By Village Missionary Movement

Tuesday, 20-May-2025

ಧೈನಂದಿನ ಧ್ಯಾನ(Kannada) – 20.05.2025

 

ಹೊತ್ತೊಯ್ಯುವ ತಂದೆ

 

"ತಂದೆ ಮಗನನ್ನು ಹೊತ್ತು ಕೊಳ್ಳುವ ಪ್ರಕಾರ...." - ಧರ್ಮೋಪದೇಶಕಾಂಡ 1:31

 

ರಾಜುವಿಗೆ ತನ್ನ ಮಗಳ ಮೇಲೆ ಅಪಾರ ಪ್ರೀತಿ ಇತ್ತು. ಕಾರಣ, ಮಗಳು ಹುಟ್ಟಿದ ನಂತರ ಅವರ ಹೆಂಡತಿ ತೀರಿಕೊಂಡದ್ದರಿಂದ! ಹಾಗಾಗಿ ರಾಜು ಕೆಲಸಕ್ಕೆ ಹೋಗುವಾಗ ತನ್ನ ಮಗಳನ್ನು ಜೊತೆಯಲ್ಲೇ ಕರೆದುಕೊಂಡು ಹೋಗುತ್ತಿದ್ದರು. ಮಗುವಿಗೆ ಅನ್ನ ನೀಡುವುದರಿಂದ ಹಿಡಿದು ಆರೈಕೆ ಮಾಡುವವರೆಗೆ ರಾಜು ಎಲ್ಲದರಲ್ಲೂ ಹೆಚ್ಚಿನ ಕಾಳಜಿ ವಹಿಸಿದರು. ಅವಳು ಶಾಲಾ ವಯಸ್ಸಿಗೆ ಹತ್ತಿರವಾದ ತಕ್ಷಣ ಅವಳನ್ನು ಶಾಲೆಗೆ ಸೇರಿಸಿದರು. ಅನಿರೀಕ್ಷಿತವಾಗಿ, ಒಂದು ದಿನ, ಶಾಲೆಯಿಂದ ಹಿಂತಿರುಗುತ್ತಿದ್ದಾಗ, ನಡೆದ ಅಪಘಾತದಲ್ಲಿ ತನ್ನ ಮಗಳ ಕಾಲಿಗೆ ಪೆಟ್ಟಾಯಿತು. ಅದನ್ನು ನೋಡಿ ತಂದೆಗೆ ಆಘಾತವಾಯಿತು. ಎಲ್ಲಾ ವೈದ್ಯಕೀಯ ಚಿಕಿತ್ಸೆ ನೀಡಿದರೂ, ಮಗುವಿಗೆ ನಡೆಯಲು ಸಾಧ್ಯವಾಗಲಿಲ್ಲ. ಆದರೆ, ತಂದೆ ತನ್ನ ಮಾನಸಿಕ ನೋವನ್ನು ತನ್ನಲ್ಲೇ ಇಟ್ಟುಕೊಂಡು ಪ್ರತಿದಿನ ವೈದ್ಯರನ್ನು ಭೇಟಿ ಮಾಡಿ ಸಲಹೆ ಪಡೆಯುತ್ತಿದ್ದರು. ಅವರು ಮಗಳನ್ನು ಎಲ್ಲೆಡೆ ಹೊತ್ತುಕೊಂಡು ಹೋಗುತ್ತಿದ್ದರು. ಎಲ್ಲಕ್ಕಿಂತ ಹೆಚ್ಚಾಗಿ, ಅವರು ಯಾವಾಗಲೂ ತಮ್ಮ ಮಗಳನ್ನು ಸಂತೋಷವಾಗಿರಿಸುತ್ತಿದ್ದರು.

