By Village Missionary Movement

Thursday, 19-Mar-2026

ಧೈನಂದಿನ ಧ್ಯಾನ(Kannada) – 19.03.2026

 

ನನ್ನದನ್ನು ನಿಮಗೆ ಕೊಡುತ್ತೇನೆ 

 

"...ಅವರಲ್ಲಿ ಕೊರತೆ ಪಡು ವವನು ಒಬ್ಬನಾದರೂ ಇರಲಿಲ್ಲ... ಪ್ರತಿ ಯೊಬ್ಬನಿಗೆ ಅವನವನ ಅಗತ್ಯತೆಯ ಪ್ರಕಾರ ಹಂಚಿದರು" - ಅಪೊಸ್ತಲ. 4:34,35

 

ದಕ್ಷಿಣ ಕೊರಿಯಾದ ಮಿಷನರಿ ಪಾಲ್ ಯಾಂಗಿಚ್ಚೋ ಒಬ್ಬ ವಿದೇಶಿ ಮಿಷನರಿಯನ್ನು ಹಲವಾರು ಸ್ಥಳಗಳಿಗೆ ಕರೆದೊಯ್ಯುತ್ತಿದ್ದರು. ಆ ಸಮಯದಲ್ಲಿ, ವಿದೇಶಿ ಮಿಷನರಿ ಹೊಲದಲ್ಲಿ ಉಳುಮೆ ಮಾಡುತ್ತಿರುವ ವೃದ್ಧನನ್ನು ಕಂಡರು. ಎತ್ತುಗಳ ಬದಲಿಗೆ ನೇಗಿಲಿಗೆ ಕಟ್ಟಲ್ಪಟ್ಟ ಇಬ್ಬರು ಯುವಕರನ್ನು ನೋಡಿ ವಿದೇಶಿ ಮಿಷನರಿ ಅಸಮಾಧಾನಗೊಂಡು, ವಿಚಾರಿಸಲು ಅವರನ್ನು ಕರೆದರು. ಪಾಲ್ ಯಾಂಗಿಚ್ಚೋ "ಇವರು ನನ್ನ ಚರ್ಚ್‌ಗೆ ಬರುವ ವಿಶ್ವಾಸಿಗಳು. ದೇವಾಲಯದ ನಿರ್ಮಾಣ ಕಾರ್ಯಕ್ಕಾಗಿ ಹಣವನ್ನು ಸಂಗ್ರಹಿಸಿದಾಗ, ಅವರ ಬಳಿ ಯಾವುದೇ ಹಣವಿರಲಿಲ್ಲ, ಆದ್ದರಿಂದ ಅವರು ತಮ್ಮ ಎರಡು ಹಸುಗಳನ್ನು ಮಾರಿ ದೇವಾಲಯವನ್ನು ನಿರ್ಮಿಸಲು ಹಣವನ್ನು ನೀಡಿದರು. ಆದ್ದರಿಂದ ಎರಡು ಹಸುಗಳು ನಿಂತಿರುವ ಸ್ಥಳದಲ್ಲಿ, ಅವರ ಇಬ್ಬರು ಚಿಕ್ಕ ಪುತ್ರರು ನಿಂತು ನೇಗಿಲನ್ನು ಎಳೆಯುತ್ತಿದ್ದಾರೆ" ಎಂದರು. ಈ ಸೇವಕರು ಆ ಹಿರಿಯರನ್ನು ನೋಡಿ, "ದೇವರಿಗೆ ದಾನ ಮಾಡಿದ ಅನೇಕ ಜನರನ್ನು ನಾನು ನೋಡಿದ್ದೇನೆ, ಆದರೆ ನಿಮ್ಮ ತ್ಯಾಗದ ಉಡುಗೊರೆ ನನ್ನ ಹೃದಯವನ್ನು ಮುಟ್ಟಿತು ಎಂದು ಕಣ್ಣೀರಿಟ್ಟರು. ಅದಕ್ಕೆ ಆ ಹಿರಿಯರು ಅಯ್ಯಾ, ನಾನು ಮಾಡಿರುವುದನ್ನು ತ್ಯಾಗವೆಂದು ಪರಿಗಣಿಸುವುದಿಲ್ಲ, ಆದರೆ ಆಶೀರ್ವಾದವೆಂದು ಪರಿಗಣಿಸುತ್ತೇನೆ. ನಾನು ಅನೇಕ ಬಾರಿ ಆಶೀರ್ವದಿಸಲ್ಪಟ್ಟಿದ್ದೇನೆ" ಎಂದು ಹೇಳಿದರು. 

