By Village Missionary Movement

Monday, 29-Dec-2025

ಧೈನಂದಿನ ಧ್ಯಾನ(Kannada) – 29.12.2025

 

ವ್ಯರ್ಥವಾದ ಹೊಗಳಿಕೆ 

 

"ನಾವು ವ್ಯರ್ಥವಾದ ಹೊಗಳಿಕೆಯನ್ನು ಅಪೇಕ್ಷಿಸದೆಯೂ .... ಇರೋಣ." - ಗಲಾತ್ಯ 5:26

 

ಶತಮಾನಗಳ ಹಿಂದೆ, ಆಫ್ರಿಕಾದಲ್ಲಿ ಒಬ್ಬ ರಾಜ ವಾಸಿಸುತ್ತಿದ್ದನು. ಅವನ ಮಗಳನ್ನು ಎಲ್ಲರೂ ರಾಜಕುಮಾರಿ, ನೀವು ಗುಲಾಬಿಯಂತೆ ಸುಂದರಿ ಎಂದು ಹೊಗಳಿ ಮಾತಾಡುತ್ತಿದ್ದರು. ಆದ್ದರಿಂದ ರಾಜಕುಮಾರಿಯು ತಾನೊಂದು ಸುಂದರಿ ಎಂದು ಭಾವಿಸಿದ್ದಳು. ಒಮ್ಮೆ, ಕೆಲವು ವ್ಯಾಪಾರಿಗಳು ಆ ದೇಶಕ್ಕೆ ಬಂದರು. ಅವರು ರಾಜನ ಮಗಳಾದ ರಾಜಕುಮಾರಿಗೆ ತನ್ನ ನಿಜವಾದ ಮುಖವನ್ನು ತೋರಿಸುವ ಕನ್ನಡಿಯನ್ನು ನೀಡಿದರು. ಈ ಕನ್ನಡಿ ನಿಮ್ಮ ನಿಜವಾದ ಮುಖವನ್ನು ಪ್ರತಿಬಿಂಬಿಸುತ್ತದೆ ಎಂದು ಹೇಳಿದರು. ಅವಳು ಕನ್ನಡಿಯನ್ನು ತೆಗೆದುಕೊಂಡು ತನ್ನ ಜೀವನದಲ್ಲಿ ಮೊದಲ ಬಾರಿಗೆ ತನ್ನ ಮುಖವನ್ನು ನೋಡಿದಳು. ಅದನ್ನು ನೋಡಿದ ತಕ್ಷಣ, ತನ್ನ ಮುಖ ಸುಂದರವಾಗಿಲ್ಲ ಎಂದು ಅರಿತುಕೊಂಡಳು ಮತ್ತು ಕೋಪದಿಂದ ಕನ್ನಡಿಯನ್ನು ಒಡೆದು ಹಾಕಿದಳು. ರಾಜಕುಮಾರಿಯು ಇತರರ ಹೊಗಳಿಕೆಯಿಂದ ವಂಚಿತಳಾದಳು.

 

ಅಪೊಸ್ತಲನಾದ ಪೌಲನು ಕೊರಿಂಥದ ಸಭೆಗೆ ಬರೆಯುವಾಗ ಹೀಗೆ ಬರೆಯುತ್ತಾರೆ. ನಾವೆಲ್ಲರೂ ತೆರೆದ ಮುಖವುಳ್ಳವರಾಗಿ ದರ್ಪಣದಲ್ಲಿ ಕಾಣುವಂತೆ ಕರ್ತನ ಮಹಿಮೆಯನ್ನು ನೋಡುತ್ತಾ ಕರ್ತನ ಆತ್ಮನಿಂದಲೋ ಎಂಬಂತೆ ಅದೇ ಸಾರೂಪ್ಯಕ್ಕೆ ಮಹಿಮೆಯಿಂದ ಮಹಿಮೆಗೆ ಮಾರ್ಪಡುತ್ತೇವೆ. (2 ಕೊರಿಂಥ 3:18)

 

ಪ್ರೀತಿಯ ದೇವರ ಮಗುವೇ, ನೀವು ಇತರರ ಹೊಗಳಿಕೆಯಿಂದ ಮೋಸಹೋದರೆ, ಈ ರಾಜಕುಮಾರಿಯಂತೆ ನೀವು ನಿರಾಶೆಗೊಳ್ಳುವಿರಿ. ನಿಮ್ಮ ನಿಜವಾದ ಸ್ಥಿತಿಯನ್ನು ಪ್ರತಿಬಿಂಬಿಸುವುದು ಸತ್ಯವೇದ ಎಂಬ ಕನ್ನಡಿಯೇ! ನೀವು ಪ್ರತಿದಿನವೂ ಬೈಬಲ್ ಓದಿ, ಧ್ಯಾನಿಸಿ ಕರ್ತನ ಮಹಿಮೆಯನ್ನು ಕನ್ನಡಿಯಲ್ಲಿ ನಿಮ್ಮ ಮುಖವನ್ನು ನೋಡುತ್ತಿರುವಂತೆ ನೋಡಿ, ನಿಮ್ಮ ಆಂತರಿಕ ಮನಸ್ಸಿನಲ್ಲಿರುವ ವಕ್ರತೆ, ಕಲ್ಮಶಗಳು ಮತ್ತು ಮಾಂಸಿಕ ಚಟುವಟಿಕೆಗಳನ್ನು ಸರಿಪಡಿಸೋಣ. ಹಾಗೆ ಮಾಡಿದರೆ, ನೀವು ಕರ್ತನ ದೃಷ್ಟಿಯಲ್ಲಿ ವಿಶೇಷ, ಗೌರವಾನ್ವಿತ ಮತ್ತು ಸುಂದರವಾದವರು. ಮನುಷ್ಯರಿಂದ ಬರುವ ಹೊಗಳಿಕೆ ನಿಮಗೆ ಹಾನಿ ಮಾಡುತ್ತದೆ. ದೇವರಿಂದ ಹೊಗಳಿಕೆ ಉಂಟಾದರೆ ಒಳಗೆ ಯೆಹೂದ್ಯ ನಾಗಿರುವವನೇ ಯೆಹೂದ್ಯನು; ಸುನ್ನತಿಯು ಹೃದಯಕ್ಕೆ ಸಂಬಂಧಪಟ್ಟದ್ದಾಗಿ ಅಕ್ಷರೀಕವಾಗಿರದೆ ಆತ್ಮೀಕವಾದದ್ದೇ ಆಗಿದೆ ಎಂದು ಅಪೊಸ್ತಲನಾದ ಪೌಲನು ಹೇಳುತ್ತಾರೆ (ರೋಮಾ 2:29). ನೀವೇ ನಿಜವಾದ ರಾಜಕುಮಾರಿಯರು! ರಾಜಕುಮಾರರು!

- R. ಸಲೋಮಿ

 

ಪ್ರಾರ್ಥನಾ ಅಂಶ:

ಯೂ ಟ್ಯೂಬ್‌ನಲ್ಲಿ ಪ್ರಾರಂಭಿಸಲಾದ ಕಣ್ಮಣಿ ಟಿವಿಗಾಗಿ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482