By Village Missionary Movement

Thursday, 10-Apr-2025

ಧೈನಂದಿನ ಧ್ಯಾನ(Kannada) – 10.04.2025

 

ಕೋಪ

 

"...ಕೋಪಿಸುವದರಲ್ಲಿಯೂ ನಿಧಾನವಾಗಿರಲಿ;" - ಯಾಕೋಬ 1:19

 

ಮುತ್ತಮ್ಮಾಳ್ ಎಲ್ಲಾದಕ್ಕೂ ಕೋಪ ಮಾಡಿಕೊಳ್ಳುತ್ತಾ ಜೀವಿಸುತ್ತಿದ್ದರು. ತನ್ನ ಇಚ್ಛೆಗೆ ವಿರುದ್ಧವಾಗಿ ಏನಾದರೂ ನಡೆದರೆ, ಆ ಸಮಯದಲ್ಲಿ ಯಾರನ್ನು ನೋಡಿದರೂ, ಅವರ ಕೋಪವು ವ್ಯಕ್ತವಾಗುತ್ತಿತ್ತು. ಚಿಕ್ಕ ಮಕ್ಕಳು ಸಹ ಅವರ ಹತ್ತಿರ ತಪ್ಪಿಸಿಕೊಳ್ಳಲು ಸಾಧ್ಯವಿರಲಿಲ್ಲ? ಒಂದು ದಿನ, ಮುತ್ತಮ್ಮಾಳ್ ಅವರ ತಾಯಿ ಇವರನ್ನು ನೋಡಲು ಬರುತ್ತಿರುವುದಾಗಿ ಹೇಳಿದರು. ಆದರೆ ಅವರು ಸ್ವಲ್ಪ ತಡವಾಗಿ ಬಂದರು. ತನ್ನ ತಾಯಿಯ ಮೇಲಿನ ಕೋಪವನ್ನು ಸಹ ತಡೆದುಕೊಳ್ಳಲಿಲ್ಲವಂತೆ. ಮುತ್ತಮ್ಮಾಳ್ ಅವರ ಕೋಪವು ಒಂದು ದಿನ ಅವರನ್ನು ತುಂಬಾ ದುರ್ಬಲಗೊಳಿಸಿತು. ವೈದ್ಯರ ಬಳಿಗೆ ಕರೆದುಕೊಂಡು ಹೋದರು. ಡಾಕ್ಟರ್ ಹೇಳಿದರು, ನೀವು ಇಡೀ ದಿನ ಕೋಪಗೊಳ್ಳದಿದ್ದರೆ ಅಥವಾ ಯಾರೊಂದಿಗೂ ಮಾತನಾಡದಿದ್ದರೆ, ನಿಮ್ಮ ಆಯುಷ್ಯಕ್ಕೆ ಒಂದು ವರ್ಷ ಸೇರಿಸುತ್ತೀರಿ ಎಂದರು. ಮತ್ತು ನಿಮ್ಮ ಕಾಯಿಲೆಗೆ ಪರಿಹಾರವೇ ಶಾಂತವಾಗಿರುವುದು ಮತ್ತು ಕೋಪಗೊಳ್ಳದಿರುವುದು ಎಂದು ಹೇಳಿದರು. ಆ ದಿನದಿಂದ, ಮುತ್ತಮ್ಮಾಳ್ ಕ್ರಮೇಣ ತನ್ನ ಕೋಪವನ್ನು ಕಡಿಮೆ ಮಾಡಿಕೊಂಡು ದೇವರ ದಯೆಯಿಂದ ಅದನ್ನು ಬಿಟ್ಟುಬಿಟ್ಟರು. ಕೋಪಿಷ್ಟಳು ಎಂಬ ಬಿರುದು ಕೂಡ ಅವರನ್ನು ಬಿಟ್ಟು ಹೋಯಿತು. 

 

ಹಳೆಯ ಒಡಂಬಡಿಕೆಯಲ್ಲಿ ಮೋಶೆ ಎಂಬ ನಾಯಕನ ಬಗ್ಗೆ ನಮಗೆ ತಿಳಿದಿದೆ. ಇಸ್ರಾಯೇಲ್ ಜನರನ್ನು ಮುನ್ನಡೆಸಿದ ಈ ಮೋಶೆ ಯಾರು? ಈ ಮೋಶೆಯು ಭೂಮಿಯ ಮೇಲಿನ ಎಲ್ಲಾ ಮನುಷ್ಯರಿಗಿಂತ ಬಹಳ ದೀರ್ಘಶಾಂತನಾಗಿದ್ದರು. ಇಸ್ರಾಯೇಲ್ ಜನರು ಮೋಶೆಯನ್ನು ಈ ರೀತಿ ಕೋಪಗೊಳಿಸುವುದು ಸಾಮಾನ್ಯವಾಗಿತ್ತು. 