 

ಲೂಕ 21:1-4 ರ ವಚನಗಳಲ್ಲಿ ಒಂದು ಅದ್ಭುತ ಘಟನೆಯನ್ನು ಓದಬಹುದು. ಇನ್ನೂ ಅನೇಕರು ದೇವರಿಗೆ ಹೆಚ್ಚಿನದನ್ನು ನೀಡಿದ್ದರೂ, ತನ್ನ ಬಡತನದಿಂದ ಎರಡು ನಾಣ್ಯಗಳನ್ನು ಮಾತ್ರ ದೇವರಿಗೆ ನೀಡಿದ ಬಡ ವಿಧವೆಯ ಬಗ್ಗೆ ಯೇಸು ಸ್ವತಃ ಸಾಕ್ಷಿ ಹೇಳಿದರು. ನಾವು ಕರ್ತನಿಗೆ ಕೊಡುವುದು ನಮ್ಮ ಸಮೃದ್ಧಿಯಿಂದಲ್ಲ, ಆದರೆ ನಮ್ಮಲ್ಲಿರುವ ಸ್ವಲ್ಪದಿಂದ. ನಾವು ಕೊಡಲು ಬಯಸಿದರೆ ನಾವು ಶ್ರೀಮಂತರಾಗಿರಬೇಕು ಎಂದಲ್ಲ, ಆದರೆ ಹೃದಯದಲ್ಲಿ ಶ್ರೀಮಂತರಾಗಿದ್ದರೆ ಸಾಕು. 

 

ಪ್ರಿಯ ಓದುಗರೇ, ನಾವು ಎಷ್ಟೇ ತ್ಯಾಗಗಳನ್ನು ಮಾಡಿ ಕರ್ತನಿಗೆ ಕೊಟ್ಟರೂ, ಅದು ಯೇಸು ಕಲ್ವಾರಿಯಲ್ಲಿ ನಮಗಾಗಿ ಮಾಡಿದ ತ್ಯಾಗಕ್ಕೆ ಸಮವಾಗಿಯೂ, ಈಡಾಗಿಯೂ ಇರುವುದಿಲ್ಲ. ಆದ್ದರಿಂದ ನಮಗೆ ಸಾಧ್ಯವಾದಾಗಲೆಲ್ಲಾ ದೇವರಿಗೂ ಆತನ ಸೇವೆಗಳಿಗೂ ಹಂಚಿಕೊಡುತ್ತಲೇ ಇರೋಣ. ನಮ್ಮ ಪಾಲಾಗಿ ನಮ್ಮಿಂದ ಸಾಧ್ಯವಾದದ್ದನ್ನು ಮಾಡುತ್ತಲೇ ಇರೋಣ. ದೇವರು ಮಹಿಮೆಹೊಂದುತ್ತಾರೆ.

- Mrs.ಪ್ರಿಸ್ಕಿಲ್ಲಾ ಥಿಯೋಫಿಲಸ್

 

ಪ್ರಾರ್ಥನಾ ಅಂಶ:

ದೊರ್ಕಳು ಹೊಲಿಗೆ ತರಬೇತಿ ಕೇಂದ್ರಕ್ಕೆ ಬರುವ ಪ್ರತಿಯೊಬ್ಬರೂ ಶಿಷ್ಯರಾಗಿ ಬದಲಾಗುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482