By Village Missionary Movement

Wednesday, 24-Jun-2026

ಧೈನಂದಿನ ಧ್ಯಾನ(Kannada) – 24.06.2026

 

ಆನಂದ ಭಾಗ್ಯ 

 

“ಆಗ ಯೆಹೋವನಲ್ಲಿ ಸಂತೋಷಿಸುವಿ; ಮತ್ತು ಆತನು ನಿನ್ನ ಇಷ್ಟಾರ್ಥಗಳನ್ನು ನೆರವೇರಿಸುವನು" - ಕೀರ್ತನೆ 37:4

 

ಮನೋಲ್ಲಾಸವಾಗಿರು,ಸಂತೋಷವಾಗಿರು, ಕರ್ತನನ್ನು ಸ್ತುತಿಸಿ ಕೊಂಡಾಡು. ಆಗ ಕರ್ತನು ನಿನ್ನ ಎಲ್ಲಾ ಇಷ್ಟಾರ್ಥಗಳನ್ನು ನೆರವೇರಿಸಿ ನಿನ್ನನ್ನು ಆಶೀರ್ವದಿಸುವರು.

 

ಒಂದು ಚಿಕ್ಕ ಮಗು ತನ್ನ ತಾಯಿಯ ಗಮನವನ್ನು ಪಡೆಯಲು ಏನೇ ಆದರೂ ಅಳುತ್ತದೆ. ಆದರೆ ಮಗು ಬೆಳೆದು ವಿವರಗಳನ್ನು ಕಲಿತಾಗ, ಅದು ಏನೇ ಆದರೂ ಅಳುತ್ತಲೇ ಇದ್ದರೆ, ಅದು ಹೆತ್ತವರನ್ನು ಕೋಪಗೊಳಿಸುತ್ತದೆ. ಅದೇ ರೀತಿ, ನಾವು ದುಃಖಿತರಾಗುವುದು ಮತ್ತು ಕೆಲವು ವಿಷಯಗಳಿಗೆ ಕಣ್ಣೀರು ಸುರಿಸುವುದೂ ಸಹಜ. ನಾವು ನಮ್ಮ ಪಾಪಗಳ ಬಗ್ಗೆ ಪಶ್ಚಾತ್ತಾಪಪಟ್ಟು ಕಣ್ಣೀರಿನಿಂದ ಕರ್ತನನ್ನು ಪ್ರಾರ್ಥಿಸಿದರೆ, ಆತನು ನಮ್ಮ ಎಲ್ಲಾ ಪಾಪಗಳನ್ನು ಕ್ಷಮಿಸಿ, ನಮ್ಮನ್ನು ರಕ್ಷಿಸಲು ಶಕ್ತರಾಗಿದ್ದಾರೆ. ಆದರೆ ಆಧ್ಯಾತ್ಮಿಕ ಜೀವನದಲ್ಲಿ ಬೆಳೆದ ದೇವರ ಮಕ್ಕಳು ಕರ್ತನನ್ನು ಸ್ತುತಿಸಿ ಕೊಂಡಾಡಿ, ತಮ್ಮ ವಿಜ್ಞಾಪನೆಗಳನ್ನು ಆತನಿಗೆ ತಿಳಿಸಿ ಎಲ್ಲಾ ಆಶೀರ್ವಾದಗಳನ್ನು ಪಡೆದುಕೊಳ್ಳುತ್ತಾರೆ.

 

1 ಸಮುವೇಲ 1 ನೇ ಅಧ್ಯಾಯದಲ್ಲಿ, ಎಲ್ಕಾನನ ಹೆಂಡತಿ ಹನ್ನಳು ಮಕ್ಕಳಿಲ್ಲದ ಕಾರಣ ಅನೇಕ ವರ್ಷಗಳು ಅತ್ತಳು. ಆದರೆ ಒಂದು ದಿನ ಹನ್ನಳು ಕರ್ತನ ಆಲಯಕ್ಕೆ ಹೋಗಿ, ಬಹು ದುಃಖದಿಂದ ಕಣ್ಣೀರು ಸುರಿಸಿ ಯೆಹೋವನನ್ನು ನೋಡಿ ವಿಜ್ಞಾಪನೆ ಮಾಡಿ, ನಿನ್ನ ದಾಸಿಯ ಮೇಲೆ ಕನಿಕರವಿಟ್ಟು ನನಗೊಬ್ಬ ಮಗನನ್ನು ಕೊಟ್ಟರೆ, ಅವನು ಜೀವದಿಂದಿರುವ ತನಕ ನಿನ್ನವನಾಗಿಯೇ ಇರುವ ಹಾಗೆ ನಿನಗೆ ಪ್ರತಿಷ್ಠಿಸಿಕೊಡುವೆನು ಎಂದು ಒಂದು ಹರಕೆ ಮಾಡಿದಳು. ಯೆಹೋವನ ಸಮ್ಮುಖದಲ್ಲಿ ತನ್ನ ಹೃದಯವನ್ನು ಸುರಿದುಬಿಟ್ಟಳು. ಆಮೇಲೆ ಆಕೆಯ ಮೋರೆಯಲ್ಲಿ ದುಃಖವು ಕಾಣಲಿಲ್ಲ. ಹರಕೆಯ ಮಗನಾದ ಸಮುವೇಲನನ್ನು ಪಡೆದುಕೊಂಡಳು.

 

ಪ್ರಿಯರೇ! ಅದೇ ರೀತಿಯಲ್ಲಿ, ನಾವು ನಮ್ಮ ಎಲ್ಲಾ ಹೊರೆಗಳು, ಚಿಂತೆಗಳು, ಹಂಬಲಗಳು ಮತ್ತು ನಿಟ್ಟುಸಿರುಗಳನ್ನು ಕರ್ತನಿಗೆ ತಿಳಿಸಬೇಕು. ನಂಬಿಕೆಯಿಂದ ರಕ್ಷಣೆಯ ದೇವರಿಗೆ ಕಾದಿರುವಾಗ, ದೇವರು ನಮ್ಮ ಪ್ರಾರ್ಥನೆಯನ್ನು ಕೇಳುತ್ತಾರೆ. ನಾವು ಕರ್ತನನ್ನು ಸ್ತುತಿಸುವಾಗ, ರಕ್ಷಣೆಯ ಗಂಭೀರ ಶಬ್ದವು ನಮ್ಮ ಗುಡಾರವನ್ನು ತುಂಬುತ್ತದೆ. ಕರ್ತನ ಬಲಗೈ ಪರಾಕ್ರಮವನ್ನು ನಡೆಸುತ್ತದೆ. ಸಹಾಯಕರಾದ ಅವರು ನಮ್ಮನ್ನು ತಳ್ಳಿ ಬಿಡದೆಯೂ, ಕೈಬಿಡದೆಯೂ ಕಾಪಾಡಿಕೊಳ್ಳುತ್ತಾರೆ. ಹಲ್ಲೇಲೂಯಾ. 

- A. ಫಾತಿಮಾ

 

ಪ್ರಾರ್ಥನಾ ಅಂಶ:

ನಮ್ಮ ಮಕ್ಕಳ ಶಿಬಿರದಲ್ಲಿ ಪಾಲ್ಗೊಂಡ ಮಕ್ಕಳ ಹೃದಯಗಳಲ್ಲಿ ಕರ್ತನ ವಾಕ್ಯವು ಕ್ರಿಯೆ ಮಾಡುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482