By Village Missionary Movement

Thursday, 25-Dec-2025

ಧೈನಂದಿನ ಧ್ಯಾನ(Kannada) – 25.12.2025 (Happy Christmas)

 

ಬಹಿರಂಗಪಡಿಸುವ ದೇವರು

 

"ಅನಾದಿಯಾಗಿ ಗುಪ್ತವಾಗಿದ್ದ ಮರ್ಮವು ಈಗ ಪ್ರಕಾಶಕ್ಕೆ ಬಂದು ... ಪ್ರಕಾಶಕ್ಕೆ ಬಂದಿರುವ ಈ ಮರ್ಮಕ್ಕೆ ಅನುಸಾರ ಅಂದರೆ ಯೇಸು ಕ್ರಿಸ್ತನ ವಿಷಯವಾದಂಥ ನಾನು ಸಾರುವಂಥ ಸುವಾರ್ತೆಗನುಸಾರ..." - ರೋಮಾ 25:26

 

ಯೇಸುವಿನ ಹೆಸರು ಆರಂಭದಿಂದಲೂ ಅವರ ಹೆತ್ತವರ ಹೊರತು ಬೇರೆ ಯಾರಿಗೂ ಬಹಿರಂಗವಾಗಲಿಲ್ಲ (ಮತ್ತಾಯ 1:21). ಯೇಸುವಿನ ಜನನದಲ್ಲಿ ಕೆಲವು ಜನರು ಭಾಗಿಯಾಗಿದ್ದರು. ದೇವರು ಈ ಜನರಿಗೆ ತನ್ನನ್ನು ಹೇಗೆ ಬಹಿರಂಗಪಡಿಸಿದರು? ನೋಡೋಣ.

 

ಯೇಸು ಎಂಬ ಮಾತು ಮೊಟ್ಟ ಮೊದಲು ತನ್ನಲ್ಲಿ ಬಿತ್ತಲ್ಪಟ್ಟಾಗ, ಮರಿಯಳು ಅದನ್ನು ಹಾಗೆಯೇ ಸ್ವೀಕರಿಸಿದ್ದರಿಂದ, ಆ ವಾಕ್ಯವು ಶರೀರವಾಗಿ ಯೇಸುವಾಗಿ ಕಾಣಿಸಿಕೊಂಡರು (ಲೂಕ 1:38). ಗೊಂದಲಮಯ ಸ್ಥಿತಿಯಲ್ಲಿದ್ದ ಯೋಸೇಫನಿಗೆ ಯೇಸು ಎಂಬ ಮಾತು ಬಹಿರಂಗವಾದರೂ, "ಇಮ್ಮಾನುವೇಲ್" ಎಂಬ ಹೆಸರನ್ನು ಕೇಳಿದಾಗ ಮಾತ್ರ ಅವರ ಗೊಂದಲ ದೂರವಾಯಿತು ಮತ್ತು ಅವರು ತನ್ನ ಹೆಂಡತಿಯನ್ನು ಸಂತೋಷದಿಂದ ಸ್ವೀಕರಿಸಿದರು (ಮತ್ತಾಯ 1:21-25). ಮರಿಯಳ ಶುಭವಚನದಲ್ಲಿ ಪ್ರಕಟವಾದ ಪ್ರವಾದನೆಯ ಶಕ್ತಿಯು ಎಲಿಜಬೆತ್ ಮತ್ತು ಆಕೆಯ ಗರ್ಭದಲ್ಲಿರುವ ಮಗುವನ್ನು ಮುಟ್ಟಿದ ತಕ್ಷಣ, ಎಲಿಜಬೆತ್ ಮಗು ಅಸ್ವಾಭಾವಿಕವಾಗಿ ಜಿಗಿಯುವುದನ್ನು ಅನುಭವಿಸಿದಳು, ಪವಿತ್ರಾತ್ಮದಿಂದ ತುಂಬಿದಳು ಮತ್ತು ಯೇಸುವನ್ನು ತನ್ನ ದೇವರಾಗಿ ನೋಡಿದಳು (ಲೂಕ 1:39-45). ಜೆಕರ್ಯನ ನಾಲಿಗೆ ಸಡಿಲಗೊಂಡು ಅವನು ಕರ್ತನನ್ನು ಸ್ತುತಿಸಿದಾಗ. ದರ್ಶನದ ಮೂಲಕ, ಕರ್ತನು ತನ್ನನ್ನು ಜೆಕರ್ಯನಿಗೆ ರಕ್ಷಣೆಯ ಕೊಂಬು ಆಗಿಯೂ (ಜೆಕರ್ಯ 3:8), ಉನ್ನತರಾಗಿಯೂ ಉನ್ನತದಿಂದ ಅರುಣೋದಯವಾಗಿಯೂ ಪ್ರಕಟಿಸಿದರು (ಲೂಕ 1:75-79). ಕರ್ತನು ಸಿಮಿಯೋನನಿಗೆ ತಮ್ಮನ್ನು ಇಸ್ರಾಯೇಲ್ ದೇವರ ರಕ್ಷಣೆಯಾಗಿಯೂ ಆದರಣೆಯಾಗಿಯೂ, ಕರ್ತನ ಕ್ರಿಸ್ತನಾಗಿಯೂ ಬಹಿರಂಗಪಡಿಸಿದರು. ದೇವಾಲಯವನ್ನು ಬಿಟ್ಟು ಹೋಗದೆ ಹಗಲಿರುಳು ಉಪವಾಸ, ಪ್ರಾರ್ಥನೆ ಮತ್ತು ಆರಾಧನೆ ಮಾಡುತ್ತಿದ್ದ ಹನ್ನಳಿಗೆ, ದೇವರು ತನ್ನನ್ನು ವಿಮೋಚಕನಾಗಿ ಬಹಿರಂಗಪಡಿಸಿದರು.

