲೇಜನ್ನು ಕೊಡುತ್ತಾರೆ. ಅಲ್ಲದೆ, ಜೀವನದಲ್ಲಿ ಯಾವುದೇ ಪರಿಸ್ಥಿತಿಯಲ್ಲಿ ಯೇಸುವನ್ನು ಮಾತ್ರ ಹಿಡಿದುಕೊಳ್ಳಿ. ನನ್ನ ಜೀವನವನ್ನು ಆಶೀರ್ವದಿಸಿ ಹೆಚ್ಚಿಸಿದ ದೇವರು ನಿಮ್ಮನ್ನೂ ಆಶೀರ್ವದಿಸುತ್ತಾರೆ.

- Bro.ಮರಿಯಪ್ಪನ್.

 

ಪ್ರಾರ್ಥನಾ ಅಂಶ:

ಮೋಕ್ಷ ಪ್ರಯಾಣ ಪತ್ರಿಕೆಯನ್ನು ಬರೆಯುವವರನ್ನು ಮತ್ತು ಎಡಿಟ್ ಮಾಡುವವರನ್ನು ದೇವರು ತನ್ನ ವಿಶೇಷವಾದ ಜ್ಞಾನದಿಂದ ತುಂಬಿಸುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- reachvmm@gmail.com

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +9193455404

82