By Village Missionary Movement

Tuesday, 05-May-2026

దిన ధ్యానము(Telugu) 05.05.2026

 

అంశం: కరుణను చూపండి

 

 “అయితే ఒక సమరయుడు ప్రయాణమై పోవుచు, అతడున్న చోటికి వచ్చి అతనిని చూచి అతని మీద కనికరపడి...” - లూకా 10:33

 

ఉత్తర భారతదేశానికి చెందిన సుప్రసిద్ధ మిషనరీ, సాధు సుందర్ సింగ్, యేసుక్రీస్తు గురించి ప్రకటించడానికి దూర ప్రాంతాలకు వెళ్లే అలవాటు కలిగి ఉండేవారు. అనేక సందర్భాల్లో, ఆయన భారత సరిహద్దులు దాటి మంచుతో నిండిన పర్వతాలు మరియు లోయల గుండా టిబెట్‌లోకి ప్రయాణించేవారు. ఒకసారి, ఆయన మంచుతో కప్పబడిన ప్రమాదకరమైన మార్గంలో నడుచుకుంటూ వెళ్తుండగా, అలసటతో మంచులో పడిపోయిన ఒక తోటి ప్రయాణికుడిని చూశారు. సాధు సుందర్ సింగ్ కంటే ముందు వెళ్తున్న వ్యక్తి, ఆ చనిపోతున్న మనిషిని చూడనట్లుగానే దాటి వెళ్లిపోయాడు.

 

కానీ సాధు అతడిని చూసి, కరుణతో ( దయతో) నింపబడ్డారు. ఆయన ఆ వ్యక్తిని తనకు సాధ్యమైనంతవరకు కప్పి, తన భుజాలపై వేసుకుని సురక్షితంగా తదుపరి గ్రామానికి తీసుకెళ్లారు. ఆశ్చర్యకరంగా, తనకంటే ముందుగా వెళ్ళిన వ్యక్తి దారి పక్కన గడ్డకట్టి చనిపోయి ఉండటం ఆయన తర్వాత గమనించారు. దీని వెనుక ఉన్న రహస్యం ఏమిటి? మొదటి ప్రయాణికుడు ఒంటరిగా వెళ్లడం వల్ల, ఆ చలిని తట్టుకోలేక ప్రాణాలు కోల్పోయాడు. సాధు సుందర్ సింగ్ మరొకరిని మోయడం ద్వారా, ఒకరి శరీర వేడి మరొకరికి బదిలీ అయ్యింది; ఫలితంగా ఇద్దరూ ప్రాణాలతో బయటపడ్డారు.

 

లేఖనాలు సెలవిస్తున్నాయి “కనికరము గలవారు ధన్యులు, వారు కనికరము పొందుదురు.” సాధు ఒక తోటి మనిషిపై కనికరం చూపి అతడిని మోసుకెళ్లడం వల్ల, ఆయన మరియు ఆయన మోసిన వ్యక్తి ఇద్దరూ బ్రతికారు. "నేను బ్రతికితే చాలు; అతనికి ఎందుకు సహాయం చేయాలి?" అని ఆలోచించి ఒంటరిగా వెళ్లిన వ్యక్తి, ఆ ఒంటరితనం వల్ల చలిని తట్టుకోలేక మరణించాడు.

 

నా ప్రియ దేవుని బిడ్డలారా, మంచి సమరయుని ఉపమానం ద్వారా యేసుక్రీస్తు మనకు నేర్పిన పాఠం ఇదే. యాజకుడు మరియు లేవీయుడు చూపని కనికరాన్ని మంచి సమరయుడు చూపాడు. ఎందుకు? ఆ వ్యక్తికి సహాయం అవసరమని గుర్తించాడు కాబట్టి. మొదటి ఇద్దరూ ఆ సహాయం చేయడంలో విఫలమయ్యారు; సమరయుడు మాత్రమే చేసాడు. అందుకే, అతనికి మాత్రమే కనికరం చూపబడుతుందని యేసు ప్రకటించారు. పౌలు సెలవిచ్చినట్లుగా, "మనము మేలు చేయుటయందు విసుకక యుందము; మనము అలయక ఉంటే తగిన కాలమందు కోత కోయుదుము" (గలతీయులకు 6:9). ఆమేన్! ప్రభువు మనలను ఆశీర్వదించును గాక!

- శ్రీమతి హెప్సిబా ఇమ్మాన్యుయేల్ గారు

 

ప్రార్థన అంశం:

ప్రతి గ్రామంలోనూ VBS (Vacation Bible School) పరిచర్య కోసం దేవుడు ద్వారాలు తెరవాలని దయచేసి ప్రార్థించండి.

 

*Whatsapp*

ఈ దిన ధ్యాన సందశమును తమిళ్, ఇంగ్లీష్ , హిందీ, మలయాళం, తెలుగు, కన్నడ, పంజాబీ మరియు ఒరియా బాషలలో వాట్సాప్ త్వరా పొందుటకు *+91 94440 11864* అనే నెంబర్ ను సంబ్రదించగలరు.

 

www.vmm.org.in

ఈమెయిల్: info@vmm.org.in

Android App: https://play.google.com/store/apps/details?id=com.infobells.vmmorgin

 

విలేజ్ మిషనరీ మూమెంట్, విరుదునగర్, ఇండియా- 626001

ప్రార్ధనా అవసరాల కోసం: +91 94424 93250