By Village Missionary Movement

Wednesday, 29-Apr-2026

ಧೈನಂದಿನ ಧ್ಯಾನ(Kannada) – 29.04.2026

 

ಅದ್ಬುತಗಳ ದೇವರು

 

"...ಅಸಂಖ್ಯವಾದ ಅದ್ಭುತಕೃತ್ಯಗಳನ್ನೂ ಮಾಡುತ್ತಾನೆ" - ಯೋಬ 9:10

 

ಮೈಕೆಲ್ಯಾಂಜೆಲೊ ಎಂಬ ಪ್ರಸಿದ್ಧ ಶಿಲ್ಪಿ ಮತ್ತು ಅವರ ಸ್ನೇಹಿತ ಒಂದು ಸಂಜೆ ಕಾಡಿನಲ್ಲಿ ನಡೆದುಕೊಂಡು ಹೋದರು. ಏಂಜೆಲೊ ಒಂದು ಬಂಡೆಯನ್ನು ತೋರಿಸಿ, ನೋಡು, ಆ ಬಂಡೆಯು ದೇವದೂತನಂತೆ ಇದೆ ಎಂದರು. ಆ ಸ್ನೇಹಿತನಿಗೆ ಏನೂ ಅರ್ಥವಾಗಲಿಲ್ಲ. ಏಂಜೆಲೊ ತನ್ನ ಸ್ನೇಹಿತನನ್ನು ಸ್ವಲ್ಪ ಸಮಯ ವಿಶ್ರಾಂತಿ ಪಡೆಯಲು ಕಳುಹಿಸಿ ಬಂಡೆಯ ಮೇಲೆ ಉಳಿ ಬಳಸಿ ಕೆಲಸ ಮಾಡಲು ಪ್ರಾರಂಭಿಸಿದರು. ಅವರ ಕೌಶಲ್ಯಪೂರ್ಣ ಕೈಗಳು ಬೇಗನೆ ಕೆಲಸ ಮಾಡಿ ಬಂಡೆಯನ್ನು ಜೀವಂತ ದೇವದೂತನ ಪ್ರತಿರೂಪವನ್ನಾಗಿ ಮಾಡಿದವು. ಮರುದಿನ ಸಂಜೆ, ಅವರಿಬ್ಬರೂ ಒಂದೇ ಕಾಡಿನಲ್ಲಿ ನಡೆಯುತ್ತಿದ್ದಾಗ, ಬಂಡೆಯ ಮೇಲೆ ದೇವದೂತನ ಪ್ರತಿರೂಪವನ್ನು ನೋಡಿ ಸ್ನೇಹಿತ ಆಶ್ಚರ್ಯಚಕಿತರಾದರು. ಅವರ ಸಂತೋಷಕ್ಕೆ ಮಿತಿಯೇ ಇರಲಿಲ್ಲ. ಒಬ್ಬ ಮನುಷ್ಯನು ಗಮನಿಸದ ಬಂಡೆಯಿಂದ ಸುಂದರವಾದ ಪ್ರತಿರೂಪವನ್ನು ತರಲು ಸಾಧ್ಯವಾದರೆ, ಎಲ್ಲವನ್ನೂ ಶೂನ್ಯದಿಂದ ಸೃಷ್ಟಿಸಿದ ದೇವರು ನಿಮ್ಮ ಜೀವನವನ್ನು ಅದೇ ರೀತಿಯಲ್ಲಿ ಸೃಷ್ಟಿಸಿ ಮೆರುಗುಗೊಳಿಸುತ್ತಾರೆ ಎಂಬುದು ಎಷ್ಟು ಸತ್ಯ! ಕೀರ್ತನೆ 113:7 ರಲ್ಲಿ, "ಆತನು ದೀನರನ್ನು ಧೂಳಿಯಿಂದ ಎಬ್ಬಿಸಿ ಬಡವರನ್ನು ತಿಪ್ಪೆಯಿಂದ ಎತ್ತುತ್ತಾನೆ ಎಂದು ಓದುತ್ತೇವೆ. ಕರ್ತನು ನಮಗೆ ಮಾಡಿರುವ ಅದ್ಭುತಗಳನ್ನು ಎತ್ತಿ ಹೇಳಬೇಕಾದರೆ ಅವು ಅಸಂಖ್ಯಾತವಾಗಿವೆ. ಆತನು ಮಾತ್ರ ನಮ್ಮ ವೈಫಲ್ಯಗಳನ್ನು ವಿಜಯಗಳನ್ನಾಗಿ ಮಾಡಬಲ್ಲನು. ಆತನು ಪಾಪಿಗಳನ್ನು ಪರಿಶುದ್ಧರಾಗಿ ಮಾರ್ಪಡಿಸುವಾತನು. ಆತನು ಅದ್ಭುತಗಳ ದೇವರು. 

