By Village Missionary Movement

Monday, 20-Apr-2026

దిన ధ్యానము(Telugu) 20.04.2026

 

అంశం: జీవితంలో జీవమున్న సాక్ష్యం (A Living Testimony in Life)

 

“...సూర్యుడు అస్తమించువరకు మీ కోపము నిలిచియుండకూడదు” - ఎఫెసీయులకు 4:26

 

క్రీస్తును తమ వ్యక్తిగత రక్షకునిగా అంగీకరించిన కుటుంబాలు ప్రేమ, ఓర్పు మరియు దైవిక సమాధానంతో నిండిన శక్తివంతమైన సాక్ష్యంగా జీవించాలి. ఒకవేళ కుటుంబంలో చేదును కలిగించే చిన్న సమస్య తలెత్తినా, ఆ రాత్రి నిద్రపోయే ముందే దానిని పరిష్కరించుకోవాలి; ముఖ్యంగా భార్యాభర్తలు ఒకరినొకరు క్షమించుకుని, మనశ్శాంతితో పడుకోవాలి. ఇలాంటి వాతావరణం ఉన్నప్పుడే పిల్లలు మంచి స్వభావంతో మరియు మానసిక ధైర్యంతో పెరుగుతారు.

 

అలెన్ రెడ్‌పాత్ (Alan Redpath) అనే యవ్వనస్థుడు ఒక క్రైస్తవ కుటుంబంలో పుట్టినప్పటికీ, దేవునిని అంగీకరించకుండా తన ఇష్టానుసారంగా జీవిస్తుండేవాడు. ఒకరోజు, తన తండ్రి తన తల్లిపై చాలా కఠినంగా, కోపంతో అరవడం చూశాడు. ఆ సమయంలో తల్లి చాలా నిశ్శబ్దంగా, శాంతంగా ఉండిపోయింది. ఆ సాయంత్రం ముగ్గురూ కలిసి భోజనానికి కూర్చున్నారు. అప్పుడు తండ్రి తన భార్య చేయి పట్టుకుని, "ఈ రోజు నేను నీతో ఎందుకు అంత కఠినంగా ప్రవర్తించానో నాకు తెలియదు. నా ప్రవర్తన పట్ల నేను సిగ్గుపడుతున్నాను. దయచేసి నన్ను క్షమించు" అని అడిగాడు. ఇది చూసిన అలెన్ వెంటనే తన గదిలోకి వెళ్లి, మోకరిల్లి ఇలా ప్రార్థించాడు: "దేవా, నాకు ఇలాంటి తండ్రిని ఇచ్చినందుకు నీకు వందనాలు. నన్ను కూడా నీలాగే మార్చు." ఆ రోజు నుండి అతని జీవితం పూర్తిగా మారిపోయింది. అతను తన జీవితాన్ని దేవుని సేవకు అంకితం చేసుకున్నాడు. ఆ తర్వాత కాలంలో అతను అమెరికాలోని ప్రసిద్ధ 'మూడీ మెమోరియల్ చర్చి' (Moody Memorial Church) కి సుదీర్ఘకాలం పాస్టర్‌గా సేవ చేశాడు.

 

ప్రియమైన తల్లిదండ్రులారా, మీ పిల్లలు దేవునిని ప్రేమిస్తూ పెరగాలని మీరు కోరుకుంటున్నారా? అయితే, తల్లిదండ్రులుగా మీరు మీ స్వంత జీవితాల్లో దైవిక ప్రేమకు సజీవ సాక్ష్యాలుగా మారాలి. దీనత్వం, ఓర్పు మరియు ఇతరులను క్షమించే గుణాలను మీ పిల్లలు మిమ్మల్ని చూసి నేర్చుకోవాలి. “క్రీస్తునందు దేవుడు మిమ్మును క్షమించినలాగున మీరును ఒకరినొకరు క్షమించుడి” అన్న వాక్యం ప్రకారం, మనకు అపకారం చేసిన వారిపై పగ తీర్చుకోకుండా, వారిని క్షమించి దేవుని ప్రేమను కనబరచాలి. “చిన్నపిల్లలారా, మాటతోను నాలుకతోను కాక క్రియతోను సత్యముతోను ప్రేమింతము” (1 యోహాను 3:18). కాబట్టి, తల్లిదండ్రులారా, మీ జీవితం దేవునికి ఇష్టమైనదిగా మరియు మీ పిల్లలకు శక్తివంతమైన సాక్ష్యంగా ఉండును గాక.

- బ్రదర్ . టి. పౌల్‌రాజ్ గారు

 

ప్రార్థన అంశం:

మా యవ్వనస్థుల క్యాంప్ (Youth Camp) సమయంలో తమ జీవితాలను పరిచర్యకు అంకితం చేసుకున్న వారు, మా పరిచర్య బృందంలో చేరాలని దయచేసి ప్రార్థించండి.

 

*Whatsapp*

ఈ దిన ధ్యాన సందశమును తమిళ్, ఇంగ్లీష్ , హిందీ, మలయాళం, తెలుగు, కన్నడ, పంజాబీ మరియు ఒరియా బాషలలో వాట్సాప్ త్వరా పొందుటకు *+91 94440 11864* అనే నెంబర్ ను సంబ్రదించగలరు.

 

www.vmm.org.in

ఈమెయిల్: info@vmm.org.in

Android App: https://play.google.com/store/apps/details?id=com.infobells.vmmorgin

 

విలేజ్ మిషనరీ మూమెంట్, విరుదునగర్, ఇండియా- 626001

ప్రార్ధనా అవసరాల కోసం: +91 94424 93250