By Village Missionary Movement

Saturday, 31-May-2025

ಧೈನಂದಿನ ಧ್ಯಾನ(Kannada) – 31.05.2025

 

ಮೊದಲಿನ ಪ್ರೀತಿಗೆ ಹಿಂತಿರುಗು

 

"ಆದದರಿಂದ ನೀನು ಎಲ್ಲಿಂದ ಬಿದ್ದಿದ್ದೀಯೋ ಅದನ್ನು ನಿನ್ನ ನೆನಪಿಗೆ ತಂದುಕೊಂಡು ದೇವರ ಕಡೆಗೆ ತಿರುಗಿಕೋ. ನೀನು ಮೊದಲು ಮಾಡುತ್ತಿದ್ದ ಕೃತ್ಯಗಳನ್ನು ಮಾಡು...." - ಪ್ರಕಟಣೆ. 2:5

 

ಒಂದು ದಿನ, ವಿಲ್ಬರ್ ಚಾಪ್‌ಮನ್ "ಪ್ರಾರ್ಥನಾ ಹೈಡ್" ಅವರನ್ನು ತನಗಾಗಿ ಪ್ರಾರ್ಥಿಸಲು ಕೇಳಿಕೊಂಡರು. ಅದರಂತೆ, ಇಬ್ಬರೂ ಒಂದು ಕೋಣೆಗೆ ಹೋಗಿ ಮಂಡಿಯೂರಿದರು. ಹೈಡ್ ಒಂದು ಮಾತನ್ನೂ ಹೇಳದೆ ಐದು ನಿಮಿಷಗಳ ಕಾಲ ಮೊಣಕಾಲುಗಳ ಮೇಲೆಯೇ ಇದ್ದರು. ವಿಲ್ಬರ್ ಚಾಪ್‌ಮನ್‌ನ ಹೃದಯ ವೇಗವಾಗಿ ಬಡಿಯಲು ಪ್ರಾರಂಭಿಸಿತು, ಬೆವರು ಸುರಿಯಿತು. ಆದರೆ ಇವರಿಗೆ ದೇವರೊಂದಿಗಿದ್ದೇನೆ ಎಂಬ ಭಾವನೆ ಉಂಟಾಯಿತು. ಅವರ ಕಣ್ಣುಗಳಿಂದ ಕಣ್ಣೀರು ಸುರಿಯುತ್ತಲೇ ಇತ್ತು. ಹೈಡ್‌ ರವರ ಕಣ್ಣುಗಳಿಂದಲೂ ಕಣ್ಣೀರು ಸುರಿಯಿತು. ಸ್ವಲ್ಪ ಸಮಯದ ನಂತರ, ಹೈಡ್, "ದೇವನೇ" ಎಂದರು, ಮತ್ತೆ ಮೌನ. ಸ್ವಲ್ಪ ಸಮಯದ ನಂತರ, ಇಬ್ಬರೂ ತಮ್ಮ ಮೊಣಕಾಲುಗಳಿಂದ ಎದ್ದರು. ವಿಲ್ಬರ್ ಚಾಪ್‌ಮನ್ ಎದ್ದ ತಕ್ಷಣ, ತನ್ನೊಳಗೆ ದೇವರ ಶಕ್ತಿಯನ್ನು ಗ್ರಹಿಸಿದರು. ದೇವರ ಪ್ರಸನ್ನತೆಯೇ ಇವರ ಕಣ್ಣುಗಳಲ್ಲಿ ಕಣ್ಣೀರನ್ನು ಮತ್ತು ಹೃದಯದಲ್ಲಿ ಬದಲಾವಣೆಯನ್ನು ತಂದಿತು.

 

