By Village Missionary Movement

Monday, 08-Sep-2025

ಧೈನಂದಿನ ಧ್ಯಾನ(Kannada) – 08.09.2025

 

ಮುಟ್ಟಬೇಡಿ

 

" ...ನಿಮ್ಮನ್ನು ತಾಕುವವನು ಯೆಹೋವನ ಕಣ್ಣುಗುಡ್ಡನ್ನು ತಾಕುವವನಾಗಿದ್ದಾನೆ." - ಜೆಕರ್ಯ 2:8

 

ಕರ್ತನು ನಮ್ಮ ಬಗ್ಗೆ ತುಂಬಾ ಕಾಳಜಿ ವಹಿಸುತ್ತಾರೆ. ನಾವು ಕರ್ತನೊಂದಿಗೆ ನಡೆಯುತ್ತಿದ್ದರೆ, ಶತ್ರುವಿನ ಯಾವುದೇ ಶಕ್ತಿಯು ನಮ್ಮನ್ನು ಮುಟ್ಟಲು ಸಾಧ್ಯವಿಲ್ಲ. ಯೇಸುಕ್ರಿಸ್ತನ ರಕ್ತದಿಂದ ತೊಳೆಯಲ್ಪಟ್ಟು, ನಿಜವಾಗಿಯೂ ದೇವರೊಂದಿಗೆ ನಡೆಯುವ ಮಕ್ಕಳು ಯಾವಾಗಲೂ ಪರಲೋಕದ ಸಂರಕ್ಷಣೆಯಲ್ಲಿದ್ದೇವೆ. ಮತ್ತು ಕರ್ತನ ಅಪ್ಪುಗೆಯಲ್ಲಿ, ಪರಿಶುದ್ಧ ದೂತರ ಸಂರಕ್ಷಣೆಯಲ್ಲಿದ್ದೇವೆ. 

 

ಅಬ್ರಹಾಮನ ಹೆಂಡತಿ ಸಾರಳನ್ನು ಮುಟ್ಟಲು ಬಯಸಿದ ರಾಜನನ್ನು ಕರ್ತನು ಎಚ್ಚರಿಸುತ್ತಾರೆ. "ನಾನು ಅವಳನ್ನು ಮುಟ್ಟಲು ಬಿಡುವುದಿಲ್ಲ" ಎಂದು ಹೇಳಿದರು" (ಆದಿ. 20:6). ಅದೇ ರೀತಿ, ಯಾಕೋಬನಿಗೆ ಹಾನಿ ಮಾಡಲು ಬಯಸಿದ ಲಾಬಾನನಿಗೆ ಕರ್ತನು ಎಚ್ಚರಿಸುತ್ತಾರೆ. "ನಿಮಗೆ ಕೇಡುಮಾಡುವದಕ್ಕೆ ನನ್ನಲ್ಲಿ ಸಾಮರ್ಥ್ಯವುಂಟು; ಆದರೆ ಹೋದ ರಾತ್ರಿಯಲ್ಲಿ ನಿಮ್ಮ ತಂದೆಯ ದೇವರು - ಯಾಕೋಬನಿಗೆ ಏನೂ ಅನ್ನಬೇಡ ನೋಡಿಕೋ ಎಂದು ನನಗೆ ಎಚ್ಚರಿಸಿದರು. (ಆದಿ. 31:29) ಎಂದು ಲಾಬಾನನ ಬಳಿ ಹೇಳಿದರು. ರೂತಳ ಪುಸ್ತಕದಲ್ಲಿ ಬೋವಜನು, ಅನ್ಯದೇಶದ ಮಹಿಳೆಯಾಗಿದ್ದರೂ, ತನ್ನ ಹೊಲದಲ್ಲಿ ಹಕ್ಕಲಾಯಲು ಬಂದ ಬಡ ಮಹಿಳೆಯಾಗಿದ್ದರೂ ಸಹ ಅವಳನ್ನು ಮುಟ್ಟಲು ಯಾರಿಗೂ ಸ್ಥಳಕೊಡಲಿಲ್ಲ. “ನಿನ್ನನ್ನು ಯಾರೂ ಮುಟ್ಟಬಾರದೆಂದು ನನ್ನ ಸೇವಕರಿಗೆ ಅಪ್ಪಣೆಕೊಟ್ಟಿದ್ದೇನೆ" (ರೂತಳು 2:9). ಒಂದು ಇಂಗ್ಲಿಷ್ ಅನುವಾದವು ಹೀಗೆ ಹೇಳುತ್ತದೆ, “ಯಾರೂ ನಿಮ್ಮನ್ನು ಮುಟ್ಟಬಾರದು ಎಂದು ನಾನು ಈಗಾಗಲೇ ಯುವಕರಿಗೆ ಆಜ್ಞಾಪಿಸಿದ್ದೇನೆ” ಎಂದು. 

