By Village Missionary Movement

Monday, 29-Sep-2025

ಧೈನಂದಿನ ಧ್ಯಾನ(Kannada) – 29.09.2025

 

ಸಂತೈಸುವ ದೇವರು

 

"...ಸಕಲ ವಿಧವಾಗಿ ಸಂತೈಸುವಾತನೂ ಆಗಿರುವ ದೇವರಿಗೆ ಸ್ತೋತ್ರ." - 2 ಕೊರಿಂಥ. 1:3

 

ನನ್ನ ತಂದೆ ಜೂನ್ 21 ರಂದು ನಿಧನರಾದರು. ನಾನು ಇದನ್ನು ಸ್ವಲ್ಪವೂ ನಿರೀಕ್ಷಿಸಿರಲಿಲ್ಲ. ನಾನು ಅವರ ಏಕೈಕ ಮಗಳು. ನನಗೆ ಮೂವರು ಸಹೋದರರಿದ್ದಾರೆ. ನನ್ನ ತಂದೆಯ ಮರಣವನ್ನು ನಾನು ಒಪ್ಪಿಕೊಳ್ಳಲು ಸಾಧ್ಯವಾಗಲೇ ಇಲ್ಲ. ನಾನು ಒಂದು ವಾರ ಅಳುತ್ತಲೇ ಇದ್ದೆ. ನನಗೆ ಬೈಬಲ್ ಸರಿಯಾಗಿ ಓದಲು ಸಹ ಸಾಧ್ಯವಾಗಲಿಲ್ಲ. ಒಂದು ವಾರದ ನಂತರ, ನಾನು ನನ್ನ ಊರಿಗೆ ಹೋದೆ. ಮರುದಿನ ಬೆಳಿಗ್ಗೆ, ನನ್ನ ಬೆಳಗಿನ ಪ್ರಾರ್ಥನೆಯನ್ನು ಮುಗಿಸಿದ ನಂತರ, ನನ್ನ ಮನಸ್ಸು 21-6-2025 ರ ದಿನಾಂಕದ 'ಮೋಕ್ಷ ಪ್ರಯಾಣ' ಪುಸ್ತಕದ ವಾಕ್ಯವನ್ನು ನೋಡು ಎಂದು ಹೇಳಿತು. ನಾನು ಅದನ್ನು ತೆರೆದು ಓದಿದಾಗ, ಈ ಕೆಳಗಿನ ವಾಕ್ಯವು ಆ ದಿನದ ಧ್ಯಾನವಾಗಿತ್ತು. "ಯೇಸು ಅವನಿಗೆ--ಈ ದಿನವೇ ನೀನು ನನ್ನೊಂದಿಗೆ ಪರದೈಸಿನಲ್ಲಿರುವಿ ಎಂದು ನಾನು ನಿನಗೆ ನಿಜವಾಗಿ ಹೇಳುತ್ತೇನೆ ಅಂದನು."

 

ಈ ವಾಕ್ಯವನ್ನು ಓದಿದ ನಂತರ, ಒಂದು ದೊಡ್ಡ ಸಮಾಧಾನ, ಸಾಂತ್ವನ ನನ್ನ ಹೃದಯವನ್ನು ತುಂಬಿತು. ಆದರೆ ನನ್ನ ಪ್ರಾರ್ಥನೆಯ ಸಮಯದಲ್ಲಿ ನಾನು ಯಾವಾಗಲೂ ನನ್ನ ತಂದೆಗಾಗಿ ಅಳುತ್ತಿದ್ದೆ. ನಂತರ ಒಂದು ದಿನ ನನ್ನ ಪ್ರಾರ್ಥನೆಯ ಸಮಯದಲ್ಲಿ, "ದೇವರೇ, ನೀನು ನನಗೆ ಕೊಟ್ಟ ಮಾತಿನ ಪ್ರಕಾರ ಒಂದು ಚಿಹ್ನೆಯನ್ನು ತೋರಿಸು, ಮತ್ತು ನಂತರ ನಾನು ಎಂದಿಗೂ ಅಳುವುದಿಲ್ಲ" ಎಂದು ನಾನು ಕೇಳಿದೆ. ನಿಖರವಾಗಿ ಎರಡು ದಿನಗಳ ನಂತರ, ಮುಂಜಾನೆ, ನನಗೆ ಒಂದು ಕನಸು ಬಿತ್ತು. ಆ ಕನಸಿನಲ್ಲಿ, ನನ್ನ ತಂದೆ ಪ್ರಕಾಶಮಾನವಾಗಿ ಉತ್ತಮ ಬಟ್ಟೆಗಳನ್ನು ಧರಿಸಿರುವುದನ್ನು ನೋಡಿದೆ. ಆ ದಿನದಿಂದ, ನನ್ನ ದುಃಖವು ಕಣ್ಮರೆಯಾಯಿತು, ಮತ್ತು ನನಗೆ ಸಾಂತ್ವನ ಸಿಕ್ಕಿತು. ದೇವರಿಗೆ ಮಹಿಮೆ ಉಂಟಾಗಲಿ.

