By Village Missionary Movement

Sunday, 01-Jun-2025

దిన ధ్యానము(Telugu) 01.06.2025 (Kids Special)

 

ప్రత్యేకముగా చిన్న పిల్లల కొరకు

 

అంశం: ప్రయత్నించండి

 

"నన్ను పట్టుకొనవలెనని వారు నిర్నిమిత్తముగా గుంటలో తమ వల నొడ్డిరి నా ప్రాణము తీయవలెనని నిర్నిమిత్తముగా గుంట త్రవ్విరి” - కీర్తనలు 35:7

 

ఒక రాజుకు రెండు చిలుకలను బహుమతిగా ఇచ్చారు. రాజు తన శిక్షకులకు ఎగరడానికి మరియు మాట్లాడటానికి శిక్షణ ఇవ్వమని చెప్పాడు. చిలుక ఒకటి బాగా ఎగరడమే కాకుండా కొన్ని మాటలు మాట్లాడటం ప్రారంభించింది. పిల్లలు మీరు కూడా చిలుకను పెంచారా? మీరు ఇలా అనవచ్చు, "ఒక చిలుక మీరు చెప్పేది చెబుతుంది." మనం ఏం చెప్పినా అది మన మాట వింటుంది, మళ్లీ మళ్లీ చెప్పడం చూస్తే చాలా సంతోషం! నేను కూడా చిన్నప్పుడు మా ఇంట్లో చిలుకను పెంచుకున్నాను. మరో చిలుకకు ఏమైంది అని మీరు ఆలోచిస్తున్నారా? అది అస్సలు మాట్లాడలేదు. అది చెట్టు కొమ్మ మీద కూర్చుని ఎగరలేదు.

 

రాజు గొప్ప శిక్షకులతో దానికి శిక్షణ ఇప్పించాడు. ఉపయోగం లేకపోయింది. అది విన్న ఒక రైతు చిలుకను ఎగరవేస్తానని రాజుతో చెప్పాడు. మరుసటి రోజు ఉదయం, రాజు నిద్రలేచి చూసేసరికి, చిలుక చెట్టు చుట్టూ ఎగురుతూ ఉంది. రాజు ఆనందంతో ఆశ్చర్యపోయాడు. ఈ అద్భుతం ఎలా చేశావని అడిగితే, "చాలా తేలికైంది రాజా.. చెట్టు ఎక్కి ఏం చేశానో తెలుసా? ఎగరలేని చిలుక కూర్చున్న కొమ్మను నరికాను. పడిపోతుందని తెలియగానే దిగొచ్చి ఎగరడం మొదలు పెట్టింది" అని వినయంగా చెప్పాడు రైతు. రాజు రైతు పనిని మెచ్చుకున్నాడు, అతనికి బహుమతి ఇచ్చి అతని రాజభవనంలో కాపలాదారునిగా నియమించాడు.

 

నా ప్రియమైన చిన్నారులు! ఇలా చాలాసార్లు ఆ ఎగరలేని చిలుకలాగా దేవుడు మనకు ఇచ్చిన ప్రతిభను గుర్తించలేక ఒకే చోట కూర్చుంటాం, “నేను చేయలేను, భయపడుతున్నాను” అని మనం ఎలాంటి ప్రయత్నం చేయకుండా ఉంటాం. పట్టు వదలకుండా ముందుకు సాగితే తప్పకుండా విజయ ఫలాలు అందుతాయి పిల్లలు. యేసును నమ్మండి, మీ ప్రతిభను కనుగొని వాటిని ఉపయోగించుకోండి. దేవుడు కార్యాలు జరిగేలా చేస్తారు. ఆమెన్.

- శ్రీమతి. జీవా విజయ్ గారు

 

*Whatsapp*

ఈ దిన ధ్యాన సందశమును తమిళ్, ఇంగ్లీష్ , హిందీ, మలయాళం, తెలుగు, కన్నడ, పంజాబీ మరియు ఒరియా బాషలలో వాట్సాప్ త్వరా పొందుటకు *+91 94440 11864* అనే నెంబర్ ను సంబ్రదించగలరు.

 

www.vmm.org.in

ఈమెయిల్: info@vmm.org.in

Android App: https://play.google.com/store/apps/details?id=com.infobells.vmmorgin

 

విలేజ్ మిషనరీ మూమెంట్, విరుదునగర్, ఇండియా- 626001

ప్రార్ధనా అవసరాల కోసం: +91 94424 93250