By Village Missionary Movement

Saturday, 29-Nov-2025

ಧೈನಂದಿನ ಧ್ಯಾನ(Kannada) – 29.11.2025

 

ಪ್ರೀತಿಯಾಗಿದ್ದೀಯಾ? 

 

"...ನೀನು ಇವರಿಗಿಂತ ಹೆಚ್ಚಾಗಿ ನನ್ನ ಮೇಲೆ ಪ್ರೀತಿ ಇಟ್ಟಿದ್ದೀಯೋ..." - ಯೋಹಾನ 21:15

 

ಹದಿನೈದು ವರ್ಷದ ಹುಡುಗನೊಬ್ಬ ಕ್ಯಾನ್ಸರ್ ನಿಂದ ಬಳಲುತ್ತಿದ್ದ. ಕೀಮೋಥೆರಪಿ ಎಂಬ ಚಿಕಿತ್ಸೆ ಪಡೆದ ಹುಡುಗನಿಗೆ ಅಸಹನೀಯ ನೋವು, ಏಕೆಂದರೆ ಅವನ ತಲೆಯ ಮೇಲಿನ ಎಲ್ಲಾ ಕೂದಲುಗಳು ಉದುರಿಹೋಗಿದ್ದವು. ರೋಗದ ಫಲಿತಾಂಶ ಏನಾಗುತ್ತದೋ ಎಂದು ತಿಳಿಯದೆ, ಹಿಂಜರಿದನು, ಬಹುತೇಕ ಬೋಳು ತಲೆಯೊಂದಿಗೆ ಶಾಲೆಗೆ ಹೋಗುವುದು ಮುಜುಗರದ ಸಂಗತಿ ಎಂದು ಭಾವಿಸಿದನು. ಆದರೆ ಅವನು ಶಾಲೆಗೆ ಮರಳಿದ ಮೊದಲ ದಿನ, ಅವನಿಗೆ ಒಂದು ಆಶ್ಚರ್ಯ ಕಾದಿತ್ತು. ಅವನ ತರಗತಿಯಲ್ಲಿ ಅನೇಕರು ತಲೆ ಬೋಳಿಸಿಕೊಂಡು ಬಂದಿದ್ದರು. ಅವನನ್ನು ಪ್ರೀತಿಸಿದ ಹುಡುಗರು ತಮ್ಮ ಪ್ರೀತಿಯನ್ನು ಹೊಸ ರೀತಿಯಲ್ಲಿ ತೋರಿಸಿದರು. ಆ ಸ್ನೇಹಿತರಂತೆ, ನಾವು ಸಹ ನಮ್ಮ ಪ್ರೀತಿಯನ್ನು ಇತರರಿಗೂ ತೋರಿಸಬೇಕು. 

 

ಸತ್ಯವೇದದಲ್ಲಿ ಇದಕ್ಕೆ ಉದಾಹರಣೆಯಾಗಿ ಒಂದು ವ್ಯಕ್ತಿಯ ಬಗ್ಗೆ ಹೇಳಬಹುದು. ಅವರೇ ಪೇತ್ರನು. ಆ ಪೇತ್ರನು ಮತ್ತು ಅವರೊಂದಿಗಿದ್ದವರು ರಾತ್ರಿಯಿಡೀ ಸಮುದ್ರದಲ್ಲಿ ಬಲೆ ಬೀಸಿದರು ಒಂದೇ ಒಂದು ಮೀನು ಕೂಡ ಹಿಡಿಯಲು ಸಾಧ್ಯವಾಗದ ಪರಿಸ್ಥಿತಿಯಲ್ಲಿ, ಕರ್ತನಾದ ಯೇಸು ಅವರಿಗೆ, "ನೀವು ದೋಣಿಯ ಬಲಭಾಗದಲ್ಲಿ ಬಲೆ ಬೀಸಿರಿ" ಎಂದು ಹೇಳಿದರು. ಅವರು ಯೇಸುವಿನ ಮಾತಿಗೆ ವಿಧೇಯರಾದದ್ದರಿಂದ, ಹೇರಳವಾದ ಮೀನುಗಳನ್ನು ಹಿಡಿಯಲ್ಪಟ್ಟರು. ಆ ದಿನದಿಂದ, ಪೇತ್ರನು ಎಲ್ಲವನ್ನೂ ಬಿಟ್ಟುಬಿಟ್ಟು ಯೇಸುವನ್ನು ಹಿಂಬಾಲಿಸಲು ಧೈರ್ಯಗೊಂಡರು. ಯೇಸುವಿನೊಂದಿಗಿದ್ದು ಅವರು ಮಾಡಿದ ಅದ್ಭುತಗಳನ್ನು ಕಣ್ಣಾರೆ ಕಂಡರು. ಅವರೊಂದಿಗೆ ಪ್ರಾರ್ಥಿಸಲು ಬೆಟ್ಟಕ್ಕೆ ಹೋದರು. ಆದರೆ ಯೇಸುವನ್ನು ಶಿಲುಬೆಗೇರಿಸುವ ಹಂತಕ್ಕೆ ಬಂದಾಗ, ಯೇಸುವಿಗಾಗಿ ಎಲ್ಲವನ್ನೂ ಬಿಟ್ಟುಹೋದ ಪೇತ್ರನು ಯೇಸುವನ್ನು ನಿರಾಕರಿಸಿದರು. ನಿರಾಕರಿಸಿದ ಪೇತ್ರನು ನಂತರ ಮನತಿರುಗಿದರು. ಯೇಸು ಸತ್ತವರೊಳಗಿಂದ ಎದ್ದ ನಂತರ ಮೂರನೇ ಬಾರಿ ಕಾಣಿಸಿಕೊಂಡ ಸಂದರ್ಭದಲ್ಲಿ, ಅವರು ಊಟ ಮಾಡಿದ ನಂತರ ಯೇಸು ಸೀಮೋನನಾದ ಪೇತ್ರನನ್ನು ನೋಡಿ, "ನೀನು ಇವರಿಗಿಂತ ಹೆಚ್ಚಾಗಿ ನನ್ನ ಮೇಲೆ ಪ್ರೀತಿ ಇಟ್ಟಿದ್ದೀಯೋ? ಎಂದು ಕೇಳಿದರು. ಅದಕ್ಕೆ ಪೇತ್ರನು ಹೌದು, ಸ್ವಾಮೀ, ನಿನ್ನ ಮೇಲೆ ಮಮತೆ ಇಟ್ಟಿದ್ದೇನೆಂಬದನ್ನು ನೀನೇ ಬಲ್ಲೆ ಅಂದನು. ಆತನು ಅವನಿಗೆ - ನನ್ನ ಕುರಿಮರಿಗಳನ್ನು ಮೇಯಿಸು ಎಂದು ಹೇಳಿದರು.

