By Village Missionary Movement

Monday, 07-Jul-2025

ಧೈನಂದಿನ ಧ್ಯಾನ(Kannada) – 07.07.2025

 

ಆಲೋಚನಾ ಕರ್ತನು

 

"...ಬಲಕ್ಕಾಗಲಿ ಎಡಕ್ಕಾಗಲಿ ತಿರುಗಿಕೊಳ್ಳುವಾಗ ಇದೇ ಮಾರ್ಗ, ಇದರಲ್ಲೇ ನಡೆಯಿರಿ ಎಂದು ನಿಮ್ಮ ಹಿಂದೆ ಆಡುವ ಮಾತು ನಿಮ್ಮ ಕಿವಿಗೆ ಬೀಳುವದು." - ಯೆಶಾಯ 30:21

 

ಕ್ರಿಸ್ತನಲ್ಲಿ ಪ್ರಿಯರೇ, ನಿಮಗೆ ನನ್ನ ಹೃತ್ಪೂರ್ವಕ ಶುಭಾಶಯಗಳನ್ನು ತಿಳಿಸುತ್ತೇನೆ. ನಾವು ಕರ್ತನ ಹತ್ತಿರ ಬಂದಾಗ, ದೇವರು ಸಣ್ಣ ವಿಷಯವಾಗಲಿ ಅಥವಾ ದೊಡ್ಡ ವಿಷಯವಾಗಲಿ ಪ್ರತಿಯೊಂದು ವಿಷಯದಲ್ಲೂ ನಮಗೆ ಮಾರ್ಗದರ್ಶನ ನೀಡಲು ಶಕ್ತರಾಗಿದ್ದಾರೆ. ನನ್ನ ಕುಟುಂಬದಲ್ಲಿ ದೇವರು ಮಾಡಿದ ಒಂದು ಅದ್ಭುತವನ್ನು ನಿಮ್ಮೊಂದಿಗೆ ಹಂಚಿಕೊಳ್ಳಲು ಬಯಸುತ್ತೇನೆ.

 

ನನ್ನ ಮಗ ತನ್ನ MBA ಮುಗಿಸಿ ಕೆಲಸಕ್ಕಾಗಿ ಕಾಯುತ್ತಿದ್ದಾಗ, ಅವನು ಅನೇಕ ಕಂಪನಿಗಳಲ್ಲಿ ಸಂದರ್ಶನಗಳಿಗೆ ಹೋದನು. ಅವನು ಎಲ್ಲದರಲ್ಲಿಯೂ ಆಯ್ಕೆಯಾದನು. ಆದ್ದರಿಂದ ಯಾವ ಕಂಪನಿಗೆ ಸೇರಬೇಕೆಂಬ ಬಗ್ಗೆ ನಮ್ಮಲ್ಲಿ ಗೊಂದಲವಿತ್ತು. ಕೊನೆಗೆ, ಅವನು ಒಂದು ಕಂಪನಿಯನ್ನು ಆರಿಸಿಕೊಂಡು ಹೋಗಲು ನಿರ್ಧರಿಸಿದನು. ಆದರೆ ನನ್ನೊಳಗೆ ಒಂದು ಗೊಂದಲವಿತ್ತು, ಇದು ದೇವರ ಚಿತ್ತವೇನಾ? ಎಂದು. ಆ ರಾತ್ರಿ ನಾನು ಇದರ ಬಗ್ಗೆ ಪ್ರಾರ್ಥಿಸಿ ನಿದ್ರಿಸಿದೆ. ನನ್ನ ಕನಸಿನಲ್ಲಿ, ನಾನು ನನ್ನ ಹಳೆಯ ಸ್ನೇಹಿತೆಯನ್ನು ನೋಡಿದೆ, ಮತ್ತು ಅವಳ ಕುತ್ತಿಗೆಗೆ ಒಂದು ಗುರುತಿನ ಚೀಟಿ ಇತ್ತು ಮತ್ತು ಅದರ ಮೇಲೆ ಒಂದು ಕಂಪನಿಯ ಹೆಸರನ್ನು ಬರೆಯಲಾಗಿತ್ತು.

