By Village Missionary Movement

Sunday, 02-Nov-2025

ಧೈನಂದಿನ ಧ್ಯಾನ(Kannada) – 02.11.2025

 

ಸಹಾಯ ಮಾಡು

 

"ನಿನ್ನ ಕೈಯಲ್ಲಿ ಮಾಡುವ ಶಕ್ತಿ ಇದ್ದಾಗ, ಒಬ್ಬನಿಗೆ ಅವನು ಅರ್ಹನಾಗಿರುವ ಒಳ್ಳೆಯದನ್ನು ಮಾಡದೆ ಬಿಡಬೇಡ." — ನीतಿವಚನಗಳು 3:27

 

ಒಂದು ದೊಡ್ಡ ಕಾಡಿನಲ್ಲಿ ಒಂದು ಪುಟ್ಟ ಆನೆ ತನ್ನ ಅಮ್ಮ, ಅಪ್ಪ, ಅಕ್ಕ, ಅಣ್ಣ ಆನೆಗಳೊಂದಿಗೆ ಸಂತೋಷವಾಗಿ ವಾಸಿಸುತ್ತಿತ್ತು. ಆ ಪುಟ್ಟ ಆನೆ ತುಂಬಾ ಚೇಷ್ಟೆಯ ಆನೆಯಾಗಿತ್ತು. ಅದು ಯಾವಾಗಲೂ ಇಲ್ಲಿ, ಅಲ್ಲಿ ಓಡುತ್ತಲೇ ಇತ್ತು. ಒಂದು ದಿನ, ಮರಿ ಆನೆ ತನ್ನ ಕುಟುಂಬದೊಂದಿಗೆ ಕಾಡಿನಲ್ಲಿರುವ ಒಂದು ಕೊಳಕ್ಕೆ ನೀರು ಕುಡಿಯಲು ಹೋಯಿತು. ಅಲ್ಲಿ, ಅದು ನೀರಿನಲ್ಲಿ ಸಂತೋಷದಿಂದ ಆಟವಾಡುತ್ತಿತ್ತು. ಒಂದು ಪುಟ್ಟ ಗುಬ್ಬಚ್ಚಿ ಮರದಿಂದ ಆನೆಯ ಚೇಷ್ಟೆಯನ್ನು ನೋಡುತ್ತಿತ್ತು. ಅದು ಪುಟ್ಟ ಆನೆಯ ಬಳಿ, ನಾವಿಬ್ಬರೂ ಸ್ನೇಹಿತರಾಗಿರೋಣವಾ? ಎಂದು ಕೇಳಿತು. ಅದನ್ನು ಕೇಳಿದ ಪುಟ್ಟ ಆನೆ ಕೋಪಗೊಂಡು, "ನಾನು, ಭೂಮಿಯಲ್ಲಿ ವಾಸಿಸುವ ದೊಡ್ಡ ಪ್ರಾಣಿ, ನಾನು ನಿನ್ನೊಂದಿಗೆ ಸ್ನೇಹಿತನಾಗಬೇಕಾ?" ಎಂದು ಹೇಳಿ ಬೈದುಬಿಟ್ಟಿತು. ಗುಬ್ಬಚ್ಚಿಯೂ ದುಃಖದಿಂದ ಆನೆಯ ಆಟವನ್ನು ಆನಂದಿಸುತ್ತಿತ್ತು.

 

