By Village Missionary Movement

Tuesday, 04-Nov-2025

ಧೈನಂದಿನ ಧ್ಯಾನ(Kannada) – 04.11.2025

 

ಕೂಗನ್ನು ಕೇಳಿದರು

 

"...ಯೆಹೋಷಾಫಾಟನು ಕೂಗಿಕೊಳ್ಳಲು ದೇವರಾದ ಯೆಹೋವನು ಅವನಿಗೆ ನೆರವಾಗಿ..." - 2 ಪೂರ್ವಕಾಲ 18:31

 

ಕರ್ತನನ್ನು ಅರಿಯದ ಅನ್ಯಮಾರ್ಗದಲ್ಲಿ ಜನಿಸಿದ ನಾನು, ಹತ್ತನೇ ತರಗತಿಯಲ್ಲಿದ್ದಾಗ ಯೇಸುವನ್ನು ನನ್ನ ಸ್ವಂತ ರಕ್ಷಕನಾಗಿ ಸ್ವೀಕರಿಸಿದೆ. ಇದರಿಂದಾಗಿ, ನನ್ನ ಸ್ವಂತ ಕುಟುಂಬವೂ ಸಹ ನನ್ನನ್ನು ಅನೇಕ ಸ್ಥಳಗಳಲ್ಲಿ ತಿರಸ್ಕರಿಸಿತು. ಆದಾಗ್ಯೂ, ನಾನು ಕರ್ತನನ್ನು ಅಥವಾ ಆತನ ಮೇಲಿನ ನನ್ನ ನಂಬಿಕೆಯನ್ನು ತ್ಯಜಿಸಲಿಲ್ಲ. ಬೈಬಲ್ ಕಾಲೇಜಿಗೆ ಸೇರಲು ಮತ್ತು ಬೈಬಲ್ ಅಧ್ಯಯನ ಮಾಡಲು ದೇವರು ನನಗೆ ಸಹಾಯ ಮಾಡಿದರು. ತಮಿಳುನಾಡು, ಭಾರತದ ಇತರ ರಾಜ್ಯಗಳು ಮತ್ತು ವಿದೇಶಗಳಲ್ಲಿ ನನ್ನ ಸೇವೆಯನ್ನು ಕೈಗೊಳ್ಳಲು ದೇವರು ನನ್ನನ್ನು ಆಶೀರ್ವದಿಸಿದರು. ನನ್ನ ವೈಯಕ್ತಿಕ ಜೀವನದಲ್ಲಿ ಮತ್ತು ನನ್ನ ಸೇವೆಯಲ್ಲಿ ನಾನು ಕರ್ತನಿಗೆ ಮೊರೆಯಿಟ್ಟಾಗಲೆಲ್ಲಾ, ದೇವರು ಯಾವಾಗಲೂ ನನಗೆ ಅನುಕೂಲಕರವಾಗಿದ್ದರು. 

 

