By Village Missionary Movement

Thursday, 01-May-2025

ಧೈನಂದಿನ ಧ್ಯಾನ(Kannada) – 01.05.2025

 

ಇಗೋ ಯೌವನ...

 

“ಈಗ ನಿನ್ನ ಯೌವನದ ದಿನಗಳಲ್ಲಿ ಸೃಷ್ಟಿಕರ್ತ ನನ್ನು ಸ್ಮರಿಸಿಕೋ..." - ಪ್ರಸಂಗಿ 12:1

 

ಯೌವನ ಎಂಬುದು ಸಂಪೂರ್ಣವಾಗಿ, ಸಂತೋಷದ ಕಾಲ. ದೇಹವು ಬಲಿಷ್ಠ, ಸುಂದರ ಮತ್ತು ಕ್ರಿಯಾಶೀಲವಾಗುವ ಋತು ಇದು. ಭಾರತವು ವಿಶ್ವದಲ್ಲೇ ಅತಿ ಹೆಚ್ಚು ಯುವ ಜನಸಂಖ್ಯೆಯನ್ನು ಹೊಂದಿರುವ ದೇಶವಾಗಿದೆ. ದೇವರ ವಾಕ್ಯವು ಯುವಜನರಿಗೆ ಯಾವ ಸಲಹೆಯನ್ನು ನೀಡುತ್ತಿದೆ ಎಂದು ನಿಮಗೆ ಗೊತ್ತಾ? ನಮ್ಮ ಯೌವನದಲ್ಲಿ, ನಾವು ಯಾವಾಗಲೂ ನಮ್ಮ ಸೃಷ್ಟಿಕರ್ತನನ್ನು ನೆನಪಿಸಿಕೊಳ್ಳಬೇಕು! ಕಾರಣವೇನೆಂದರೆ, ನಮ್ಮ ನೆನಪುಗಳು ಎಂದಿಗೂ ಸಂಭವಿಸದ ವಿಷಯಗಳನ್ನು ಕಲ್ಪಿಸಿಕೊಂಡು ರೆಕ್ಕೆಗಳನ್ನು ಹಿಡಿದು ಹಾರುವ ಸಾಮರ್ಥ್ಯವನ್ನು ಹೊಂದಿದೆ. ಆದ್ದರಿಂದ, ನೀವು ದೇವರನ್ನು ಸ್ಮರಿಸಿದರೆ, ನೀವು ಅನೇಕ ತಪ್ಪುಗಳಿಂದ ರಕ್ಷಿಸಲ್ಪಡುತ್ತೀರಿ ಎಂದು ಸಲಹೆ ಹೇಳುತ್ತಿದೆ.

 

"ಯೌವನಸ್ಥನೇ, ನಿನ್ನ ಯೌವನದಲ್ಲಿ ಸಂತೋಷಪಡು. ನಿನ್ನ ಯೌವನದ ದಿನಗಳಲ್ಲಿ ನಿನ್ನ ಹೃದಯವು ನಿನ್ನನ್ನು ಆನಂದಪಡಿಸಲಿ; ನೀನು ನಿನ್ನ ಹೃದಯದ ಮಾರ್ಗಗಳಲ್ಲಿಯೂ ನಿನ್ನ ಕಣ್ಣುಗಳ ನೋಟ ದಲ್ಲಿಯೂ ನಡೆ; ಆ ಎಲ್ಲಾ ಸಂಗತಿಗಳಿಗಾಗಿ ದೇವರು ನಿನ್ನನ್ನು ನ್ಯಾಯತೀರ್ಪಿಗೆ ತರುವನೆಂದು ತಿಳಿದುಕೋ." (ಪ್ರಸಂಗಿ 11:9)

 

