By Village Missionary Movement

Wednesday, 30-Jul-2025

ಧೈನಂದಿನ ಧ್ಯಾನ(Kannada) – 30.07.2025

 

ಸರ್ವಶಕ್ತನಾದ ಕರ್ತನು

 

"ಕಷ್ಟಕಾಲದಲ್ಲಿ ನನಗೆ ಮೊರೆಯಿಡಿರಿ; ಬಿಡಿಸುವೆನು;..." - ಕೀರ್ತನೆ 50:15

 

ಫೆಬ್ರವರಿ 25, 2017 ರಂದು ನನ್ನ ದೇವಾಧಿ ದೇವರನ್ನು ತಿಳಿದುಕೊಂಡು ನಾನು ರಕ್ಷಣೆ ಹೊಂದಿದೆ. ಆ ದಿನ, 14 ವರ್ಷ ವಯಸ್ಸಿನ ನನ್ನ ಮಗ, ಅಧ್ಯಯನದಲ್ಲಿ ಆಸಕ್ತಿ ಇಲ್ಲದ ಕಾರಣ ಮನೆಯಿಂದ ಓಡಿಹೋಗಿ ಮುಂಜಾನೆ ತನ್ನ ಸ್ನೇಹಿತರೊಂದಿಗೆ ದ್ವಿಚಕ್ರ ವಾಹನದಲ್ಲಿ ಹೋಗುತ್ತಿದ್ದಾಗ, ಎದುರಿನಿಂದ ಬರುತ್ತಿದ್ದ ವಾಹನಕ್ಕೆ ಡಿಕ್ಕಿ ಹೊಡೆದು ದೊಡ್ಡ ಅಪಘಾತಕ್ಕೀಡಾದನು. ಅವನನ್ನು ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಯಿತು. ನಮ್ಮ ಮನೆಗೆ ಮಾಹಿತಿ ಕೊಟ್ಟರು. ನಾನು ಅಲ್ಲಿಗೆ ಹೋದಾಗ, ವೈದ್ಯರು ನಿಮ್ಮ ಮಗ ಸತ್ತುಹೋದ, ಕರೆದುಕೊಂಡು ಹೋಗಿ ಎಂದು ಹೇಳಿದರು. ನಾನು ಅದಕ್ಕೆ ಒಪ್ಪದೆ ಹೇಗಾದರೂ ನನ್ನ ಮಗನನ್ನು ಉಳಿಸಿ ಎಂದು ವೈದ್ಯರ ಬಳಿ ಬೇಡಿಕೊಂಡೆ. ಅವರು ನಿಮಗೆ ಒಂದು ಕೊನೆಯ ಅವಕಾಶ. ಸ್ಕ್ಯಾನ್ ಮಾಡಿ ನೋಡೋಣ ಎಂದರು. ಕಣ್ಣೀರಿನಿಂದ ಇದ್ದ ನನಗೆ ವೈದ್ಯರೇ ಸ್ವತಃ ಹಣ ಸಹಾಯ ಮಾಡಿದರು. ಸ್ಕ್ಯಾನ್ ಫಲಿತಾಂಶವು ಸ್ವಲ್ಪ ಜೀವವಿದೆ ಎಂದು ತೋರಿಸಿದಾಗ, ವೈದ್ಯರು ಮತ್ತೆ ಪ್ರಯತ್ನಿಸುವುದಾಗಿ ಹೇಳಿದರು. ನಂತರ ನಾನು ಸುಮಾರು ಮೂರು ವರ್ಷಗಳ ಹಿಂದೆ ಕಂಡ ಕನಸನ್ನು ನೆನಪಿಸಿಕೊಂಡೆ. ಅದರಲ್ಲಿ, ನಾವು ಕುಟುಂಬವಾಗಿ ನಡೆದುಕೊಂಡು ಹೋಗುತ್ತಿದ್ದಾಗ, ಇದ್ದಕ್ಕಿದ್ದಂತೆ ಒಂದು ವಿಪತ್ತು ಬಂದು ನಮ್ಮನ್ನು ಆವರಿಸಿತು ಮತ್ತು ನಾವು ಸಾಯುವ ಹಂತದಲ್ಲಿದ್ದೆವು. ನಂತರ ನಾನು ಕಣ್ಣು ಮುಚ್ಚಿ, ತಲೆಗೆ ಬಟ್ಟೆ ಕಟ್ಟಿಕೊಂಡು, ಬಲಗೈಯನ್ನು ಆಕಾಶದ ಕಡೆಗೆ ಎತ್ತಿ, "ಕರ್ತನೇ, ಎಂದು ಪ್ರಾರ್ಥಿಸಿದೆ" ಆಗ ಅವರ ಕೈ ನನ್ನ ಕೈಯನ್ನು ಹಿಡಿದಿತು. ನಾನು ಕಣ್ಣು ತೆರೆದಾಗ, ಅದು ಸಮಾಧಾನದ ಸ್ಥಳವಾಗಿತ್ತು. ನಾನು ಕನಸು ಕಂಡ ದಿನ, ನಾನು ಒಂದು ವಿಗ್ರಹ ದೇವಾಲಯಕ್ಕೆ ನನ್ನ ಗೌರವವನ್ನು ಸಲ್ಲಿಸಿದ್ದೆ. ಆದ್ದರಿಂದ ನಾನು ಇದರ ಬಗ್ಗೆ ಯಾರಿಗೂ ಹೇಳಲಿಲ್ಲ.