ಸ್ವಲ್ಪ ಸಮಯದ ನಂತರ, ಆನೆ ಕುಟುಂಬವು ತಮ್ಮ ಸ್ಥಳಕ್ಕೆ ಹೊರಟುಹೋಯಿತು. ದಾರಿಯಲ್ಲಿ, ಕಬ್ಬಿನ ತೋಟವನ್ನು ನೋಡಿದ ಪುಟ್ಟ ಆನೆಯು, ತನ್ನ ಅಪ್ಪ ಅಮ್ಮನಿಗೆ ಗೊತ್ತಾಗದಂತೆ ಕಬ್ಬನ್ನು ತಿನ್ನಲು ಬಯಸಿ ತೋಟದೊಳಗೆ ಹೋಯಿತು. ನಂತರ, ತೋಟಗಾರ ಬರುವ ಶಬ್ದವನ್ನು ಕೇಳಿ, ಎಲ್ಲಿಗೆ ಹೋಗಬೇಕೆಂದು ತಿಳಿಯದೆ ಭಯದಿಂದ ಇಲ್ಲಿ ಅಲ್ಲಿ ಓಡಲು ಪ್ರಾರಂಭಿಸಿತು. ದಾರಿ ಬದಲಾಗಿ ಬಹಳ ದೂರ ಹೊರಟು ಹೋದದ್ದರಿಂದ ಎಲ್ಲಿಗೆ ಹೋಗಬೇಕೆಂದು ತಿಳಿಯದೆ, ಅಳಲು ಪ್ರಾರಂಭಿಸಿತು. ಆಗ ಅಲ್ಲಿಗೆ ಬಂದ ಗುಬ್ಬಚ್ಚಿ ಚಿಕ್ಕ ಆನೆಗೆ, ಭಯಪಡಬೇಡ, ನಾನು ನಿನ್ನನ್ನು ನಿನ್ನ ಹೆತ್ತವರ ಬಳಿಗೆ ಕರೆದುಕೊಂಡು ಹೋಗುತ್ತೇನೆ ಎಂದು ಹೇಳಿ ಮಾರ್ಗದರ್ಶನ ನೀಡುತ್ತಾ ಹಾರಲು ಪ್ರಾರಂಭಿಸಿತು. ಗುಬ್ಬಚ್ಚಿಯನ್ನು ಹಿಂಬಾಲಿಸಿದ ಆನೆ, ತನ್ನ ಹೆತ್ತವರನ್ನು ನೋಡಿ ಸಂತೋಷಪಟ್ಟಿತು. ತಾನು ಗುಬ್ಬಚ್ಚಿಯನ್ನು ಬೈದಿದ್ದರೂ, ಅದು ತನಗೆ ಸಹಾಯ ಮಾಡಿದ್ದನ್ನು ನೆನೆಸಿ ಚಿಕ್ಕ ಆನೆ ಮನನೊಂದು ಗುಬ್ಬಚ್ಚಿಯ ಬಳಿ ಕ್ಷಮೆಯಾಚಿಸಿತು. ನಂತರ, ಇಬ್ಬರೂ ಆತ್ಮೀಯ ಸ್ನೇಹಿತರಾದರು.

 

ಏನು, ಪುಟಾಣಿಗಳೇ, ನಿಮ್ಮ ಜೊತೆ ಓದುವ ಸ್ನೇಹಿತರು, ನಿಮ್ಮ ಸಂಬಂಧಿಕರ ಬಳಿ ನೀವು ಪ್ರೀತಿಯಿಂದ ಮತ್ತು ವಾತ್ಸಲ್ಯದಿಂದ ನಡೆದುಕೊಳ್ಳುತ್ತೀರಾ? ಇಲ್ಲ, ನನ್ನ Bag Castly, ನನ್ನ Pen ಹೊಸ Model, ನನ್ನ ಬಳಿ ಪ್ರತಿಯೊಂದು ಬಣ್ಣದ ಉಡುಗೆ ಇದೆ ಎಂದು ಹೇಳುವ ಮೂಲಕ ನೀವು ನಿಮ್ಮ ಬಗ್ಗೆ ಹೆಮ್ಮೆಪಡುತ್ತಿದ್ದೀರಾ ಮತ್ತು ಇತರರನ್ನು ಗೇಲಿ ಮಾಡುತ್ತಿದ್ದೀರಾ? ಹೆಮ್ಮೆಪಡುವುದು ದೇವರಿಗೆ ಇಷ್ಟವಿಲ್ಲದ ಕಾರ್ಯ. ಇತರರನ್ನು ಅತ್ಯಲ್ಪವೆಂದು ಭಾವಿಸುವುದು ದೇವರಿಗೆ ಇಷ್ಟವಾಗುವುದಿಲ್ಲ. ಇನ್ನು ಮುಂದೆ ಯಾರನ್ನೂ ಅತ್ಯಲ್ಪವೆಂದು ಭಾವಿಸಬೇಡಿ. ಎಲ್ಲರೂ ಯೇಸುಕ್ರಿಸ್ತನ ಪ್ರತಿರೂಪ ಎಂದು ಅರಿತು ಪ್ರೀತಿಯಿಂದ ಬದುಕಿರಿ. ಕರ್ತನು ನಿಮ್ಮನ್ನು ಆಶೀರ್ವದಿಸಲಿ. ಆಮೆನ್. 

- Mrs. ಐಡಾ ಕಿಂಗ್ ಡೇವಿಡ್

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482