2007 ನೇ ವರ್ಷದಲ್ಲಿ, ನಾನು ಚೆನ್ನೈನಲ್ಲಿ ನಡೆದ ಶಿಬಿರದಲ್ಲಿ ಭಾಗವಹಿಸಿದ್ದೆ, ಅಲ್ಲಿ ಸುಮಾರು 3,000 ಜನರು ಭಾಗವಹಿಸಿದ್ದರು. ದೇವರ ಸೇವಕರು ವೇದಿಕೆಯ ಮೇಲೆ ಬರುವಾಗಲೇ, ದೇವರ ಪ್ರಸನ್ನತೆ ನಮ್ಮನ್ನು ತುಂಬುತ್ತಿರುವುದನ್ನು ಗ್ರಹಿಸಿದೆವು. ಮೈಕ್ ಹಿಡಿದು "ಪ್ರಾರ್ಥಿಸೋಣವಾ?" ಎಂದು ಹೇಳಿದರು. ಅಷ್ಟೇ, ದೇವರ ಪ್ರೀತಿ ಮತ್ತು ಪ್ರಸನ್ನತೆ ಎಲ್ಲರನ್ನೂ ಆವರಿಸಿತು. ಅವರಿಗೆ ಪ್ರಾರ್ಥಿಸಲು ಸಾಧ್ಯವಾಗಲಿಲ್ಲ. ಅವರ ಕಣ್ಣುಗಳಲ್ಲಿ ಕಣ್ಣೀರು, ಹಾತೊರೆಯುತ್ತಾ ನಿಟ್ಟುಸಿರು ಬಿಟ್ಟರು. ಇಡೀ ಸಭಾಂಗಣ ಮೌನವಾಗಿತ್ತು. ಕಣ್ಣೀರಿನೊಂದಿಗೇ, ಮಧ್ಯಂತರಗಳಲ್ಲಿ ಅನ್ಯಭಾಷೆಗಳಿಂದ ಮಾತನಾಡಿದರು. ಮತ್ತೆ ಮೌನ, 5, 10, 15 ನಿಮಿಷಗಳು ಕಳೆದವು. ಇದ್ದಕ್ಕಿದ್ದಂತೆ, ಜನಸಮೂಹದಲ್ಲಿ ಇಲ್ಲಿ ಮತ್ತು ಅಲ್ಲಿ ಕೂಗುಗಳು, ನರಳುವಿಕೆಗಳು, ಉದ್ಗಾರಗಳು ಮತ್ತು ಹಾತೊರೆಯುವ ನಿಟ್ಟುಸಿರುಗಳು ಕೇಳಿಬಂದವು. ಆತ್ಮವು ಜನರ ಮೇಲೆ ಶಕ್ತಿಯುತವಾಗಿ ಇಳಿಯಿತು. ಅನೇಕರು ಶಿಲುಬೆಯ ದೃಶ್ಯವನ್ನು ನೋಡಿದರು, ದೇವರ ಪ್ರೀತಿಯಿಂದ ಆವರಿಸಲ್ಪಟ್ಟು, ತಮ್ಮ ಪಾಪಗಳನ್ನು ಒಪ್ಪಿಕೊಂಡರು ಮತ್ತು ಅಳಲು ಪ್ರಾರಂಭಿಸಿದರು. ಸ್ವಲ್ಪ ಸಮಯದ ನಂತರ, ನೆರೆದಿದ್ದ ನಾವೆಲ್ಲರೂ ಮನ ಮುರಿಯುವ ಹಾಗೆ ಅತ್ತು ಪುನಃ ನಮ್ಮನ್ನು ದೇವರ ಪ್ರೀತಿಯ ಕಡೆಗೆ ತಿರುಗಿಸುವಂತೆ, ನಮ್ಮ ಹೃದಯವನ್ನು ಸರಿಮಾಡುವಂತೆ ದೇವರ ಬಳಿ ಸಂಪೂರ್ಣವಾಗಿ ನಮ್ಮನ್ನು ಒಪ್ಪಿಸಿಕೊಟ್ಟೆವು. ಈ ಕೊನೆಯ ದಿನಗಳಲ್ಲಿ ದೇವರು ನಮ್ಮಿಂದ ಪುನಃ ಇಂತಹ ಸಮರ್ಪಣೆಯನ್ನು ನಿರೀಕ್ಷಿಸುತ್ತಿದ್ದಾರೆ.

 

ಇದನ್ನು ಓದುತ್ತಿರುವ ಪ್ರಿಯರೇ! ದೇವರು ನಮ್ಮ ಬಗ್ಗೆ ಹೇಳುವ ಕಾರ್ಯಗಳನ್ನು ಕೇಳಿ. ಅಂದರೆ, ನೀನು ಅನೇಕ ಸೇವೆಗಳು ಮತ್ತು ಕೆಲಸಗಳನ್ನು ಮಾಡಿದರೂ, “ಮೊದಲು ನಿನಗಿದ್ದ ಪ್ರೀತಿಯನ್ನು ನೀನು ಬಿಟ್ಟುಬಿಟ್ಟಿದ್ದೀಯೆಂದು ನಾನು ನಿನ್ನ ಮೇಲೆ ತಪ್ಪುಹೊರಿಸಬೇಕಾಗುತ್ತದೆ" (ಪ್ರಕ. 2:4) ಎಂದು ಹೇಳುತ್ತಿದ್ದಾರೆ. ನಾವು ಎಷ್ಟೇ ಸೇವೆ ಮಾಡಿದರೂ, ಪ್ರತಿದಿನ ದೇವರ ಸಾನಿಧ್ಯಕ್ಕೆ ಆಸೆ ಮತ್ತು ಉತ್ಸಾಹದಿಂದ ಓಡಿಬಂದು ಆತನೊಂದಿಗೆ ಮಾತನಾಡಬೇಕೆಂದು ಮತ್ತು ಆತನೊಂದಿಗಿರುವ ವೈಯಕ್ತಿಕ ಸಂಬಂಧವನ್ನು ಅಧಿಕವಾಗಿಸಬೇಕೆಂದು ದೇವರು ನಮ್ಮ ಬಳಿ ನಿರೀಕ್ಷಿಸುತ್ತಿದ್ದಾರೆ. ಗಂಟೆಗಟ್ಟಲೆ ವೈಯಕ್ತಿಕ ಪ್ರಾರ್ಥನೆ, ಬೈಬಲ್ ಓದುವಿಕೆ, ಧ್ಯಾನ ಮತ್ತು ವಾಕ್ಯದ ಪ್ರಕಾರ ಬದುಕುವುದು ಇವುಗಳಲ್ಲಿ ನಮಗೆ ಕೊರತೆಯಿದ್ದರೆ, ಇಂದೇ ನಾವು ಅದನ್ನು ದೇವರಿಗೆ ಒಪ್ಪಿಸಿಕೊಟ್ಟು ಅದನ್ನು ಸರಿಪಡಿಸೋಣ!

- Mrs. ಪ್ರಿಸ್ಕಿಲ್ಲಾ ಥಿಯೋಫಿಲಸ್

 

ಪ್ರಾರ್ಥನಾ ಅಂಶ:

VBS ಸೇವೆಯ ಮೂಲಕ, ನಾವು ಭೇಟಿಯಾಗುವ ಮಕ್ಕಳ ಹೆಸರುಗಳು ಜೀವ ಪುಸ್ತಕದಲ್ಲಿ ಬರೆಯಲ್ಪಡುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482