 

ಯೇಸುವಿನೊಂದಿಗೆ ಇದ್ದ 12 ಶಿಷ್ಯರಲ್ಲಿ ಪೇತ್ರನೂ ಒಬ್ಬ. ಮೀನುಗಾರನಾಗಿ ಕೆಲಸಮಾಡುತ್ತಿದ್ದರು. ಯೇಸುವಿನ ಹಿಂದೆ ಹೋದರು. ಒಂದು ಹಂತದಲ್ಲಿ, ಯೇಸು ಯಾರೆಂದು ಗೊತ್ತಿಲ್ಲ ಎಂದು ನಿರಾಕರಿಸಿದವರು. ಆದರೆ ಯೇಸು ಕ್ರಿಸ್ತನು ಸತ್ತವರೊಳಗಿಂದ ಎದ್ದ ನಂತರ, ಈ ಪೇತ್ರನು ಪವಿತ್ರಾತ್ಮದಿಂದ ತುಂಬಿದರು. ಅದರ ನಂತರ, ಪೇತ್ರನ ಜೀವನದಲ್ಲಿ ಒಂದು ದೊಡ್ಡ ಬದಲಾವಣೆ ಸಂಭವಿಸಿತು. ಪೇತ್ರನ ಉಪದೇಶದ ಮೂಲಕ ಅನೇಕರು ರಕ್ಷಿಸಲ್ಪಟ್ಟರು. ಯೇಸು ಸಾಮಾನ್ಯ ಪೇತ್ರನನ್ನು ಅಸಾಧಾರಣ ರೀತಿಯಲ್ಲಿ ಬಳಸಿಕೊಂಡು ಮಹಾನ್ ಅದ್ಭುತಗಳು ಮತ್ತು ಅತಿಶಯಗಳನ್ನು ಮಾಡಿದರು. ಆತನು ಅಪ್ರಮೇಯ ಮಹಾಕಾರ್ಯಗಳನ್ನೂ ಅಸಂಖ್ಯವಾದ ಅದ್ಭುತಕೃತ್ಯಗಳನ್ನೂ ಮಾಡುತ್ತಾನೆ;

 

ಇದನ್ನು ಓದುತ್ತಿರುವ ಪ್ರಿಯರೇ, ನಮ್ಮ ಕರ್ತನು ಅದ್ಭುತಗಳು ಮತ್ತು ಅತಿಶಯಗಳನ್ನು ಮಾಡುವವರು. ಆತನು ಮಾನವ ಮೆದುಳು ಮತ್ತು ಪ್ರಕೃತಿಯನ್ನು ಮೀರಿದ ಕೆಲಸಗಳನ್ನು ಮಾಡಿ ನಮ್ಮನ್ನು ಸಂತೋಷಪಡಿಸುತ್ತಾರೆ. ನನ್ನ ಜೀವನದಲ್ಲಿ ಏನೂ ಸಂಭವಿಸಿಲ್ಲ. ನನಗೆ ಅದ್ಭುತ ಸಂಭವಿಸಬೇಕೆಂದು ಹಂಬಲಿಸುವ ಮತ್ತು ಬಳಲುತ್ತಿರುವ ಪ್ರತಿಯೊಬ್ಬರಿಗೂ ಈ ದಿನಗಳಲ್ಲಿ ಕರ್ತನು ಅದ್ಭುತವಾದ ಕೆಲಸಗಳನ್ನು ಮಾಡಲು ಸಮರ್ಥರಾಗಿದ್ದಾರೆ. ನಾವು ಪ್ರಾರ್ಥಿಸುವುದನ್ನು ಮುಂದುವರಿಸೋಣ ಗೆಲ್ಲೋಣ!

- Mrs. ಬೇಬಿ ಕಾಮರಾಜ್ 

 

ಪ್ರಾರ್ಥನಾ ಅಂಶ:

ಶಾಲಾ ಸೇವೆಗಳಲ್ಲಿ ನಾವು ಭೇಟಿಯಾಗುವ ಮಕ್ಕಳು ದೇವರ ಪ್ರೀತಿಯನ್ನು ತಿಳಿದುಕೊಳ್ಳುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482