 

ಸತ್ಯವೇದದಲ್ಲಿ ಈ ತಂದೆಯಂತೆಯೇ, ದೇವರು ಇಸ್ರಾಯೇಲ್ ಜನರನ್ನು ಹೊತ್ತುಕೊಂಡು ಹೋದರು. ಇಸ್ರಾಯೇಲ್ ಜನರನ್ನು ಐಗುಪ್ತದ ಗುಲಾಮಗಿರಿಯಿಂದ ಬಿಡಿಸಿದರು. ಆತನು ಅವರಿಗಾಗಿ ಒಬ್ಬ ನಾಯಕನನ್ನು ನೇಮಿಸಿದರು, ಮೋಶೆಯು ಅವರನ್ನು ಅರಣ್ಯದ ಮೂಲಕ ಮುನ್ನಡೆಸಿದರು. ಅವರಿಗೆ ಆಹಾರ, ಬಟ್ಟೆ ಮತ್ತು ವಸತಿ ಯಾವುದರ ಕೊರತೆಯೂ ಇರಲಿಲ್ಲ. ಆದಾಗ್ಯೂ, ಆ ಜನರು ತಮ್ಮನ್ನು ಹೊತ್ತುಕೊಂಡು ಬಂದ ತಂದೆಯಾದ ಕರ್ತನನ್ನು ಆಗಾಗ್ಗೆ ಪರೀಕ್ಷಿಸುತ್ತಿದ್ದರು. ತಂದೆಗೆ ವಿಧೇಯರಾಗುವುದನ್ನು ನಿರಾಕರಿಸಿದರು. ತಂದೆ ಹೊತ್ತುಕೊಂಡು ಬಂದದ್ದನ್ನು ನಂಬದೆ ಮರೆತುಹೋದದ್ದರಿಂದ, ಪರಲೋಕದ ಒಳಿತಾದ ಕಾನಾನ್‌ ಅನ್ನು ನೋಡಲು ಸಾಧ್ಯವಾಗದೆ ಹೋಯಿತು.

 

ನನಗೆ ಪ್ರಿಯರಾದವರೇ, ನಮ್ಮ ತಂದೆಯು ತಾಯಿಯ ಗರ್ಭದಿಂದಲೇ ನಮ್ಮನ್ನು ಆರಿಸಿಕೊಂಡು ಸದಾಕಾಲವು ನಮ್ಮನ್ನು ಹೊರುವವರು. ನಮ್ಮನ್ನು ಹೊರುವ ದೇವರನ್ನು ನಾವು ಆಗಾಗ್ಗೆ ಮರೆತುಬಿಡುತ್ತೇವೆ. ಆದರೆ ರಾತ್ರಿ , ಹಗಲು ನಿದ್ರಿಸದೆ ನಮ್ಮನ್ನು ಕಾಯುತ್ತಾ, ಯಾವಾಗಲೂ ನಮ್ಮನ್ನು ಮರೆಯದ ದೇವರಾಗಿ ನಮ್ಮ ನೆನಪಲ್ಲೇ ಇದ್ದಾರೆ. ಇಂತಹ ದೇವರನ್ನು ನಾವು ಗಾಯಪಡಿಸದೆ, ಕೃತಜ್ಞರಾಗಿರಬೇಕು. ನಮ್ಮನ್ನು ಹೊತ್ತೊಯ್ಯುವ ವಿಧಾನವನ್ನು ಎಂದಿಗೂ ಮರೆಯದೆ, ನಮ್ಮನ್ನು ಹೊತ್ತುಕೊಂಡು ಮಾರ್ಗದರ್ಶನ ನೀಡುತ್ತಿರುವ ತಂದೆಗೆ ನಾವು ಯಾವಾಗಲೂ ನಂಬಿಗಸ್ತರಾಗಿ ಇರೋಣ.

- Sis. ಸಿಂಧು 

 

ಪ್ರಾರ್ಥನಾ ಅಂಶ:

VBS ತೆಗೆದುಕೊಳ್ಳಲು ಹೋಗುವ ಸೇವಕರ ಪ್ರಯಾಣದ ಸುರಕ್ಷತೆಗಾಗಿ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482