By Village Missionary Movement

Monday, 15-Jun-2026

ಧೈನಂದಿನ ಧ್ಯಾನ(Kannada) – 15.06.2026

 

ಯಾರ ಮೇಲೆ ನಂಬಿಕೆ?

 

“…ಯಾವನಿಗೆ ಕರ್ತನು ನಿರೀಕ್ಷೆ ಯಾಗಿದ್ದಾನೋ ಆ ಮನುಷ್ಯನು ಧನ್ಯನು." - ಯೆರೆಮಿಯ 17:7 

 

ಮಾಜಿ ಇರಾಕ್ಅಧ್ಯಕ್ಷ ಸದ್ದಾಂ ಹುಸೇನ್‌ರನ್ನು ಗಲ್ಲಿಗೇರಿಸಲು ಕರೆದೊಯ್ಯುತ್ತಿದ್ದಾಗ, ಅಮೇರಿಕನ್ ಸೈನಿಕರು ಅವರ ಕೊನೆಯ ಆಸೆ ಏನು ಎಂದು ಕೇಳಿದರು. ಸದ್ದಾಂ ಹುಸೇನ್ ಸದ್ದಿಲ್ಲದೆ, “ನನ್ನ ಕೋಟ್ ಕೊಡಿ, ನಾನು ಅದನ್ನು ಧರಿಸಬೇಕು” ಎಂದು ಉತ್ತರಿಸಿದರು. ಅವರು ಬಯಸಿದಂತೆ ಆ ಕೋಟ್ ಅನ್ನು ಅವರಿಗೆ ನೀಡಲಾಯಿತು. ಅದನ್ನು ನೋಡಿದ ಸೈನಿಕನೊಬ್ಬ ಆಶ್ಚರ್ಯದಿಂದ, “ನೀನು ಈಗ ಕೋಟ್ ಏಕೆ ಧರಿಸಿದ್ದೀಯ?” ಎಂದು ಕೇಳಿದರು. ಸದ್ದಾಂನ ಉತ್ತರವು ಅನೇಕ ಜನರನ್ನು ಯೋಚಿಸುವಂತೆ ಮಾಡಿತು: “ಇಂದು ತುಂಬಾ ಚಳಿ ಇದೆ. ನಾನು ಚಳಿಯಲ್ಲಿ ನಡುಗಲು ಪ್ರಾರಂಭಿಸಿದರೆ, ಇರಾಕಿನ ಜನರು ನಮ್ಮ ನಾಯಕ ಸಾವಿನ ಭಯದಿಂದ ನಡುಗುತ್ತಿದ್ದಾನೆ ಎಂದು ಭಾವಿಸುತ್ತಾರೆ.” ಅವನು ತನ್ನ ಜೀವನದ ಕೊನೆಯ ನಿಮಿಷಗಳಲ್ಲಿಯೂ ತನ್ನ ಗೌರವ ಮತ್ತು ನಂಬಿಕೆಯನ್ನು ಉಳಿಸಿಕೊಳ್ಳಲು ಪ್ರಯತ್ನಿಸಿದರು. 

 

