By Village Missionary Movement

Saturday, 20-Jun-2026

ಧೈನಂದಿನ ಧ್ಯಾನ(Kannada) – 20.06.2026

 

ತನ್ನನ್ನು ಗೆಲ್ಲುವವನು

 

"ಮೋಶೆಯು ದೇವರ ಮನೆಯಲ್ಲೆಲ್ಲಾ ನಂಬಿಗಸ್ತನಾಗಿದ್ದಂತೆಯೇ..." - ಇಬ್ರಿಯ 3:2

 

ಆಂತರಿಕ ಮನುಷ್ಯನಲ್ಲಿ ಜಯಗಳಿಸಿದವನೇ ಜೀವನದಲ್ಲಿ ಜಯಗಳಿಸಿದವನು. ಕರ್ತನು ಮೋಶೆಯ ಬಗ್ಗೆ ಸಾಕ್ಷಿ ಹೇಳುವಾಗ, ಮೋಶೆಯು ನನ್ನ ಮನೆಯಲ್ಲೆಲ್ಲಾ ನಂಬಿಗಸ್ತನು ಎಂದು ಹೇಳುತ್ತಾರೆ. ಇಲ್ಲಿ ದೇವರ ಮನೆ ಎಂದು ಹೇಳಲ್ಪಡುವುದು ನಮ್ಮ ದೇಹ ಅಥವಾ ಹೃದಯ. ನಂಬಿಕೆಯಿಂದ ಉಂಟಾಗುವ ಧೈರ್ಯ ಮತ್ತು ಸಂತೋಷವನ್ನು ಕೊನೆಯವರೆಗೂ ದೃಢವಾಗಿ ಹಿಡಿದಿದ್ದರೆ, ನಾವೇ ಆತನ ಮನೆಯಾಗಿರುತ್ತೇವೆ (ಇಬ್ರಿಯ.3:6) ಎಂದು ಸತ್ಯವೇದವು ಹೇಳುತ್ತಿದೆ. ಒಬ್ಬ ಮನುಷ್ಯನು ನಂಬಿಗಸ್ತನಾಗಿದ್ದರೆ, ಅವನೇ ವಿಜಯಶಾಲಿ ಜೀವನವನ್ನು ನಡೆಸುವವನು. ತಾನು ವಿಜಯಶಾಲಿಯಾಗದೆ ಇತರರನ್ನು ವಿಜಯದ ಹಾದಿಯಲ್ಲಿ ನಡೆಸುವುದು ಎಂಬುದು ಅಸಾಧ್ಯವಾದ ಕಾರ್ಯ. 

 

ರಾಜಕುಮಾರರು ಮತ್ತು ರಾಜ್ಯಪಾಲರು ದಾನಿಯೇಲನನ್ನು ಅಪರಾಧಿ ಎಂದು ನಿರ್ಣಯಿಸಲು ಪ್ರಯತ್ನಿಸುತ್ತಿದ್ದಾರೆ. ಅದಕ್ಕಾಗಿ, ದೇಶದ ಎಲ್ಲಾ ನಿವಾಸಿಗಳು ರಾಜನನ್ನು ನಮಸ್ಕರಿಸಬೇಕು ಎಂಬ ಆಜ್ಞೆಯನ್ನು ಹೊರಡಿಸಲಾಗುತ್ತದೆ. ರಾಜನನ್ನು ಹೊರತುಪಡಿಸಿ ಬೇರೆ ಯಾವುದೇ ದೇವರನ್ನು ಮೂವತ್ತು ದಿನಗಳ ಕಾಲ ನಮಸ್ಕರಿಸಿದರೆ, ಅವನನ್ನು ಸಿಂಹಗಳ ಗವಿಯಲ್ಲಿ ಎಸೆಯಲಾಗುವುದು ಎಂದು ದಾನಿಯೇಲನಿಗೆ ತಿಳಿದಿತ್ತು. ಆದರೂ ಅವನು ರಾಜನನ್ನು ಆರಾಧಿಸಲಿಲ್ಲ. ಕೋಣೆಯಲ್ಲಿ ಕಿಟಕಿಗಳು ಯೆರೂಸಲೇಮಿಗೆ ಎದುರಾಗಿ ತೆರೆಯಲ್ಪಟ್ಟಿದ್ದ ರಿಂದ ಅವನು ಮೊದಲು ಮಾಡುತ್ತಿದ್ದ ಪ್ರಕಾರವೇ ದಿನಕ್ಕೆ ಮೂರು ಸಾರಿ ಮೊಣಕಾಲೂರಿ ತನ್ನ ದೇವರ ಸನ್ನಿಧಿಯಲ್ಲಿ ಪ್ರಾರ್ಥನೆಯನ್ನೂ ಸ್ತೋತ್ರವನ್ನೂ ಸಲ್ಲಿಸಿ ದನು. ಕಾರಣ ಅವನ ಆಂತರಿಕ ಮನುಷ್ಯನಲ್ಲಿ ಜಯವಿತ್ತು. ಸಿಂಹಗಳ ಗುಹೆಯಲ್ಲಿಯೂ ಸಹ ಅವನಿಗೆ ಯಾವುದೇ ಹಾನಿಯಾಗದಂತೆ ಕರ್ತನು ಅವನನ್ನು ಕಾಪಾಡಿದರು. 

