By Village Missionary Movement

Friday, 06-Mar-2026

ಧೈನಂದಿನ ಧ್ಯಾನ(Kannada) – 06.03.2026

 

ಶೂನೇಮ್ ಮಹಿಳೆಯ ಪಾಲು

 

"ಆದದರಿಂದ ನಾವು ಅವನಿಗೋಸ್ಕರ ಮಾಳಿಗೆಯ ಮೇಲೆ ಒಂದು ಸಣ್ಣ ಕೋಣೆಯನ್ನು ಕಟ್ಟಿಸಿ ಅದರಲ್ಲಿ ಒಂದು ಮಂಚ, ಮೇಜು, ಕುರ್ಚಿ, ದೀಪಸ್ತಂಭ, ಇವುಗಳನ್ನು ಇಡೋಣ; ಅವನು ಇಲ್ಲಿ ಬಂದಾಗೆಲ್ಲಾ ಅದರಲ್ಲಿ ವಾಸಮಾಡಲಿ ಎಂದು ಹೇಳಿದಳು" - 2 ಅರಸುಗಳು 4:10

 

ಎಲೀಷನು ಸೇವೆ ಮಾಡುತ್ತಿದ್ದ ದಿನಗಳಲ್ಲಿ, ಅವರು ಆಗಾಗ್ಗೆ ಸೇವೆಗಾಗಿ ಶೂನೇಮಿಗೆ ಹೋಗಿ ಬರುತ್ತಿದ್ದರು. ಎಲೀಷನು ಶೂನೇಮಿಗೆ ಹೋದಾಗಲೆಲ್ಲಾ, ಒಬ್ಬ ಮಹಿಳೆ ಎಲೀಷನನ್ನು ಕರೆದು ಅವರಿಗೆ ಆಹಾರ ನೀಡಿ ಆರೈಕೆ ಮಾಡುತ್ತಿದ್ದಳು. ಅವಳು ಹೀಗೆಯೇ ಹಲವು ದಿನಗಳವರೆಗೆ ಮಾಡುತ್ತಿದ್ದಳು. ಒಂದು ದಿನ, ಅವಳು ತನ್ನ ಗಂಡನಿಗೆ ಸೇವಕರ ಬಗ್ಗೆ ಮತ್ತು ಅವರ ಸೇವೆಯ ಬಗ್ಗೆ ಹೇಳಿ, ಸೇವಕನ ಸೇವೆಯು ಅಡೆತಡೆಯಿಲ್ಲದೆ ಮುಂದುವರಿಯುವಂತೆ ನಮ್ಮ ಮನೆಯ ಮೇಲೆ ಒಂದು ಕೋಣೆಯನ್ನು ನಿರ್ಮಿಸೋಣ ಮತ್ತು ಅಲ್ಲಿ ಮಂಚ, ಮೇಜು, ಕುರ್ಚಿ ಮತ್ತು ದೀಪವನ್ನು ಇಡೋಣ. ಸೇವಕ ಬಂದಾಗಲೆಲ್ಲಾ ಅವರು ಅಲ್ಲಿಯೇ ಉಳಿಯಬಹುದು ಎಂದು ಹೇಳಿದಳು. ದೇವರ ಕೆಲಸವನ್ನು ಮಾಡುವ ತನ್ನ ಹೆಂಡತಿಯ ಬಯಕೆಯನ್ನು ಅವಳ ಪತಿಯೂ ಒಪ್ಪಿಕೊಂಡನು. ಆದ್ದರಿಂದ, ಆ ಪ್ರಾಂತ್ಯದಲ್ಲಿ ದೇವರ ಸೇವೆಯ ಯೋಜನೆ ನೆರವೇರಿತು.