 

ಹೊಸ ಒಡಂಬಡಿಕೆಯಲ್ಲಿ, ನಮಗೆ ಅಪೊಸ್ತಲನಾದ ಪೌಲನ ಪರಿಚಯವಿದೆ. ಅವರು ಸೇವೆಯ ಹಾದಿಯಲ್ಲಿ ಅನೇಕ ವಿರೋಧಗಳು ಮತ್ತು ಸವಾಲುಗಳನ್ನು ಎದುರಿಸಿದರು. ಅನೇಕ ಕಷ್ಟಗಳು, ಹೋರಾಟಗಳು, ಒಂಟಿತನದ ಪರಿಸ್ಥಿತಿಗಳು ಮತ್ತು ಅಸಹನೀಯ ಸಮಯಗಳ ನಡುವೆಯೂ ದೇವರು ಪೌಲನಿಗೆ ಸಾಂತ್ವನವಾಗಿದ್ದರೆಂದು ಉಲ್ಲೇಖಿಸುತ್ತಾರೆ.

 

ನನಗೆ ಪ್ರಿಯವಾದವರೇ, ಇಂದು ಇದನ್ನು ಓದುತ್ತಿರುವವರು ನಿಮಗೆ ಪ್ರಿಯವಾದ ಯಾರನ್ನಾದರೂ ಕಳೆದುಕೊಂಡು ದುಃಖದಲ್ಲಿ ಇದ್ದೀರಾ? ಯಾವುದೋ ಒಂದು ಸಮಸ್ಯೆಯಲ್ಲಿ ಸಿಲುಕಿಕೊಂಡು ಸಾಂತ್ವನವಿಲ್ಲದೆ ಹೋರಾಡುತ್ತಿದ್ದೀರಾ? ಚಿಂತಿಸಬೇಡಿ. ಸಂತೈಸುವ ದೇವರು ಸಾಂತ್ವನಕಾರನಾಗಿ ನಿಮ್ಮೊಂದಿಗಿದ್ದಾರೆ. ಅವರು ನಿಮ್ಮ ನೋವು ಮತ್ತು ದುಃಖವನ್ನು ತಿಳಿದಿದ್ದಾರೆ. ನನ್ನನ್ನು ಸಾಂತ್ವನಗೊಳಿಸಿದ ದೇವರು ಖಂಡಿತವಾಗಿಯೂ ನಿಮ್ಮನ್ನು ಸಹ ಸಾಂತ್ವನಗೊಳಿಸುತ್ತಾರೆ. ನಮ್ಮ ಕರ್ತನಿಗೆ ಒಂದು ಹೆಸರಿದೆ. ಸಂತೈಸುವ ಕರ್ತನು ಎಂದು. ಸಂತೈಸುವ ಕರ್ತನೆಂದು, ತನ್ನನ್ನು ನಂಬುವ ಎಲ್ಲರಿಗೂ ಸಾಂತ್ವನ ನೀಡುವವರಾಗಿದ್ದಾರೆ. ಹಲ್ಲೇಲೂಯ!

- C. ಜಾಯ್ಸ್

 

ಪ್ರಾರ್ಥನಾ ಅಂಶ:

50,000 ಗ್ರಾಮಗಳಿಗೆ ಸುವಾರ್ತೆ ಎಂಬ ಯೋಜನೆಗಾಗಿ ಹಸ್ತಪ್ರತಿಗಳ ಮುದ್ರಣಕ್ಕಾಗಿ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482