By Village Missionary Movement

Saturday, 06-Sep-2025

దిన ధ్యానము(Telugu) 06.09.2025

 

అంశం: శిష్యుడువా? లేక క్రైస్తవు డివా?

 

"మరియు ఎవడైనను తన సిలువను మోసికొని నన్ను వెంబడింపనియెడల వాడు నా శిష్యుడు కానేరడు" - లూకా 14:27

 

కేవలం క్రైస్తవ పేరును కలిగి ఉండటం మరియు రోజువారీ జీవితంలో క్రీస్తును అనుసరించకపోవడం వల్ల ఒకరు నిజంగా క్రైస్తవులు కాలేరు. అదే విధంగా, క్రీస్తును ఒకరి వ్యక్తిగత రక్షకునిగా అంగీకరించడం మాత్రమే సరిపోదు; క్రీస్తు తన శిష్యులుగా జీవించమని ఆజ్ఞాపించాడు. అందుకే తన శిష్యుడిగా ఉండడం అంటే ఏమిటో తనను అనుసరించిన వారికి యేసయ్య స్వయంగా వివరించారు. ఎవరైతే తన వద్దకు వచ్చి, తన తండ్రిని, తల్లిని, భార్యను, పిల్లలు, సోదరులు, సోదరీమణులను మరియు తన స్వంత జీవితాన్ని కూడా ద్వేషించకపోతే (అంటే రెండవ స్థానం ఇవ్వకపోతే), అలాంటి వ్యక్తి తన శిష్యుడు కాలేడని యేసు స్పష్టంగా చెప్పారు. అంతేకాదు, తన సిలువను మోసుకొని తనను వెంబడించనివాడు తన శిష్యుడు కాలేడని కూడా చెప్పారు. మనం ఇతరులను ద్వేషించాలని కాదు, అందరికంటే దేవునికి మొదటి స్థానం ఇవ్వాలి. క్రైస్తవ జీవితం సమస్యలు లేని జీవితం కాదు. సమస్యల ద్వారా మనలను నడిపించే ప్రభువు మనకు ఉన్నాడు.

 

యేసు శిష్యుడైన యోహాను సువార్తలో, "లోకంలో నీకు శ్రమ ఉంటుంది, అయితే ధైర్యంగా ఉండు, నేను ప్రపంచాన్ని జయించాను" అని చెప్పాడు. ఆయన ప్రతిరోజూ ఇచ్చే సిలువను మనం ఎత్తుకుని ఆయనను అనుసరించాలి. మనము ఆయనతో బాధలను సహించినట్లయితే, ఆయన మనలను సిలువ మార్గంలో నడిపిస్తాడు, తద్వారా మనం కూడా ఆయనల జీవించవచ్చు. సేవకుడు తన యజమాని కంటే గొప్పవాడు కాదు, కానీ యజమాని ఇష్టాన్ని తెలుసుకొని దానిని చేసేవాడు మంచి సేవకుడిగా పరిగణించబడతాడు. అంతేకాదు, నాగలిపై చేయి వేసి వెనక్కి తిరిగి చూసేవాడెవడూ దేవుని రాజ్యానికి తగడు అని కూడా యేసయ్య చెప్పారు.

 

కాబట్టి, మనల్ని మనం పరిశీలించుకుందాం. మనం నామమాత్రపు క్రైస్తవులమా? లేక శిష్యులమా? ఆయన మనలను తన శిష్యులుగా ఉండమని పిలిచాడు మరియు ఆయన మనలను వేరుపరిచి ఉంచారు. మనం యేసయ్య కంటే ఎక్కువగా దేనినీ ప్రేమించకూడదు. యేసు ఈ లోకం నుండి వెళ్ళడానికి ముందు, ఆయన తన శిష్యులతో ఇలా అన్నారు: కాబట్టి మీరు వెళ్లి, సమస్త జనులను శిష్యులనుగా చేయుడి; తండ్రియొక్కయు కుమారునియొక్కయు పరిశుద్ధాత్మయొక్కయు నామములోనికి వారికి బాప్తిస్మమిచ్చుచు నేను మీకు ఏ యే సంగతులను ఆజ్ఞాపించితినో వాటినన్నిటిని గైకొన వలెనని వారికి బోధించుడి. ఇదిగో నేను యుగసమాప్తి వరకు సదాకాలము మీతో కూడ ఉన్నానని వారితో చెప్పెను.కాబట్టి మనం కూడా శిష్యులుగా జీవించి ఇతరులను శిష్యులనుగా చేద్దాం! ఆమెన్.

- శ్రీమతి భువన ధనపాలన్ గారు

 

ప్రార్థన అంశం:- 

మేల్కొలుపు యూత్ క్యాంప్ ద్వారా యేసు ప్రేమలోకి వచ్చిన వారు సమీపంలోని చర్చికి వెళ్లి వారి విశ్వాసాలలో స్థిరంగా నిలబడాలని ప్రార్థిద్దాం.

 

*Whatsapp*

ఈ దిన ధ్యాన సందశమును తమిళ్, ఇంగ్లీష్ , హిందీ, మలయాళం, తెలుగు, కన్నడ, పంజాబీ మరియు ఒరియా బాషలలో వాట్సాప్ త్వరా పొందుటకు *+91 94440 11864* అనే నెంబర్ ను సంబ్రదించగలరు.

 

www.vmm.org.in

ఈమెయిల్: info@vmm.org.in

Android App: https://play.google.com/store/apps/details?id=com.infobells.vmmorgin

 

విలేజ్ మిషనరీ మూమెంట్, విరుదునగర్, ఇండియా- 626001

ప్రార్ధనా అవసరాల కోసం: +91 94424 93250