By Village Missionary Movement

Monday, 20-Oct-2025

ಧೈನಂದಿನ ಧ್ಯಾನ(Kannada) – 20.10.2025

 

ಕರ್ತನಿಗೆ ಮೊದಲ ಸ್ಥಾನ 

 

"ಮೊದಲು ದೇವರ ರಾಜ್ಯಕ್ಕಾಗಿಯೂ ನೀತಿಗಾಗಿಯೂ ತವಕಪಡಿರಿ..." - ಮತ್ತಾಯ 6:33

 

ಸೂಪರ್ ಮಾರ್ಕೆಟ್ ಹೊಂದಿದ್ದ ಒಬ್ಬ ವ್ಯಕ್ತಿ ಪ್ರತಿ ಭಾನುವಾರ ಅಂಗಡಿಗೆ ರಜೆ ಹಾಕಿ ಸಭೆಗೆ ಹೋಗುವುದನ್ನು ಅಭ್ಯಾಸ ಮಾಡಿಕೊಂಡಿದ್ದರು. ಗ್ರಾಹಕರೆಲ್ಲಾ ಭಾನುವಾರವೇ ನಮಗೆ ರಜಾದಿನ, ಆ ದಿನ ಅಂಗಡಿ ತೆರೆದರೆ ಚೆನ್ನಾಗಿರುತ್ತದೆ ಎಂದು ಕೇಳಿಕೊಂಡರು. ಮಾಲೀಕರು ಜನರ ಕೋರಿಕೆಯನ್ನು ಸ್ವೀಕರಿಸಿ ಭಾನುವಾರ ಚರ್ಚ್‌ಗೆ ಹೋಗದೆ ಅಂಗಡಿಯನ್ನು ತೆರೆದರು. ಯಾವಾಗಲೂ ಜನರ ನೂಕುನುಗ್ಗಲು ಇರುತ್ತಿತ್ತು. ಮೊದಲಿಗೆ, ವ್ಯಾಪಾರವು ಚುರುಕಾಗಿತ್ತು. ಅಂತಿಮವಾಗಿ, ಜನರು ಸಾಲದ ಮೇಲೆ ಖರೀದಿಸಲು ಪ್ರಾರಂಭಿಸಿದರು. ವ್ಯಾಪಾರವು ನಷ್ಟವನ್ನುಂಟುಮಾಡಲು ಪ್ರಾರಂಭಿಸಿತು. ಅಂತಿಮವಾಗಿ, ಜನಸಂದಣಿ ಕಡಿಮೆಯಾಗಿ ಕೊನೆಗೆ ಅಂಗಡಿಯನ್ನೇ ಮುಚ್ಚಬೇಕಾದ ಪರಿಸ್ಥಿತಿ ಉಂಟಾಯಿತು.

 

ಇಂದು, ಅನೇಕ ಜನರು ಇತರರ ಮಾತನ್ನು ಕೇಳಿ ಲೌಕಿಕ ವಸ್ತುಗಳಿಗೆ ಮತ್ತು ಲೌಕಿಕ ಕಾರ್ಯಗಳಿಗೆ ಪ್ರಾಮುಖ್ಯತೆಯನ್ನು ನೀಡುತ್ತಾರೆ. ಆದರೆ ನಾವು ಬೈಬಲ್‌ನಲ್ಲಿ ನೋಡಿದಾಗ, ಮೊದಲು ದೇವರ ರಾಜ್ಯಕ್ಕಾಗಿಯೂ ನೀತಿಗಾಗಿಯೂ ತವಕಪಡಿರಿ. ಇವುಗಳ ಕೂಡ ಅವೆಲ್ಲವೂ ನಿಮಗೆ ದೊರಕುವವು ಎಂದು ಹೇಳಲ್ಪಟ್ಟಿದೆ. ದಾನಿಯೇಲನು, ರಾಜನನ್ನು ಹೊರತುಪಡಿಸಿ ಬೇರೆ ಯಾವುದೇ ದೇವರನ್ನು ಪೂಜಿಸಬಾರದು ಎಂಬ ಕಾನೂನು ಪ್ರಕಟವಾದರೂ ಸಹ, ಮೊದಲು ಪ್ರಾರ್ಥಿಸುತ್ತಿದ್ದ ಹಾಗೆಯೇ ಪ್ರಾರ್ಥಿಸುತ್ತಲೇ ಇದ್ದರು. ದಾನಿಯೇಲನು ಗುಲಾಮನಾಗಿ ತೆಗೆದುಕೊಂಡು ಬರಲ್ಪಟ್ಟ ದೇಶದಲ್ಲಿ, ಇಡೀ ದೇಶದ ಮೂವರು ಪ್ರಮುಖ ಆಡಳಿತಗಾರರಲ್ಲಿ ಒಬ್ಬರಾಗಿ ಹೆಚ್ಚಿಸಲ್ಪಟ್ಟರು. ಆ ದೇಶದಲ್ಲಿ ಕರ್ತನ ನಾಮವು ಮಹಿಮೆಹೊಂದಿತು. 