 

ದೇವರ ಮಕ್ಕಳಾಗಿ, ನಾವೆಲ್ಲರೂ ಆತನ ಕೈಯಲ್ಲಿದ್ದೇವೆ. ಕರ್ತನು ನಮ್ಮನ್ನು ತುಂಬಾ ಪ್ರೀತಿಸುತ್ತಾರೆ. ಅದಕ್ಕಾಗಿಯೇ ಯೋಹಾನ 3:16 ಹೇಳುತ್ತದೆ, ಆತನು ನಮ್ಮನ್ನು ಎಷ್ಟು ಪ್ರೀತಿಸಿದನೆಂದರೆ ಆತನು ತನ್ನ ಒಬ್ಬನೇ ಮಗನನ್ನು ನಮಗಾಗಿ ಕೊಟ್ಟನು, “ನಮ್ಮಲ್ಲಿ ಯಾರೂ ನಾಶವಾಗುವುದು ಆತನ ಚಿತ್ತವಲ್ಲ, ಆದರೆ ನಾವೆಲ್ಲರೂ ಆತನೊಂದಿಗೆ ಪರಲೋಕ ರಾಜ್ಯದಲ್ಲಿ ಶಾಶ್ವತ ಜೀವನವನ್ನು ಹೊಂದುವುದು ಆತನ ಚಿತ್ತವಾಗಿದೆ.” “ನನ್ನ ಅಭಿಷಿಕ್ತರನ್ನು ಮುಟ್ಟಬೇಡಿ, ಮತ್ತು ನನ್ನ ಪ್ರವಾದಿಗಳಿಗೆ ಯಾವುದೇ ಹಾನಿ ಮಾಡಬೇಡಿ” ಎಂದು ಹೇಳಿದರು. (ಕೀರ್ತನೆ 105:15). ನಾವು ಸಹ ಕರ್ತನಾದ ಯೇಸುವಿಗೆ ಸೇರಿದವರು. ಆದ್ದರಿಂದ, ಯಾರೂ ನಮ್ಮನ್ನು ಮುಟ್ಟಬಾರದು ಎಂದು ಆಜ್ಞಾಪಿಸಿದ್ದಾರೆ. ದೇವರು ನಮ್ಮ ವಿರುದ್ಧ ರೂಪುಗೊಂಡ ಯಾವುದೇ ಆಯುಧವನ್ನು ನಿಷ್ಪ್ರಯೋಜಕವಾಗಿಸಲು ಶಕ್ತನಾಗಿದ್ದಾನೆ. ಆತನು ನಮ್ಮನ್ನು ತನ್ನ ಕಣ್ಣಿನ ಗುಡ್ಡೆಯಂತೆ ರಕ್ಷಿಸುತ್ತಾರೆ ಮತ್ತು ನಮ್ಮನ್ನು ತನ್ನ ಕೈಯಲ್ಲಿ ಮರೆಮಾಡುತ್ತಾರೆ. ಆದ್ದರಿಂದ, ಯಾವುದರ ಬಗ್ಗೆಯೂ ಚಿಂತಿಸಬೇಡಿ. ದೇವರು ನಮ್ಮ ರಕ್ಷಕನಾಗಿರುವಾಗ ನಾವು ವ್ಯರ್ಥವಾಗಿ ಚಿಂತಿಸುವುದೇಕೆ? 

- Rev. ಎಲಿಜಬೆತ್

 

ಪ್ರಾರ್ಥನಾ ಅಂಶ:

50,000 ಹಳ್ಳಿಗಳಿಗೆ ಸುವಾರ್ತೆಯನ್ನು ಸಾರಲು ದೇವರು ನಮ್ಮ ಸೇವಕರನ್ನು ಪ್ರಬಲವಾಗಿ ಉಪಯೋಗಿಸುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482