 

ಈ ಕನಸನ್ನು ನೆನಪಿಸಿಕೊಂಡ ತಕ್ಷಣ, ನಾನು ಆಸ್ಪತ್ರೆಯಲ್ಲಿ ಸ್ನಾನಗೃಹದ ಬಾಗಿಲು ಮುಚ್ಚಿ, ಮಂಡಿಯೂರಿ, ನನ್ನ ತಲೆಯ ಮೇಲೆ ಬಟ್ಟೆ ಹಾಕಿಕೊಂಡು, ನನ್ನ ಬಲಗೈಯನ್ನು ಆಕಾಶದ ಕಡೆಗೆ ಎತ್ತಿ, "ಕರ್ತನೇ, ಎಂದು ಗಟ್ಟಿಯಾಗಿ ಪ್ರಾರ್ಥಿಸಿದೆ". ನಂತರ ನಾನು ನನ್ನ ಮಗನ ಬಳಿಗೆ ಬಂದಾಗ, ಅವನು ಸ್ವತಃ ಎಚ್ಚರಗೊಂಡು ರಕ್ತವನ್ನು ವಾಂತಿ ಮಾಡಿದನು. ಸುತ್ತಲೂ ನಿಂತಿದ್ದ ವೈದ್ಯರು ಆಶ್ಚರ್ಯಚಕಿತರಾದರು. ನಂತರ ನನ್ನ ಹತ್ತಿರದಲ್ಲಿದ್ದ ಸಹೋದರಿಯ ಅಮ್ಮ, "ನೀವು ಯಾವ ದೇವರನ್ನು ಕರೆದಿರಿ, ಅವರನ್ನು ಇನ್ನೂ ಹೆಚ್ಚಾಗಿ ಆರಾಧಿಸಿರಿ ಎಂದು ಹೇಳುವ ಮೂಲಕ ನನ್ನನ್ನು ಪ್ರೋತ್ಸಾಹಿಸಿದರು. ನಾನು ಹೆಚ್ಚು ಪ್ರಾರ್ಥಿಸಿದೆ. ನನ್ನ ಮಗ ಮತ್ತೆ ಎಚ್ಚರವಾಗಿ ರಕ್ತ ವಾಂತಿ ಮಾಡಿದನು. ನನ್ನ ದೇವರು ಅತ್ಯುತ್ತಮ ವೈದ್ಯ ಎಂದು ನಾನು ಕಂಡುಕೊಂಡೆ. ಕೆಲವು ದಿನಗಳಲ್ಲಿ, ನಾನು ನನ್ನ ಮಗನನ್ನು ಪರಿಪೂರ್ಣ ಆರೋಗ್ಯದೊಂದಿಗೆ ಮನೆಗೆ ಕರೆತಂದೆ. ನಮ್ಮ ದೇವರಾದ ಕರ್ತನು ಅದ್ಭುತಗಳನ್ನು ಮಾಡುವಾತನು . ಆತನು ಇಂದೂ ಸಹ ನಿಮ್ಮ ಜೀವನದಲ್ಲಿ ಊಹಿಸಲಾಗದ ಕಾರ್ಯಗಳನ್ನು ಮಾಡಲು ಸಮರ್ಥರಾಗಿದ್ದಾರೆ. ಪರಿಸ್ಥಿತಿ ಏನೇ ಇರಲಿ, ಎಲ್ಲಾ ಜನರು ಕೈಬಿಟ್ಟಿದ್ದರೂ ಸಹ, ಭರವಸೆಯನ್ನು ಬಿಟ್ಟುಬಿಡಬೇಡಿ. ಕರ್ತನು ದೊಡ್ಡ ಕಾರ್ಯಗಳನ್ನು ಮಾಡುತ್ತಾರೆ.

- B. ಮಲ್ಲಿಕಾ (ಎ) ಸಾರಾಳ್

 

ಪ್ರಾರ್ಥನಾ ಅಂಶ:

ಯೌವನಸ್ಥರ ಶಿಬಿರಕ್ಕಾಗಿ ನಮ್ಮೊಂದಿಗೆ ಸೇರಿ ಕೆಲಸ ಮಾಡುವ ಸ್ವಯಂಸೇವಕರು ಎದ್ದೇಳುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482