By Village Missionary Movement

Thursday, 17-Apr-2025

ಧೈನಂದಿನ ಧ್ಯಾನ(Kannada) – 17.04.2025

 

ಅವರು ಹೆಚ್ಚಲು

 

"ಆತನು ಹೆಚ್ಚಿಸಲ್ಪಡತಕ್ಕದ್ದು; ನಾನು ತಗ್ಗಿಸಲ್ಪಡತಕ್ಕದ್ದು" - ಯೋಹಾನ 3:30

 

ಯೇಸುಕ್ರಿಸ್ತನು ಶಿಲುಬೆಗೇರಿಸಲ್ಪಡುವ ಹಿಂದಿನ ದಿನ ತನ್ನ ಶಿಷ್ಯರೊಂದಿಗೆ ಭೋಜನ ಮಾಡುತ್ತಿರುವುದನ್ನು ಚಿತ್ರಿಸಿದ "ದಿ ಲಾಸ್ಟ್ ಸಪ್ಪರ್" ಎಂದು ಕರೆಯಲ್ಪಡುವ ವರ್ಣಚಿತ್ರವನ್ನು ಚಿತ್ರಿಸಿದ ಕಲಾವಿದ ಅದನ್ನು ಬಹಳ ಸುಂದರವಾಗಿ ಪೂರ್ಣಗೊಳಿಸಿ, ಆ ವರ್ಣಚಿತ್ರದ ಬಗ್ಗೆ ತನ್ನ ಸ್ನೇಹಿತರ ಅಭಿಪ್ರಾಯಗಳನ್ನು ಕೇಳಿದರು. ಅವರು ಆ ಸುಂದರವಾದ ಚಿತ್ರವನ್ನು ನೋಡಿ ಬಿಟ್ಟು, ಅದನ್ನು ಅಲಂಕರಿಸಿದ್ದ ಸುಂದರ ಬಣ್ಣಗಳಿಂದ ಕೂಡಿದ ದೀಪವನ್ನು ಹೊಗಳುತ್ತಾ, "ಎಂತಹ ಅದ್ಭುತ ದೀಪ" ಎಂದು ಹೇಳಿದರು. ಬೇರೆ ಚಿತ್ರಕಾರರಾಗಿದ್ದರೆ, ಹೊಗಳಿದ ತಕ್ಷಣ ಮೂರ್ಛೆ ಹೋಗುತ್ತಿದ್ದರು. ಆದರೆ, ಈ ವ್ಯಕ್ತಿ ತಕ್ಷಣ ಚಿತ್ರದಿಂದ ದೀಪವನ್ನು ತೆಗೆದುಬಿಟ್ಟರು. ಅವರ ಯೋಚನೆಯೆಲ್ಲಾ, ಎಲ್ಲರ ಗಮನವು ಯಜಮಾನನಾದ ಕ್ರಿಸ್ತನ ಮೇಲೆಯೇ ಇರಬೇಕು, ಬೇರೇನೂ ಗಮನ ಸೆಳೆಯಬಾರದು ಮತ್ತು ಅವರಿಗಿಂತ ಶ್ರೇಷ್ಠವಾಗಿರಬಾರದು ಎಂಬುದೇ. ಹಾಗಾಗಿ ಇಂದಿಗೂ, ಆ ಚಿತ್ರಕ್ಕೆ ಬೆಳಕೇ ಇಲ್ಲದಿರುವುದನ್ನು ನೀವು ನೋಡಬಹುದು.  

 

ಹೊಸ ಒಡಂಬಡಿಕೆಯಲ್ಲಿ ನಾವು ಸ್ನಾನಿಕನಾದ ಯೋಹಾನನ ಬಗ್ಗೆ ಓದುತ್ತೇವೆ. ಅವರು ಯಾವುದೇ ಅದ್ಭುತಗಳನ್ನು ಅಥವಾ ಸೂಚಕಕಾರ್ಯಗಳನ್ನು ಮಾಡಲಿಲ್ಲ. ಆದರೆ ಅವರು ಧೈರ್ಯದಿಂದ ಯೇಸು ಕ್ರಿಸ್ತನ ಬಗ್ಗೆ ಪ್ರಕಟಿಸಿದರು. ಅವರು ಎಂದಿಗೂ ತನ್ನನ್ನು ತಾನು ಬಹಿರಂಗಪಡಿಸಿಕೊಳ್ಳಲಿಲ್ಲ ಅಥವಾ ತನ್ನನ್ನು ತಾನು ಮುಂದಿಡಲಿಲ್ಲ. ತನ್ನ ಪ್ರಸಂಗದಲ್ಲಿ, ಬರಲಿರುವ ಮೆಸ್ಸೀಯನಾದ ಕ್ರಿಸ್ತನಿಗೆ ದಾರಿಯನ್ನು ಸಿದ್ಧಪಡಿಸುವವರಾಗಿಯೂ ಅರಣ್ಯದಲ್ಲಿ ಕೂಗುವ ಧ್ವನಿಯಾಗಿಯೂ ತನ್ನ ಜೀವನವನ್ನು ಕೊನೆಗೊಳಿಸಿದರು. ಹೌದು, ಕ್ರಿಸ್ತನೇ ನಮ್ಮ ಜೀವನದ ಕೇಂದ್ರವಾಗಿರಬೇಕು. 

 

ಪ್ರಿಯರೇ, ಇಂದಿಗೂ ಸಹ, ಅನೇಕ ಮಿಷನರಿಗಳು, ಸೇವಕರು, ಸುಶಿಕ್ಷಿತರು ಮತ್ತು ಉತ್ತಮ ಉದ್ಯೋಗದಲ್ಲಿರುವ ಜನರು ತಮ್ಮ ಅಧ್ಯಯನ, ಉದ್ಯೋಗಗಳು ಮತ್ತು ಉನ್ನತ ಹುದ್ದೆಗಳನ್ನು ತ್ಯಜಿಸಿ, ತಮ್ಮನ್ನು ದೇವರಿಗೆ ಅರ್ಪಿಸಿಕೊಂಡು, ತಮ್ಮ ಹೆಸರು ಅಥವಾ ಖ್ಯಾತಿ ಬೆಳಕಿಗೆ ಬಾರದೆ ಆತನಿಗಾಗಿ ಬದುಕುತ್ತಿದ್ದಾರೆ. ಅವರ ಬೆಳಕಿನಲ್ಲಿ ನಾವು ಸಹ ಇಂದಿನವರೆಗೂ ಸಂತೋಷಪಡುತ್ತಿದ್ದೇವೆ. ಹೌದು, ದೇವರ ಕಾರ್ಯದಲ್ಲಿ ಅವರು ಮಹಿಮೆ ಹೊಂದಬೇಕು ನಾವು ಮರೆಯಾಗಬೇಕು. ನಮ್ಮನ್ನು ನಾವು ಮರೆಮಾಡಿಕೊಂಡು ಎಲ್ಲಕ್ಕಿಂತ ಹೆಚ್ಚಾಗಿ ಆತನನ್ನು ಉನ್ನತೀಕರಿಸೋಣ! ನಾವು ಕ್ರಿಸ್ತನ ನಿಜವಾದ ಶಿಷ್ಯರಾಗಿ ಬದುಕೋಣ.

- Mrs. ಶಕ್ತಿ ಶಂಕರ್‌ರಾಜ್

 

ಪ್ರಾರ್ಥನಾ ಅಂಶ:

ವಿಬಿಎಸ್ ಸೇವೆಗಳಿಗಾಗಿ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482