 

ಅದೇ ರೀತಿ, ನಾವು ನಮ್ಮ ಜೀವನದ ಮೊದಲ ಕೆಲವು ಗಂಟೆಗಳನ್ನು ಕರ್ತನ ಪಾದಗಳಲ್ಲಿ ಕಳೆಯುವಾಗ, ಕರ್ತನು ನಮ್ಮ ಜೀವನದಲ್ಲಿ ಮಹಿಮೆಹೊಂದುತ್ತಾರೆ. ಬೈಬಲ್ ಓದುವುದು, ಪ್ರಾರ್ಥನೆ ಮಾಡುವುದು, ದೇವಾಲಯದ ಕೆಲಸ ಮತ್ತು ಆತ್ಮಕ್ಕೆ ಪ್ರಯೋಜನಕಾರಿಯಾದ ವಿಷಯಗಳಂತಹ ಕರ್ತನ ವಿಷಯಗಳಿಗೆ ನಾವು ಪ್ರಾಮುಖ್ಯತೆಯನ್ನು ನೀಡಿದಾಗ, ಕರ್ತನು ನಮ್ಮ ಜೀವನದಲ್ಲಿ ಉನ್ನತಿಯನ್ನು ಆಜ್ಞಾಪಿಸಿ ಉತ್ತಮ ಕಾರ್ಯಗಳನ್ನು ನೋಡುವಂತೆ ಮಾಡುತ್ತಾರೆ.

 

ಪ್ರಿಯರೇ! ನಿಮ್ಮ ಜೀವನದಲ್ಲಿ ಆಶೀರ್ವಾದಗಳಿಲ್ಲದ ಪರಿಸ್ಥಿತಿ ಕಾಣಲ್ಪಡುತ್ತಿದೆಯಾ? ನಮ್ಮ ಮೊದಲ ಪ್ರೀತಿ ಮತ್ತು ಸಂಪೂರ್ಣ ಪ್ರೀತಿ ದೇವರ ಮೇಲೆ ಇರುವಾಗ, ಕರ್ತನಿಗೆ ಮೊದಲ ಸ್ಥಾನ ಎಂಬುದು ತಾನಾಗಿ ಬಂದುಬಿಡುತ್ತದೆ. ನಾವು ಅಂತಹ ಮೊದಲ ಸ್ಥಾನವನ್ನು ನೀಡಿದಾಗ, ದೇವರು ಖಂಡಿತವಾಗಿಯೂ ನಮ್ಮನ್ನು ಉನ್ನತೀಕರಿಸುತ್ತಾರೆ. ದಾನಿಯೇಲನ ಜೀವನದಲ್ಲಿ ಉನ್ನತಿಯನ್ನು ಆಜ್ಞಾಪಿಸಿದ ದೇವರು ನಮ್ಮ ಜೀವನದಲ್ಲಿಯೂ ಸಹ ಉನ್ನತಿಯನ್ನು ಆಜ್ಞಾಪಿಸಲು ಶಕ್ತರಾಗಿದ್ದಾರೆ. ಮೊದಲು ದೇವರ ರಾಜ್ಯವನ್ನು ಆತನ ನೀತಿಯನ್ನು ನಾವು ಮಾತ್ರ ಹುಡುಕದೆ, ನಮ್ಮ ಕುಟುಂಬ ಮತ್ತು ನಮ್ಮ ವಂಶಸ್ಥರೂ ಹಾಗೆ ಮಾಡುವಂತೆ ತರಬೇತಿ ನೀಡೋಣ.

- Sis. ಎಸ್ತೇರ್ ಸೆಲ್ವಿ

 

ಪ್ರಾರ್ಥನಾ ಅಂಶ:

ಮೆಗಾಫೋನ್‌ಗಳು ಮತ್ತು ಪ್ರೊಜೆಕ್ಟರ್‌ ಅನ್ನು ತೆಗೆದುಕೊಳ್ಳಲು ದೇವರು ಅಗತ್ಯಗಳನ್ನು ಪೂರೈಸುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482