By Village Missionary Movement

Wednesday, 14-Jan-2026

ಧೈನಂದಿನ ಧ್ಯಾನ(Kannada) – 14.01.2026

 

ಪೂರ್ಣ ಸಮಾಧಾನ 

 

“...ಪೂರ್ಣ ಸಮಾಧಾನದಲ್ಲಿ ನೆಲೆಗೊಳಿಸಿ ಕಾಯುವಿ. ಅವನಿಗೆ ನಿನ್ನಲ್ಲಿ ಭರವಸವಿದೆ." - ಯೆಶಾಯ 26:3

 

ಜನವರಿ 1, 1976 ರಂದು, ಸೂರ್ಯೋದಯವನ್ನು ನಾವು ಮೊದಲು ನೋಡಬೇಕೆಂದು ಮೂವರು ಸ್ನೇಹಿತರು ನಿರ್ಧರಿಸಿದರು. ಆದ್ದರಿಂದ, ಅವರು ಅಮೆರಿಕದ ಒರೆಗಾನ್‌ನಲ್ಲಿರುವ 7000 ಅಡಿ ಎತ್ತರದ ಪರ್ವತವನ್ನು ಆರಿಸಿಕೊಂಡರು ಮತ್ತು ಪರ್ವತಾರೋಹಣ ತರಬೇತಿಯಲ್ಲಿ ತೊಡಗಿ ಯಶಸ್ವಿಯಾದರು. ಡಿಸೆಂಬರ್ 31 ರ ರಾತ್ರಿ ಅವರು ಪರ್ವತದ ತುದಿಯನ್ನು ತಲುಪಿದರು. ಇತರ ಅಮೆರಿಕನ್ನರಿಗಿಂತ ಮುಂಚೆ ಸೂರ್ಯೋದಯವನ್ನು ನೋಡಿ ಸಂತೋಷಿಸಿದರು. ಬಹಳ ಸಂತೋಷದಿಂದ ಪರ್ವತದಿಂದ ಕೆಳಗೆ ಬರುತ್ತಿದ್ದಾಗ, ಭಾರೀ ಹಿಮಪಾತದಿಂದಾಗಿ ಅವರು ಪರ್ವತದಿಂದ ಇಳಿಯಲು ಸಾಧ್ಯವಾಗಲಿಲ್ಲ. ಮೂವರು ಮೂರು ವಿಭಿನ್ನ ಮನಸ್ಥಿತಿಗಳಲ್ಲಿದ್ದರು. ಅವರಲ್ಲಿ, "ಗ್ಯಾರಿ ವಿಂಟರ್" ಎಂಬ ಯುವಕನಿಗೆ ಯೇಸುವಿನಲ್ಲಿ ನಂಬಿಕೆ ಇತ್ತು. 16 ದಿನಗಳ ನಂತರವೂ, ಗ್ಯಾರಿ ವಿಂಟರ್ ನಂಬಿಕೆ ಮತ್ತು ಸಂತೋಷದಿಂದ ಕಾಣಿಸಿಕೊಂಡರು. ಅವರ ನಂಬಿಕೆ ವ್ಯರ್ಥವಾಗಲಿಲ್ಲ. ರಕ್ಷಣಾ ತಂಡದ ಹೆಲಿಕಾಪ್ಟರ್ ಅವರನ್ನು ಸುರಕ್ಷಿತವಾಗಿ ರಕ್ಷಿಸಿತು. "ಗ್ಯಾರಿ ವಿಂಟರ್ ಅವರ ಯೇಸುವಿನ ಮೇಲಿನ ನಂಬಿಕೆಯೇ ನಮ್ಮನ್ನು ರಕ್ಷಿಸಿತು. ಯಾವುದೇ ಪರಿಸ್ಥಿತಿಯು ಯೇಸುವಿನ ಮೇಲಿನ ನಮ್ಮ ನಂಬಿಕೆಯನ್ನು ಕಸಿದುಕೊಳ್ಳಲು ಸಾಧ್ಯವಿಲ್ಲ" ಎಂದು ಹಾಜರಿದ್ದ ಇಬ್ಬರು ಸ್ನೇಹಿತರು ಸಾಕ್ಷಿ ಹೇಳಿದರು. "ಗ್ಯಾರಿ ವಿಂಟರ್" ಅವರ ಜೀವನದಿಂದ ನಮ್ಮ ಜೀವನವು ಇತರರ ಜೀವನವನ್ನು ಬದಲಾಯಿಸಲು ಸಾಧ್ಯ ಎಂಬುದನ್ನು ನೋಡಬಹುದು. ಫಿಲಿ. 4:6,7 ರ ವಚನಗಳಲ್ಲಿ, "ಯಾವ ಸಂಬಂಧ ವಾಗಿಯೂ ಚಿಂತೆಮಾಡದೆ ಸರ್ವವಿಷಯದಲ್ಲಿ ದೇವರ ಮುಂದೆ ಕೃತಜ್ಞತಾಸ್ತುತಿಯನ್ನೂ ಪ್ರಾರ್ಥನೆ ವಿಜ್ಞಾಪನೆ ಗಳನ್ನೂ ಮಾಡುತ್ತಾ ನಿಮಗೆ ಬೇಕಾದದ್ದನ್ನು ತಿಳಿಯ ಪಡಿಸಿರಿ ಆಗ ಎಲ್ಲಾ ಗ್ರಹಿಕೆಯನ್ನೂ ವಿಾರುವ ದೇವರ ಶಾಂತಿಯು ನಿಮ್ಮ ಹೃದಯಗಳನ್ನೂ ಮನಸ್ಸು ಗಳನ್ನೂ ಕ್ರಿಸ್ತ ಯೇಸುವಿನ ಮೂಲಕ ಕಾಯುವದು. ಅಪೊಸ್ತಲನಾದ ಪೌಲನು "ದೇವರ ಶಾಂತಿ" ಹೃದಯ ಮತ್ತು ಯೋಚನೆಯಿಂದ ನಮ್ಮನ್ನು ಕಾಯುತ್ತದೆ ಎಂಬುದಾಗಿ ಹೇಳುತ್ತಾರೆ. ಪೌಲನು ಜೈಲಿನಲ್ಲಿದ್ದಾಗಲೂ, "ದೇವರ ಸಮಾಧಾನ" ಹೃದಯದಲ್ಲೂ, ಯೋಚನೆಯಲ್ಲೂ ಇದ್ದು ಕಾಪಾಡಿತು. 

