By Village Missionary Movement

Friday, 25-Jul-2025

దిన ధ్యానము(Telugu) 25.07.2025

 

అంశం: ఎప్పటికీ విడిచిపెట్టని ప్రభువు

 

"నా తలిదండ్రులు నన్ను విడిచినను యెహోవా నన్ను చేరదీయును" - కీర్తనలు 27:10

 

నా పేరు మరియమ్మాళ్. ఆడపిల్లలుగా పుట్టడం వల్ల నా చెల్లిని, నన్ను మా తల్లిదండ్రులు వదిలేశారు. కొద్దిమంది బంధువుల సహాయంతో మేము మా రోజులు జీవించాము. మా యవ్వనంలో క్రూరత్వం మరియు పేదరికం వంటి అనేక కష్టాలను మేము చిన్న వయస్సులోనే ఎదుర్కొన్నాము. దేవుని కృప వల్ల విలేజ్ మిషనరీ మూవ్‌మెంట్ నుండి ఒక మిషనరీ సోదరుడు మా గ్రామానికి వచ్చాడు. అప్పుడే మా ఊరిలో దేవుణ్ణి గూర్చి పరిచయం ఏర్పడింది. మేము కూడా యేసును తెలుసుకున్నాము.

 

ఆ మిషనరీ బ్రదర్ ద్వారా విలేజ్ మిషనరీ మూవ్ మెంట్ కి వచ్చి డేవిడ్ గణేశన్ ని కలిశాము. అతనే మా బాధ్యత తీసుకున్నాడు. మమ్ములను తన సొంత బిడ్డల్లా కాపాడి, చదువు చెప్పించి, మా అవసరాలన్నీ తీర్చి, ఆప్యాయంగా పెంచాడు. నేను చిన్నతనంలో ప్రైమరీ కాంప్లెక్స్ వ్యాధితో బాధపడుతున్నాను మరియు తినడానికి కూడా వీలులేదు. అందరూ నా కోసం నిరంతరం ప్రార్థించారు. దేవుని దయవల్ల నాకు సంపూర్ణ స్వస్థత లభించింది. అతని గాయముల ద్వారా నేను స్వస్థత పొందాను (యెషయా 53:5). నేను పాఠశాల పూర్తి చేసిన తర్వాత, నేను రాక్‌ల్యాండ్ బైబిల్ కళాశాలలో రెండు సంవత్సరాలు చదువుకున్నాను మరియు గత ఆరు సంవత్సరాలుగా నేను గ్రామాలకు వెళ్లి పిల్లలు మరియు యువత మధ్యలో పరిచర్య చేస్తున్నాను. డేవిడ్ డాడీ మరియు జెబా మమ్మీ నా వివాహానికి నాయకత్వం వహించారు. వందలాది మంది క్రీస్తు విశ్వాసులు ఒక్కచోట చేరారు, మా పెళ్లి అద్భుతంగా జరిగింది. ప్రభువు నాకు ఆశీర్వాదకరమైన వైవాహిక జీవితాన్ని మరియు నన్ను ప్రేమించే కుటుంబాన్ని ఇచ్చాడు. నేను మరియు నా భర్త మైలాడుతురైలో కుటుంబ సమేతంగా దేవుని సేవ చేస్తున్నాము. అతనికి సమస్త ఘనత, ప్రభావములు కలుగును గాక!

 

నా సాక్ష్యాన్ని చదువుతున్న ప్రియమైన సోదర సోదరీమణులారా! మీరు కూడా నాలాగే వదిలేసే స్థితిలో ఉన్నారా? మీ తల్లిదండ్రులు మరియు బంధువులు మిమ్మల్ని మరచిపోయారా? నిరుత్సాహపడకండి. ప్రభువు నిన్ను మరచిపోలేదు. ఆయన మనలను అనాథలుగా విడిచిపెట్టడు. మీ భవిష్యత్తును ఆయనకు అప్పగించండి. అతను మిమ్మల్ని అద్భుతంగా చూడటమే కాకుండా ఇతరులకు ఆశీర్వాదంగా మారుస్తాడు. ఆమెన్.

- శ్రీమతి. మరియమ్మాళ్ గుణశీలన్ గారు

 

ప్రార్థన అంశం: - 

తమిళనాడు నలుమూలల నుండి 1 లక్షా 20 వేల మంది యవ్వనస్తులు , యవ్వనస్తుల మేల్కొలుపు శిబిరంలో పాల్గొనాలని ప్రార్థించండి.

 

*Whatsapp*

ఈ దిన ధ్యాన సందశమును తమిళ్, ఇంగ్లీష్ , హిందీ, మలయాళం, తెలుగు, కన్నడ, పంజాబీ మరియు ఒరియా బాషలలో వాట్సాప్ త్వరా పొందుటకు *+91 94440 11864* అనే నెంబర్ ను సంబ్రదించగలరు.

 

www.vmm.org.in

ఈమెయిల్: info@vmm.org.in

Android App: https://play.google.com/store/apps/details?id=com.infobells.vmmorgin

 

విలేజ్ మిషనరీ మూమెంట్, విరుదునగర్, ఇండియా- 626001

ప్రార్ధనా అవసరాల కోసం: +91 94424 93250