 

ಇದನ್ನು ಓದುತ್ತಿರುವ ಪ್ರೀತಿಯ ದೇವ ಜನರೇ! ಪೇತ್ರನನ್ನು ನೋಡಿ ನೀನು ನನ್ನ ಮೇಲೆ ಪ್ರೀತಿ ಇಟ್ಟಿದ್ದೀಯೋ? ಎಂದು ಕೇಳಿದ ದೇವರು, ಇಂದು ನಮ್ಮಲ್ಲಿ ಪ್ರತಿಯೊಬ್ಬರನ್ನು ನೋಡಿ ಕೇಳುತ್ತಿದ್ದಾರೆ. ನಮ್ಮಲ್ಲಿ ಎಷ್ಟು ಮಂದಿ ಈ ಪ್ರಶ್ನೆಗೆ ಉತ್ತರಿಸಲು ಸಾಧ್ಯ? ಪ್ರತಿದಿನ ಈ ಪ್ರಶ್ನೆಯನ್ನು ನಮ್ಮನ್ನು ನಾವೇ ಕೇಳಿಕೊಂಡು ನಮ್ಮನ್ನು ಸರಿಪಡಿಸಿಕೊಳ್ಳಲು ಶ್ರಮಿಸೋಣ. ಅನೇಕ ಬಾರಿ ನಾವು ಕರ್ತನ ಮೇಲೆ ಇಡಬೇಕಾದ ಪ್ರೀತಿಯನ್ನು ವಸ್ತುಗಳ ಮೇಲೆ ಅಥವಾ ಇತರ ಜನರ ಮೇಲೆ ತೋರಿಸುತ್ತೇವೆ. ಒಂದು ವೇಳೆ ಆರಂಭದಲ್ಲಿ ನಾವು ಯೇಸುವಿನ ಮೇಲೆ ಇಟ್ಟಿದ್ದ ಪ್ರೀತಿಯನ್ನು ಬಿಟ್ಟುಬಿಟ್ಟೆವೋ? ನಮ್ಮನ್ನು ನಾವೇ ಪರೀಕ್ಷಿಸಿಕೊಂಡು ಸರಿಪಡಿಸಿಕೊಳ್ಳೋಣ. ನಾವು ಯೇಸುವನ್ನು ಪೂರ್ಣ ಹೃದಯದಿಂದ ಪ್ರೀತಿಸಿ ಆತನಿಗೆ ಪ್ರೀತಿಯನ್ನು ಸಲ್ಲಿಸುವುದಾದರೆ ಆತನು ನಮಗೆ ಎಲ್ಲವನ್ನೂ ನೀಡಲು ಶಕ್ತರಾಗಿದ್ದಾರೆ.

- Bro. ಮುರಳಿ ಗಿದ್ಯೋನ್

 

ಪ್ರಾರ್ಥನಾ ಅಂಶ:

ಹಸ್ತಪ್ರತಿಗಳನ್ನು ಸ್ವೀಕರಿಸಿದವರ ಹೆಸರುಗಳು ಜೀವ ಪುಸ್ತಕದಲ್ಲಿ ಬರೆಯಲ್ಪಡುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482