 

ಮಾರ್ಕ 16:18 ರಲ್ಲಿ “ಸರ್ಪಗಳನ್ನು ಎತ್ತಿಕೊಳ್ಳುವರು” ಎಂದು ಬರೆಯಲ್ಪಟ್ಟಿದೆ. ಯೋಹಾನನು ಸೇವೆ ಮಾಡಿದ ದಿನಗಳಲ್ಲಿ, ಫರಿಸಾಯರಲ್ಲಿಯೂ ಸದ್ದುಕಾಯರಲ್ಲಿಯೂ ಅನೇಕರು ತನ್ನಿಂದ ಬಾಪ್ತಿಸ್ಮ ಮಾಡಿಸಿಕೊಳ್ಳು ವದಕ್ಕಾಗಿ ಬರುವದನ್ನು ಅವನು ಕಂಡು ಅವರಿಗೆ-- ಓ ಸರ್ಪ ಸಂತತಿಯವರೇ, ಬರುವದಕ್ಕಿರುವ ಕೋಪ ದಿಂದ ತಪ್ಪಿಸಿಕೊಳ್ಳುವದಕ್ಕೆ ನಿಮ್ಮನ್ನು ಎಚ್ಚರಿಸಿದವರು ಯಾರು? (ಮತ್ತಾಯ 3:7) ಎಂದು ಹೇಳುತ್ತಾರೆ. ಯೇಸು ಕೂಡ ತನ್ನ ಬಳಿಗೆ ಬರುವವರನ್ನು ಕಂಡು ಓ ಸರ್ಪಸಂತತಿಯವರೇ, ಕೆಟ್ಟವರಾಗಿ ರುವ ನೀವು ಒಳ್ಳೆಯವುಗಳನ್ನು ಹೇಗೆ ಮಾತನಾಡೀರಿ? ಯಾಕಂದರೆ ಹೃದಯದಲ್ಲಿ ಸಮೃದ್ಧಿಯಾಗಿರುವದನ್ನೇ ಬಾಯಿ ಮಾತನಾಡುತ್ತದೆ (ಮತ್ತಾಯ 12:34) ಎಂದರು.

 

ಪ್ರಿಯ ದೇವರ ಮಕ್ಕಳೇ, ಯೋಹಾನನು ಜನರನ್ನು ಕಂಡು ಸರ್ಪ ಸಂತತಿಯವರೇ ಎಂದು ಕರೆಯುವುದನ್ನು ಗಮನಿಸಿರಿ. ಸರ್ಪದ ಸ್ವಭಾವವು ಮನುಷ್ಯನೊಳಗೆ ಕಂಡುಬರುತ್ತದೆ ಎಂಬ ಅಂಶವನ್ನೇ ಅವರು ಉಲ್ಲೇಖಿಸಿದ್ದಾರೆ. ಆದ್ದರಿಂದ, ನಾವು ಯೇಸುಕ್ರಿಸ್ತನ ವಾಕ್ಯ, ಮರಣ, ಪುನರುತ್ಥಾನ ಮತ್ತು ನಿತ್ಯ ಜೀವವನ್ನು ನಂಬಬೇಕು ಮತ್ತು ಸುವಾರ್ತೆಯನ್ನು ಸಾರುವ ಮೊದಲು ನಮ್ಮೊಳಗಿನ ಸರ್ಪದ ಸ್ವಭಾವವನ್ನು ತೆಗೆದುಹಾಕಬೇಕು. ನಾವು ಹಾಗೆ ಮಾಡಿದರೆ, ನಾವು ವಿಜಯಶಾಲಿ ಜೀವನವನ್ನು ನಡೆಸಬಹುದು. ಆಮೆನ್. 

- B. ಸುಭಾಷ್ 

 

ಪ್ರಾರ್ಥನಾ ಅಂಶ:

VBS ಸೇವೆಯ ನಂತರ ಸತತವಾದ ಸೇವಾ ಕಾರ್ಯಗಳು ಎಲ್ಲಾ ಹಳ್ಳಿಗಳಲ್ಲೂ ನಡೆಯಬೇಕೆಂದು ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482