By Village Missionary Movement

Tuesday, 21-Apr-2026

దిన ధ్యానము(Telugu) 21.04.2026

 

అంశం: సంతృప్తి

 

"...నేను ఏ స్థితిలో ఉన్నానో ఆ స్థితిలో సంతృప్తి కలిగి ఉండ నేర్చుకొనియున్నాను." - ఫిలిప్పీయులకు 4:11

 

ఒక కొలనులో నివసించే ఒక చేప ప్రతిరోజూ ఉదయాన్నే ఆకాశం వైపు చూస్తుండేది. కొలనుపై ఎగురుతున్న పక్షులను చూసి, “ఈ పక్షులు ఎంత అదృష్టవంతులు! అవి ప్రపంచమంతా ఎగురుతూ, అందాన్ని ఆస్వాదిస్తూ ఎంతో సంతోషంగా ఉంటున్నాయి. కానీ నేను మాత్రం నా జీవితమంతా ఈ నీటిలోనే ఉండిపోయాను,” అని అనుకుంటూ లోతైన అసంతృప్తితో బ్రతికేది. ఒకరోజు, ఒక కొంగ కొలను పైనుండి ఎగిరి వెళ్ళింది. వెంటనే ఆ చేప, “నేను కూడా ఆ పక్షిలాగే ఈ ప్రపంచ సౌందర్యాన్ని చూసి ఆనందిస్తాను,” అనుకుంటూ నీటిలో నుండి బయటకి గెంతింది. ఆ క్షణం ప్రపంచపు అందాన్ని చూసి చాలా సంతోషించింది. కానీ ఆ సంతోషం ఎక్కువ సేపు నిలవలేదు. కొద్ది నిమిషాల్లోనే ఆ చేప మరణించింది. ఇది ఒక చిన్న కల్పిత కథ అయినప్పటికీ, ఇది నేర్పే పాఠం చాలా శక్తివంతమైనది.

 

నేడు, చాలామంది అసంతృప్తితో జీవిస్తున్నారు. ఇతరుల దగ్గర ఉన్నవి తమ దగ్గర లేవని అసూయపడుతుంటారు. ఇది అసంతృప్తికి, నిరాశకు మరియు నిరంతరం తమను తాము తక్కువగా చూసుకునే భావానికి దారితీస్తుంది. ఇది ఆరోగ్యకరమైన జీవనశైలి కాదు. దానికి బదులుగా, మనం అపొస్తలుడైన పౌలు వలె జీవిద్దాం. ఆయన ఇలా ప్రకటించాడు: "దీనస్థితిలో ఉండ నెరుగుదును, సంపన్న స్థితిలో ఉండ నెరుగుదును; ఏ స్థితిలోనైనను ఏ కాలమందైనను కడుపు నిండి యుండుటకును ఆకలిగొని యుండుటకును, వర్ధిల్లుటకును లేమిలో ఉండుటకును నేను నేర్చుకొని యున్నాను. నన్ను బలపరచువాని యందే నేను సమస్తమును చేయగలను" (ఫిలిప్పీయులకు 4:12,13).

 

“సంతుష్టి సహితమైన దైవభక్తి గొప్ప లాభసాధనమైయున్నది” (1 తిమోతి 6:6). ఈ వాక్యం ప్రకారం, దేవుడు మనకు దయతో ఇచ్చిన వాటితో మనం సంతృప్తిగా జీవించడం నేర్చుకోవాలి. మన దగ్గర లేని వాటి కోసం ఎప్పుడూ పాకులాడటం వల్ల నిరాశ, నిస్పృహలే మిగులుతాయి. కానీ మనకు ఉన్న వాటితో మనం తృప్తి చెందినప్పుడు, మనకు శాంతి లభిస్తుంది. ఈ లోకంలో కోట్లాది మంది ప్రజలు కనీస అవసరాలు కూడా లేకుండా జీవిస్తున్నారు. అయినప్పటికీ, దేవుడు మనకు తినడానికి ఆహారం, కట్టుకోవడానికి బట్టలు మరియు నివసించడానికి నీడను ఇచ్చి మంచి జీవితాన్ని ప్రసాదించాడు. కాబట్టి, మనకు ఉన్నదానితో మనం సంతృప్తిగా జీవించడం నేర్చుకుందాం.

- శ్రీమతి. కలై సెల్వి పాల్‌రాజ్ గారు 

 

ప్రార్థన అంశం:

ఆధ్యాత్మిక పునరుజ్జీవం కోసం భాగస్వాములుగా చేరిన వారందరి కోసం దయచేసి ప్రార్థించండి.

 

*Whatsapp*

ఈ దిన ధ్యాన సందశమును తమిళ్, ఇంగ్లీష్ , హిందీ, మలయాళం, తెలుగు, కన్నడ, పంజాబీ మరియు ఒరియా బాషలలో వాట్సాప్ త్వరా పొందుటకు *+91 94440 11864* అనే నెంబర్ ను సంబ్రదించగలరు.

 

www.vmm.org.in

ఈమెయిల్: info@vmm.org.in

Android App: https://play.google.com/store/apps/details?id=com.infobells.vmmorgin

 

విలేజ్ మిషనరీ మూమెంట్, విరుదునగర్, ఇండియా- 626001

ప్రార్ధనా అవసరాల కోసం: +91 94424 93250