 

ಪ್ರಿಯರೇ! ಈ ಹೊಸ ವರ್ಷದಲ್ಲೂ, ನಮ್ಮ ಪರಿಸ್ಥಿತಿಗಳು ಏನೇ ಇರಲಿ, ನಾವು ಕರ್ತನೊಂದಿಗೆ ಇದ್ದರೆ, ದೇವರ ಶಾಂತಿ ನಮ್ಮನ್ನು ಸಂಪೂರ್ಣವಾಗಿ ತುಂಬಲು ಸಾಧ್ಯ. ಲೋಕದ ಮನುಷ್ಯರಿಗೆ ಸಮಸ್ಯೆಗಳು ಬದಲಾದರೆ ಸಮಾಧಾನ. ಆದರೆ ದೇವರ ಮಕ್ಕಳ ಜೀವನದಲ್ಲಿ ಸಮಸ್ಯೆಗಳು ಬದಲಾಗುವ ಮೊದಲೇ, ಅಂದರೆ ಪ್ರಾರ್ಥನೆಯ ನಂತರ, ಎಲ್ಲಾ ತಿಳುವಳಿಕೆಯನ್ನು ಮೀರಿದ ದೇವರ ಶಾಂತಿಯು ಹೃದಯವನ್ನು ತುಂಬಲು ಸಾಧ್ಯ. ನಾವು ಕರ್ತನನ್ನು ದೃಢವಾಗಿ ಹಿಡಿದುಕೊಂಡಿರುವ ಮನಸ್ಸುಳ್ಳವರಾಗಿದ್ದರೆ, ಪೂರ್ಣ ಶಾಂತಿಯಿಂದ ಕರ್ತನು ನಮ್ಮನ್ನು ಕಾಪಾಡಿಕೊಳ್ಳುತ್ತಾರೆ.

- Mrs. ಫಾತಿಮಾ ಸೆಲ್ವರಾಜ್

 

ಪ್ರಾರ್ಥನಾ ಅಂಶ:

ಹಸಿದವರಿಗೆ ಆಹಾರ ನೀಡುವ ಯೋಜನೆಯ ಮೂಲಕ ಅಗತ್ಯವಿರುವ ಜನರು ಅದರ ಪ್ರಯೋಜನವನ್ನು ಹೊಂದಿಕೊಳ್ಳುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482