ಸತ್ಯವೇದದಲ್ಲಿ ದೇವರನ್ನು ನೋಡಿ ಕೂಗಿದ ಒಬ್ಬ ರಾಜನ ಬಗ್ಗೆ ಇಂದು ನೋಡುತ್ತೇವೆ. ಇಸ್ರಾಯೇಲ್‌ನ ರಾಜನು ಯೆಹೋಷಾಫಾಟನನ್ನು ನೋಡಿ, ನಾನು ವೇಷಹಾಕಿಕೊಂಡು ರಣರಂಗಕ್ಕೆ ಬರುವೆನು; ನೀನಾದರೋ ನಿನ್ನ ರಾಜವಸ್ತ್ರಗಳನ್ನು ಧರಿಸಿಕೊಂಡೇ ಬಾ ಎಂದು ಹೇಳಿ ವೇಷಹಾಕಿಕೊಂಡು ರಣರಂಗಕ್ಕೆ ಹೋದರು. ರಣರಂಗದಲ್ಲಿ ರಥಬಲದ ಅಧಿಪತಿಗಳು ಯೆಹೋಷಾಫಾಟನನ್ನು ಕಂಡಾಗ ಅವನೇ ಇಸ್ರಾಯೇಲ್ಯರ ಅರಸನೆಂದು ನೆನಸಿ ಅವನಿಗೆ ವಿರೋಧವಾಗಿ ಯುದ್ಧಮಾಡುವದಕ್ಕೆ ಅವನನ್ನು ಸುತ್ತಿಕೊಂಡರು. ಯೆಹೋಷಾಫಾಟನು ಕೂಗಿಕೊಳ್ಳಲು ದೇವರಾದ ಯೆಹೋವನು ಅವನಿಗೆ ನೆರವಾಗಿ ಶತ್ರುಗಳನ್ನು ಅವನ ಕಡೆಯಿಂದ ತೊಲಗಿಸಿದನು. ಅವನು ಇಸ್ರಾಯೇಲ್ಯರ ಅರಸನಲ್ಲವೆಂಬದು ರಥಬಲದ ಅಧಿಪತಿಗಳಿಗೆ ಗೊತ್ತಾದಾಗ ಅವರು ಅವನನ್ನು ಬಿಟ್ಟು ಹಿಂದಿರುಗಿದರು. ಸತ್ಯವೇದದಲ್ಲಿ ನಾವು ಓದಿದಂತಹ ಈ ಭಾಗವು ಇಸ್ರಾಯೇಲಿನ ರಾಜನು ಯುದ್ಧದಲ್ಲಿ ಯೆಹೋಷಾಫಾಟನನ್ನು ಕೊಲ್ಲಲು ಸಂಚು ರೂಪಿಸಿದನು. ಆದರೆ ಯೆಹೋಷಾಫಾಟನು ಕರ್ತನಿಗೆ ಮೊರೆಯಿಟ್ಟ ಕಾರಣ, ಕರ್ತನು ಅವನನ್ನು ಯುದ್ಧದಲ್ಲಿ ತಕ್ಷಣವೇ ಬಿಡುಗಡೆ ಮಾಡಿದರು. ವಿಮೋ. 3:7 ರಲ್ಲಿ, “ಐಗುಪ್ತ ದೇಶದಲ್ಲಿರುವ ನನ್ನ ಜನರ ದುರವಸ್ಥೆಯನ್ನು ನೋಡೇ ನೋಡಿದ್ದೇನೆ... ಅವರು ಇಟ್ಟ ಮೊರೆಯು ನನಗೆ ಕೇಳಿಸಿತು; ಅವರ ದುಃಖವನ್ನೆಲ್ಲಾ ನಾನು ಬಲ್ಲೆನು ಎಂದು ಕರ್ತನು ಮೋಶೆಯ ಬಳಿ ಹೇಳುತ್ತಾರೆ. 

 

ಇದನ್ನು ಓದುತ್ತಿರುವ ದೇವರ ಮಗುವೇ, ನಾವು ಕೂಡ ಆಗಾಗ್ಗೆ ಸೈತಾನನ ತಂತ್ರಗಳಿಗೆ ಬಲಿಯಾಗುತ್ತೇವೆ. ಅಂತಹ ಸಂದರ್ಭಗಳು ನಮ್ಮ ಜೀವನದಲ್ಲಿ ಬಂದಾಗ, ನಾವು ಸಂಬಂಧಿಕರು ಅಥವಾ ಸ್ನೇಹಿತರನ್ನು ಅವಲಂಬಿಸಿ ಅವರಿಗೆ ಮೊರೆಯಿಡುತ್ತೇವೆ. ಕರ್ತನು ನಿಮ್ಮ ಕೂಗನ್ನು ಕೇಳುತ್ತಾರೆ. ನೀವು ಅನುಭವಿಸುತ್ತಿರುವ ನೋವುಗಳು ಸಹ ತನಗೆ ತಿಳಿದಿವೆ ಎಂದು ಅವರು ಹೇಳುತ್ತಾರೆ. ನಮ್ಮ ಕರ್ತನು ತನ್ನ ಮಕ್ಕಳು ಅಳುವುದನ್ನು ಇಷ್ಟಪಡುವುದಿಲ್ಲ. ತನ್ನ ಮಕ್ಕಳು ಬಳಲುವುದನ್ನು ನೋಡಿಕೊಂಡಿರುವುದಿಲ್ಲ. ನಾವು ಆತನಿಗೆ ಮೊರೆಯಿಟ್ಟಾಗಲೆಲ್ಲಾ ಆತನು ನಮ್ಮ ಮೊರೆಯನ್ನು ಕೇಳುತ್ತಾರೆ. ನೀವು ಸಹ ಆತನನ್ನು ನೋಡಿ ಕೂಗುತ್ತೀರಾ?

- Rev. ಜ್ಯೋತಿನಾಯಗಂ

 

ಪ್ರಾರ್ಥನಾ ಅಂಶ:

ದೆಬೋರಾಳ್ ಗಳು ಮಾಡುವ ಸೇವೆಗಳಲ್ಲಿ ಕರ್ತನು ಮಹಿಮೆ ಹೊಂದುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482