 

ನಂತರ ನಾನು ನನ್ನ ಮಗನಿಗೆ ಅದರ ಬಗ್ಗೆ ಹೇಳಿದೆ. ನಂತರ ಅವನು ತಾನು ಆಯ್ಕೆ ಮಾಡಿದ ಕಂಪನಿಗಳಲ್ಲಿ ಇದು ಒಂದು ಎಂದು ಹೇಳಿದನು. ಅದೇ ದಿನ, ನನಗೆ ಅಲ್ಲಿಂದ ಕರೆ ಬಂತು. ಆದ್ದರಿಂದ ನಾವು ದೇವರು ಕನಸಿನಲ್ಲಿ ನಮಗೆ ತೋರಿಸಿದ ಕಂಪನಿಯನ್ನು ಆರಿಸಿಕೊಂಡೆವು. ನಾವು ತನಿಖೆ ಮಾಡಿದಾಗ, ಎಲ್ಲಾ ಕಂಪನಿಗಳಿಗಿಂತ ಅಲ್ಲಿ ಸಂಬಳ ಮತ್ತು ಪ್ರಮೋಷನ್ ಉತ್ತಮವಾಗಿದೆ ಎಂದು ತಿಳಿದುಬಂತು.

 

ಇದನ್ನು ಓದುತ್ತಿರುವ ನೀವು ಸಹ ಬಹಳ ದಿನಗಳಿಂದ ಯಾವುದೋ ಒಂದು ಒಳ್ಳೆಯ ವಿಷಯಕ್ಕಾಗಿ ಕಾಯುತ್ತಿರಬಹುದು, ಅಥವಾ ಸರಿಯಾದ ನಿರ್ಧಾರ ತೆಗೆದುಕೊಳ್ಳುವ ಬಗ್ಗೆ ನೀವು ಗೊಂದಲಕ್ಕೊಳಗಾಗಿರಬಹುದು. ಯಾವ ಕಾರ್ಯವಾಗಿದ್ದರೂ ದೇವರ ಬಳಿ ವಿಚಾರಿಸುವಾಗ, ನಾವು ದೇವರ ಆತ್ಮದಿಂದ ಸ್ಪಷ್ಟವಾಗಿ ಮುನ್ನಡೆಸಲ್ಪಡಬಹುದು. ಒಬ್ಬೊಬ್ಬರೊಂದಿಗೆ ಒಂದೊಂದು ರೀತಿಯಲ್ಲಿ ದೇವರು ಮಾತನಾಡುತ್ತಾರೆ. ದೇವರು ಕನಸುಗಳು, ದರ್ಶನಗಳು, ಸಂದೇಶಗಳ ಮೂಲಕ ಮತ್ತು ಎಲ್ಲಕ್ಕಿಂತ ಹೆಚ್ಚಾಗಿ ಬೈಬಲ್ ಮೂಲಕ ನಮ್ಮೊಂದಿಗೆ ಸ್ಪಷ್ಟವಾಗಿ ಮಾತನಾಡುತ್ತಾರೆ. ನಾವು ಮಾಡಬೇಕಾಗಿರುವುದು ಆತನ ಚಿತ್ತಕ್ಕೆ ಒಪ್ಪಿಸಿಕೊಡುವುದು ಮತ್ತು ಆತನ ಮೇಲೆ ಸಂಪೂರ್ಣವಾಗಿ ಅವಲಂಬಿತರಾಗುವುದು. ಆಗ ನಮ್ಮನ್ನು ಮುನ್ನಡೆಸಲು, ನಮ್ಮ ಜೀವನವನ್ನು ಉನ್ನತೀಕರಿಸಲು, ನಮಗೆ ಆಲೋಚನೆ ನೀಡಲು ನಮ್ಮ ದೇವರು ಶಕ್ತರಾಗಿದ್ದಾರೆ. ದೇವರಿಗೆ ಮಹಿಮೆ ಉಂಟಾಗಲಿ! ಆಮೆನ್.

- Mrs. ದಿವ್ಯಾ ಅಲೆಕ್ಸ್

 

ಪ್ರಾರ್ಥನಾ ಅಂಶ:

ಹಸಿದವರಿಗೆ ಆಹಾರ ನೀಡುವ ಯೋಜನೆಯ ಮೂಲಕ ಭೇಟಿಯಾದವರು ಯೇಸುವಿನ ಪ್ರೀತಿಯೊಳಗೆ ಬರುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482