 

ಈ ಶೂನೇಮ್ ಮಹಿಳೆ ಎಲೀಷನ ಸೇವೆಗೆ ಪೂರ್ಣ ಹೃದಯದಿಂದ ತನ್ನ ಪಾಲನ್ನು ನೀಡಿದ್ದರಿಂದ, ಎಲೀಷನು ನಾವು ಅವಳಿಗೆ ಏನಾದರೂ ಸಹಾಯ ಮಾಡಬೇಕೆಂದು ಭಾವಿಸಿ ತನ್ನ ಸೇವಕನಿಗೆ, ಅವಳಿಗೆ ಏನು ಬೇಕೆಂದು ಕೇಳು ಎಂದು ಹೇಳಿದರು. ಆದರೆ ಅವಳು ಮಕ್ಕಳಿಲ್ಲದವಳಾಗಿದ್ದಳು. ಎಲೀಷನ ಪಾಲು ದೇವರ ಬಳಿ ವಿಜ್ಞಾಪಿಸಿ ಒಂದು ಮಗು ಹುಟ್ಟುವಂತೆ ಪ್ರಾರ್ಥಿಸಿದರು. ದೇವರು ಅವಳಿಗೆ ಒಂದು ಮಗುವನ್ನು ಕೊಟ್ಟರು.

 

ನನ್ನ ಪ್ರೀತಿಯ ದೇವರ ಮಕ್ಕಳೇ, ಸೇವಕರೇ ಮತ್ತು ಸೇವಕಿಯರೇ, ದೇವರ ಈ ಸಂದೇಶವನ್ನು ಓದಿದ ನಂತರ, ನಿಮ್ಮ ಪಾಲು ಏನೆಂದು ನಿರ್ಧರಿಸಿ. ಈ ಶೂನೇಮ್ ಮಹಿಳೆಯಂತೆ, ಮನೆಯ ಒಂದು ಭಾಗದಲ್ಲಿ ಸೇವಕರು ವಾಸಿಸಿ ಸೇವೆಯನ್ನು ಪೂರೈಸಲು ಸಹಾಯ ಮಾಡಬಹುದು. ಇಲ್ಲದಿದ್ದರೆ, ನಿಮ್ಮ ಬಳಿ ಇರುವ ಸ್ಥಳವನ್ನು ಅಥವಾ ಹಣವನ್ನು ದೇವರ ಕೆಲಸಕ್ಕೆ ನೀಡಬಹುದು. ಮೇಲೆ ಕಂಡ ಮೂರರಲ್ಲಿ ಒಂದನ್ನು ನಿಮ್ಮ ಪಾಲಾಗಿ ದೇವರ ರಾಜ್ಯದ ನಿರ್ಮಾಣಕ್ಕಾಗಿ ನೀಡಬಹುದು. ನೀವು ನಿಮ್ಮ ಪಾಲನ್ನು ಪೂರೈಸಿದಾಗ, ದೇವರು ಖಂಡಿತವಾಗಿಯೂ ನಿಮ್ಮ ಪಾಲಿನ ಪ್ರತಿಫಲವನ್ನು ನೀಡುತ್ತಾರೆ. "... ಈ ಕೆಲಸವನ್ನೂ ಇದರಲ್ಲಿ ನೀವು ದೇವರ ನಾಮದ ವಿಷಯವಾಗಿ ತೋರಿಸಿದ ಪ್ರೀತಿಯನ್ನೂ ಆತನು ಮರೆಯುವದಕ್ಕೆ ಅನ್ಯಾಯಸ್ಥನಲ್ಲ."

 

ಪ್ರೀತಿಯ ಜನರೇ, ನಿಮ್ಮ ಪಾಲನ್ನು ಪೂರೈಸಿರಿ. ದೇವರು ತಾನೇ ನಿಮ್ಮನ್ನೂ ನಿಮ್ಮ ಕುಟುಂಬವನ್ನೂ ಆಶೀರ್ವದಿಸಲಿ. ಆಮೆನ್! ಹಲ್ಲೇಲೂಯ!

- Rev. S. A. ಇಮ್ಮಾನುವೇಲ್

 

ಪ್ರಾರ್ಥನಾ ಅಂಶ:

ನಮ್ಮೊಂದಿಗೆ ಸೇರಿರುವ ಸಹಸೇವಕರೊಂದಿಗೆ ಕರ್ತನ ಹಸ್ತವಿರುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482