 

ಈ ರೀತಿಯಾಗಿ, ಪ್ರತಿಯೊಬ್ಬ ವ್ಯಕ್ತಿಗೂ ವಿಭಿನ್ನ ರೀತಿಯಲ್ಲಿ ತನ್ನನ್ನು ಬಹಿರಂಗಪಡಿಸಿದ ಕರ್ತನು ರಕ್ಷಕನು ವಿಮೋಚಕನು ಎಂದು ಅರ್ಥಗೊಳ್ಳುವಂತೆ ಕ್ರಿಸ್‌ಮಸ್ ದಿನದಂದು ಇಮ್ಮಾನುವೇಲನಾಗಿ ಕಾಣಿಸಿಕೊಂಡರು, ಇದರಂತೆಯೇ, ಕರ್ತನಾದ ಯೇಸು ಈ ಅಂತ್ಯ ಕಾಲದಲ್ಲೂ ನಮ್ಮೊಳಗೂ ನಮ್ಮ ಜೀವನದಲ್ಲೂ ಕಾಣಿಸಿಕೊಳ್ಳಲು ಮತ್ತು ಕ್ರಿಯೆ ಮಾಡಲು ಬಯಸುತ್ತಿದ್ದಾರೆ. ಆತನು ನಮಗೆ ಯಾವುದೇ ಹೆಸರಿನಲ್ಲಿ ಕಾಣಿಸಿಕೊಂಡರೂ, ಆ ಹೆಸರಿನ ಶಕ್ತಿಯು ಆತನು ಅದನ್ನು ಕಳುಹಿಸಿದ ಉದ್ದೇಶವನ್ನು ಸಾಧಿಸಲು ಅನುವು ಮಾಡಿಕೊಡುತ್ತದೆ. ಅದರಂತೆ, ಮರಿಯಳು ತನ್ನ ಗರ್ಭದಲ್ಲಿ ಯೇಸುವನ್ನು ಹೊತ್ತಿದ್ದಳು; ಯೋಸೇಫನು ಯೇಸುವನ್ನು ತನ್ನ ಮಡಿಲಲ್ಲಿ ಬೆಳೆಸಿದರು; ಸಿಮಿಯೋನ್ ಯೇಸುವನ್ನು ತನ್ನ ಕೈಗಳಲ್ಲಿ ಎತ್ತಿಕೊಂಡರು.

 

ಪ್ರಿಯರೇ! ಇವರಂತೆಯೇ ನಾವು ಸಹ, ನಮ್ಮನ್ನು ಭೇಟಿ ಮಾಡುವ ದೇವರು ನಮ್ಮ ಬಳಿ ಹೇಳುವ "ನಿನ್ನ ದೇವರನ್ನು ಸಂಧಿಸಲು ಸಿದ್ಧನಾಗು" (ಆಮೋಸ 4:12) ಎಂಬ ಎಚ್ಚರಿಕೆಯ ಶಬ್ದವನ್ನು ಕೇಳಿ, ನಮ್ಮ ಹೃದಯವನ್ನು ತೆರೆದು ಯೇಸುವನ್ನು ರಕ್ಷಕನಾಗಿ ಮಾತ್ರವಲ್ಲದೆ ನಮ್ಮೆಲ್ಲರ ಜೀವನವನ್ನು ಆಳುವ ರಾಜನಾಗಿಯೂ ಸ್ವೀಕರಿಸೋಣವಾ?

- Mrs. ಪ್ರಿಸ್ಕಿಲ್ಲಾ ಥಿಯೋಫಿಲಸ್

 

ಪ್ರಾರ್ಥನಾ ಅಂಶ:

ನಮ್ಮ ಕ್ಯಾಂಪಸ್‌ನಲ್ಲಿ ನಡೆಯಲಿರುವ ಸುವಾರ್ತೆ ಮಹೋತ್ಸವದಲ್ಲಿ ದೇವರ ಆಳ್ವಿಕೆಗಾಗಿ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482