 

ಅರಣ್ಯದಲ್ಲಿ ದಾರಿ ನಡೆಸುವಾಗ ಅವರಿಗೆ ನೀರು ಇಲ್ಲದೆ ಹೋಯಿತು. ಆಗ ಮೋಶೆಯು ಕರ್ತನ ಬಳಿ ಕೇಳಿದಾಗ, ಆ ಬಂಡೆಯನ್ನು ನೋಡಿ ಮಾತನಾಡು. ಅದು ತನ್ನಲ್ಲಿರುವ ನೀರನ್ನು ಕೊಡುತ್ತದೆ ಎಂದು ಹೇಳಿದರು. ಆದರೆ ಮೋಶೆ ತನ್ನ ಕೈಯನ್ನು ಚಾಚಿ ತನ್ನ ಕೋಲಿನಿಂದ ಬಂಡೆಯನ್ನು ಎರಡು ಬಾರಿ ಹೊಡೆದರು. ಇದರಿಂದಾಗಿ, ಮೋಶೆಯು ಕಾನಾನ್ ದೇಶವನ್ನು ಪ್ರವೇಶಿಸಲು ಸಾಧ್ಯವಾಗಲಿಲ್ಲ. 

 

ಪ್ರಿಯರೇ! ಕೋಪದ ಬಗ್ಗೆ ಸತ್ಯವೇದದಲ್ಲಿ ಅನೇಕ ಎಚ್ಚರಿಕೆಯ ವಚನಗಳಿವೆ. ಕೋಪವು ಕೆಟ್ಟದ್ದು, ಅದು ದ್ವೇಷವನ್ನು ಹುಟ್ಟುಹಾಕುತ್ತದೆ. ಇಂದು, ಅನೇಕ ಸಂಬಂಧಗಳಲ್ಲಿ ಬೇರ್ಪಡುವಿಕೆ ಮತ್ತು ಬಿರುಕುಗಳಿಗೆ ಕೋಪವೇ ಕಾರಣ. ಈ ಕೋಪವು ಕೆಲವೊಮ್ಮೆ ಕುಟುಂಬವನ್ನು ಹರಿದು ಹಾಕುತ್ತದೆ. ನಾವು ಕೋಪವನ್ನು ನಿಯಂತ್ರಿಸಲು ಕಲಿಯಬೇಕು. ಇದನ್ನು ನಮ್ಮ ಸ್ವಂತ ಪ್ರಯತ್ನಗಳಿಂದ ಸಾಧಿಸಲು ಸಾಧ್ಯವಿಲ್ಲ. ಕೋಪವನ್ನು ನಿಯಂತ್ರಿಸಲು ದೇವರ ಸಹಾಯವನ್ನು 100% ಅವಲಂಬಿಸೋಣ. ಕೋಪದಿಂದಾಗಿ ಒಳ್ಳೆಯತನ ಮತ್ತು ಜೀವನವನ್ನು ಕಳೆದುಕೊಂಡ ಅನೇಕ ಜನರನ್ನು ನಾವು ನಮ್ಮ ಕಣ್ಣಾರೆ ನೋಡಬಹುದು. ಅದಕ್ಕಾಗಿಯೇ ನಾವು ಈ ರೀತಿ ಓದುತ್ತೇವೆ. ಅವರು ಕೋಪಿಸಿಕೊಳ್ಳುವುದರಲ್ಲಿ ನಿಧಾನಿಗಳಾಗಿರಲಿ ಎಂದು. ನಾವು ಯಾರ ಮೇಲಾದರೂ ಕೋಪಗೊಂಡರೆ, ಅದು ನಮ್ಮನ್ನು ಸೃಷ್ಟಿಸಿದ ದೇವರ ಮೇಲೆ ಕೋಪಗೊಂಡದ್ದಕ್ಕೆ ಸಮ. ಹಾಗಾಗಿ ಕೋಪವನ್ನು ಬಿಡಲು ಪ್ರಯತ್ನಿಸೋಣ!

- Mrs. ಗ್ರೇಸ್ ಜೀವಮಣಿ

 

ಪ್ರಾರ್ಥನಾ ಅಂಶ:

ಮಾಧ್ಯಮ ಸೇವೆಗೆ ಅಗತ್ಯವಿರುವ ಉಪಕರಣಗಳ ಖರೀದಿಯ ಅಗತ್ಯತೆಗಳು ಪೂರೈಸಲ್ಪಡುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482