By Village Missionary Movement

Wednesday, 24-Jun-2026

దిన ధ్యానము(Telugu) 24.06.2026

 

అంశం: ఆనందమనే ఆశీర్వాదం

 

“యెహోవానుబట్టి సంతోషించుము ఆయన నీ హృదయవాంఛలను తీర్చును” - కీర్తనలు 37:4

 

ఆనందంగా ఉండండి. ఉత్సాహంగా ఉండండి. ప్రభువును నిరంతరం స్తుతిస్తూ ఉండండి. అప్పుడు ప్రభువు మీ ప్రార్థనలన్నింటినీ నెరవేర్చి, మిమ్మల్ని ఆశీర్వదిస్తారు. ఒక చిన్న బిడ్డ తన తల్లి దృష్టిని ఆకర్షించడం కోసం దేనికైనా సరే ఏడుస్తుంది. కానీ ఆ బిడ్డ పెద్దదైన తర్వాత కూడా, అన్ని విషయాలు తెలిసీ ఇంకా ఏడుస్తూనే ఉంటే, తల్లిదండ్రులకు కోపం మాత్రమే వస్తుంది. అదేవిధంగా, కొన్ని విషయాల వల్ల మనం కన్నీరు కార్చడం సహజమే. మన పాపాల విషయమై పశ్చాత్తాపపడి, కన్నీళ్లతో ప్రభువుకు ప్రార్థిస్తే, ఆయన మన పాపాలన్నింటినీ క్షమించి మనలను రక్షించగలడు. అయితే ఆత్మీయ జీవితంలో ఎదిగిన దేవుని పిల్లలు, ప్రభువును స్తుతిస్తూ, కృతజ్ఞతలు చెల్లిస్తూ తమ విన్నపాలను ఆయనకు తెలియజేసి, సమస్త మేలులను పొందుకుంటారు.

 

మొదటి సమూయేలు గ్రంథం 1వ అధ్యాయంలో, ఎల్కానా భార్య అయిన హన్నా తనకు పిల్లలు లేరని చాలా సంవత్సరాలు ఏడ్చింది. కానీ ఒకరోజు హన్నా యెహోవా మందిరానికి వెళ్లి, మనోవేదనతో బహుగా ఏడుస్తూ ప్రభువుకు ప్రార్థించి—"నీ దాసురాలనైన నాకు ఒక మగపిల్లాడిని ఇస్తే, వాని బ్రతుకు దినములన్నిటా వానిని యెహోవాకు అప్పగింతును" అని మ్రొక్కుబడి చేసుకుంది. ఆమె తన హృదయాన్ని ప్రభువు ఎదుట కుమ్మరించింది. ఆ తర్వాత ఆమె ముఖము దుఃఖముఖముగా ఉండలేదు. తగిన సమయంలో దేవుడు ఆమె ప్రార్థనను ఆలకించి, ఆమెకు సమూయేలు అనే కుమారుడిని అనుగ్రహించాడు; ఆమె తాను మొక్కుకున్నట్లే ఆ బిడ్డను దేవునికి ప్రతిష్టించింది.

 

ప్రియ స్నేహితులారా! అలాగే మనం కూడా మన భారములు, చింతలు, ఆశలు మరియు నిట్టూర్పులన్నింటినీ ప్రభువుకు తెలియజేయాలి. మన రక్షణకర్తయైన దేవుని కొరకు మనం విశ్వాసంతో కనిపెట్టుకున్నప్పుడు, దేవుడు మన మొర ఆలకిస్తాడు. మనం ప్రభువును స్తుతించినప్పుడు, రక్షణ మరియు విజయ గీతాలు మన జీవితాలను నింపుతాయి. యెహోవా కుడిహస్తం మహా బలమైనది. తోడైయుండే ఆ ప్రభువు మనం తొట్రిల్లకుండా, విసిగిపోకుండా మనలను కాపాడును. హల్లెలూయ!

- ఎ. ఫాతిమా గారు

 

ప్రార్థన అంశం:

 మన బాలల క్యాంప్‌కు (Children's Camp) హాజరైన పిల్లల హృదయాలలో దేవుని వాక్యం పనిచేసేలా ప్రార్థించండి.

 

*Whatsapp*

ఈ దిన ధ్యాన సందశమును తమిళ్, ఇంగ్లీష్ , హిందీ, మలయాళం, తెలుగు, కన్నడ, పంజాబీ మరియు ఒరియా బాషలలో వాట్సాప్ త్వరా పొందుటకు *+91 94440 11864* అనే నెంబర్ ను సంబ్రదించగలరు.

 

www.vmm.org.in

ఈమెయిల్: info@vmm.org.in

Android App: https://play.google.com/store/apps/details?id=com.infobells.vmmorgin

 

విలేజ్ మిషనరీ మూమెంట్, విరుదునగర్, ఇండియా- 626001

ప్రార్ధనా అవసరాల కోసం: +91 94424 93250