ಇದೇ ರೀತಿಯ ಘಟನೆಯು ಸತ್ಯವೇದದಲ್ಲಿಯೂ ಬರೆಯಲ್ಪಟ್ಟಿದೆ. ಆ ದಿನಗಳಲ್ಲಿ, ಇಸ್ರಾಯೇಲ್ ಜನರಿಗೂ, ಫಿಲಿಷ್ಟಿಯರಿಗೂ ಯುದ್ಧ ನಡೆಯಿತು. ಆಗ ಗತ್‌ ಊರಿನ ಗೊಲ್ಯಾತನೆಂಬ ಹೆಸರುಳ್ಳ ಒಬ್ಬ ರಣವೀರನಿದ್ದನು. ಅವನು ಆರುವರೆ ಮೊಳ ಎತ್ತರದವನು. ದೊಡ್ಡ ಆಯುಧಗಳೊಂದಿಗೆ ಬಂದ ಅವನು, ಇಸ್ರಾಯೇಲ್‍ ಸೈನ್ಯದವರನ್ನು ನೋಡಿ ಕೂಗಿ: ನಿಮ್ಮಲ್ಲಿ ಯಾರಾದರೂ ಬಂದು ನನ್ನೊಡನೆ ಯುದ್ದ ಮಾಡಿ ಎಂದು ಸವಾಲು ಹಾಕಿದನು. ಅದರಿಂದಾಗಿ ಇಸ್ರಾಯೇಲ್ ಸೈನ್ಯದವರು ಅವನನ್ನು ನೋಡಿ ಬಹಳ ಭಯಪಟ್ಟರು. ಆ ಸಮಯದಲ್ಲಿ ಅಲ್ಲಿ ಕುರಿಕಾಯುವ ಹುಡುಗ ದಾವೀದನು ಬಂದನು. ದಾವೀದನ ಬಳಿ ಕತ್ತಿ ಇಲ್ಲ, ಕವಚ ಇಲ್ಲ, ದೊಡ್ಡ ಆಯುಧವೂ ಇರಲಿಲ್ಲ. ಆದರೆ ಅವನ ಬಳಿ ಇದ್ದದ್ದು ಕರ್ತನ ಮೇಲೆ ನಂಬಿಕೆ. ದಾವೀದನು ಗೊಲ್ಯಾತನ ಬಳಿ, “ನೀನು ಈಟಿ ಕತ್ತಿ ಬರ್ಜಿಗಳೊಡನೆ ನನ್ನ ಬಳಿಗೆ ಬರುತ್ತೀ; ನಾನಾದರೋ ನೀನು ಹೀಯಾಳಿಸಿದಂಥ ಸೇನಾಧೀಶ್ವರನೂ ಇಸ್ರಾಯೇಲ್ಯರ ಯುದ್ಧಭಟರ ದೇವರೂ ಆಗಿರುವ ಯೆಹೋವನ ನಾಮದೊಡನೆ ನಿನ್ನ ಬಳಿಗೆ ಬರುತ್ತೇನೆ ಎಂದನು. ದಾವೀದನು ಒಂದು ಕಲ್ಲನ್ನು ತೆಗೆದು ಅವನ ಹಣೆಗೆ ಗುರಿಯಿಟ್ಟು ಕವಣೆಯನ್ನು ಬೀಸಿ ಹೊಡೆಯಲು ಕಲ್ಲು ಅವನ ಹಣೆಯೊಳಗೆ ಹೊಕ್ಕಿತು; ಅವನು ಬೋರಲಬಿದ್ದನು. ಹೀಗೆ, ಚಿಕ್ಕ ದಾವೀದನು ದೊಡ್ಡ ಗೊಲ್ಯಾತನನ್ನು ಸೋಲಿಸಿದನು.

 

ಇದನ್ನು ಓದುತ್ತಿರುವ ಪ್ರಿಯರೇ! ಈ ಲೋಕದಲ್ಲಿ ಅನೇಕ ಜನರು ದೇವರಲ್ಲಿ ನಂಬಿಕೆಯಿಲ್ಲದೆ ಬದುಕುತ್ತಿದ್ದಾರೆ. ಕೆಲವರು ತಮ್ಮಲ್ಲೇ ನಂಬಿಕೆ ಇಡುತ್ತಾರೆ. ಇನ್ನೂ ಕೆಲವರು ತಮ್ಮ ಮಕ್ಕಳು, ಸಂಬಂಧಿಕರು, ಹಣ ಮತ್ತು ಸ್ಥಾನದ ಮೇಲೆ ನಂಬಿಕೆ ಇಡುತ್ತಾರೆ. ಆದರೆ ಎಷ್ಟೇ ಕಠಿಣ ಪರಿಸ್ಥಿತಿ ಇದ್ದರೂ, ನಾವು ನಮ್ಮ ದೇವರಲ್ಲಿ ನಂಬಿಕೆ ಇಟ್ಟರೆ, ಗೆಲುವು ಖಚಿತ. ನಂಬುವವರನ್ನು ಅವರು ಎಂದಿಗೂ ಕೈಬಿಡುವುದಿಲ್ಲ. ಆತನು ನಮ್ಮನ್ನು ನಿತ್ಯಜೀವದ ದಡಕ್ಕೆ ತರಲು ಸಮರ್ಥರಾಗಿದ್ದಾರೆ.

- Mrs. ಶಕ್ತಿ ಶಂಕರ್

 

ಪ್ರಾರ್ಥನಾ ಅಂಶ:

ಪ್ರತಿ ತಾಲೂಕಿನಲ್ಲಿ ಮಿಷನ್ ಆಕ್ಷನ್ ಸೆಂಟರ್‌ಗಳನ್ನು ನಿರ್ಮಿಸಲು ಸ್ಥಳಗಳು ಸಿಗುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482