ಪ್ರಿಯ ಮಕ್ಕಳೇ! ನಾವು ಹೇಗೆ ಬೇಕಾದರೂ ಬದುಕಲು ಕರೆಯಲ್ಪಟ್ಟಿಲ್ಲ. ನಾವು ದೇವರ ಮಕ್ಕಳು, ಪ್ರತ್ಯೇಕಗೊಂಡವರು. ದೇವರು ನಮ್ಮ ಕ್ರಿಯೆಗಳನ್ನು ಗಮನಿಸುತ್ತಾರೆ. ನಾವು ಒಂದು ದಿನ ಅವೆಲ್ಲವುಗಳಿಗೂ ಕರ್ತನಿಗೆ ಉತ್ತರ ಕೊಡಬೇಕಾಗುತ್ತದೆ ಎಂಬುದನ್ನು ನೆನಪಿನಲ್ಲಿಡಬೇಕು. ನಮ್ಮ ಹೃದಯದ ಪ್ರತಿಯೊಂದು ಆಲೋಚನೆ ಮತ್ತು ದೃಷ್ಟಿ ಕರ್ತನಿಗೆ ಮೆಚ್ಚಿಕೆಯಾಗಿದೆಯೇ? ಎಂದು ನಾವು ಯೋಚಿಸಬೇಕು. ನಮ್ಮ ಕೈಯಲ್ಲಿರುವ ಮೊಬೈಲ್ ಫೋನ್ ನಮ್ಮ ಸಮಯವನ್ನು ಹೇಗೆ ವ್ಯರ್ಥ ಮಾಡುತ್ತಿದೆ? ನೀವು ಅದನ್ನು ಸರಿಯಾದ ಕಾರಣಗಳಿಗಾಗಿ ಮಾತ್ರ ಹೊಂದಿರಬೇಕು, ನಿಜವಾಗಿಯೂ. ವಿರುದ್ಧ ಲಿಂಗದೊಂದಿಗಿನ ನಿಮ್ಮ ಸಂಭಾಷಣೆಗಳು ಸ್ನೇಹದ ಗಡಿಗಳನ್ನು ದಾಟಬಾರದು. "ಬಹು ಜಾಗ್ರತೆಯಿಂದ ನಿನ್ನ ಹೃದಯವನ್ನು ಕಾಪಾಡಿಕೋ; ಜೀವಧಾರೆಗಳು ಅದರೊಳಗಿಂದ ಹೊರಡುವವು." (ಜ್ಞಾನೋ. 4:23)

 

ಪ್ರಿಯರೇ, ದೇವರು ನಮಗೆ ನೀಡಿರುವ ದರ್ಶನವೆಂದರೆ ಮಕ್ಕಳು ಮತ್ತು ಯುವಕರನ್ನು ದೇವರಿಗಾಗಿ ಎಬ್ಬಿಸುವುದು! ಇವರುಗಳೇ ನಾಳಿನ ನಾಯಕರು, ಮಿಷನರಿಗಳು ಮತ್ತು ಬೋಧಕರು... ಆದ್ದರಿಂದ ಕಷ್ಟಪಟ್ಟು ಇವರಿಗಾಗಿ ಕೆಲಸ ಮಾಡುವುದು ಮತ್ತು ಸೇವೆ ಸಲ್ಲಿಸುವುದು ಬಹಳ ಮುಖ್ಯ. ಈ ವರ್ಷ, ನಾವು 6,000 ಹಳ್ಳಿಗಳಲ್ಲಿ ಅನೇಕ ಯುವ ಶಿಬಿರಗಳು ಮತ್ತು ವಿಬಿಎಸ್ ಸೇವೆಗಳನ್ನು ಪ್ರಾರ್ಥನಾಪೂರ್ವಕವಾಗಿ ಯೋಜಿಸುತ್ತಿದ್ದೇವೆ ಮತ್ತು ಕಾರ್ಯಗತಗೊಳಿಸುತ್ತಿದ್ದೇವೆ. ಅದರಂತೆ, ಇಂದು ತಿರುಮಂಗಲಂ ನಲ್ಲಿ ನಡೆಯುವ 20,000 ಯುವಕರು ಭಾಗವಹಿಸುವ ಉಪವಾಸ ಕೂಟದಲ್ಲಿ ಅನೇಕ ಯುವಕರು ಭಾಗವಹಿಸಿ ದೇವರಿಗಾಗಿ ವೈರಾಗ್ಯವುಳ್ಳ ಮಕ್ಕಳಾಗಿ ಎದ್ದೇಳುವಂತೆ, ಇಂದಿನ ಶಿಬಿರದಲ್ಲಿ ಭಾರತ ದೇಶದ ಉಜ್ಜೀವನಕ್ಕಾಗಿ ಆಯುಧಗಳು ರೂಪುಗೊಳ್ಳುವಂತೆ ಪ್ರಾರ್ಥಿಸಿರಿ. 

- Rev. ಎಲಿಜಬೆತ್

 

ಪ್ರಾರ್ಥನಾ ಅಂಶ:

ಯೌವನಸ್ಥರ ಉಪವಾಸ ಕೂಟದ ಪ್ರಾರಂಭದಿಂದ ಅಂತ್ಯದವರೆಗೂ ದೇವರ ಆಳ್ವಿಕೆ ಇರುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482