By Village Missionary Movement

Monday, 17-Feb-2025

ಧೈನಂದಿನ ಧ್ಯಾನ(Kannada) – 17.02.2025

 

ಹದ್ದು

 

"ಯೆಹೋವನನ್ನು ನಿರೀಕ್ಷಿಸುವವರೋ ಹೊಸ ಬಲವನ್ನು ಹೊಂದುವರು; ಹದ್ದುಗಳಂತೆ ರೆಕ್ಕೆಗಳನ್ನುಚಾಚಿಕೊಂಡು [ಏರುವರು];..." - ಯೆಶಾಯ 40:31

 

ಹಲವು ವರ್ಷಗಳ ಹಿಂದೆ, ನನ್ನ ಗಂಡನ ಮೇಜಿನ ಮೇಲೆ ಒಂದು ಸಣ್ಣ ಚಿನ್ನದ ಲೇಪಿತ ಹದ್ದಿನ ಆಟಿಕೆ ಇತ್ತು. ನಾನೇ ಅದನ್ನು ಅವರಿಗೆ ಪ್ರೀತಿಯ ಉಡುಗೊರೆಯಾಗಿ ಕೊಟ್ಟೆದ್ದೆ. ಮೇಲಿನ ವಾಕ್ಯವೇ ನನ್ನನ್ನು ಅದನ್ನು ಖರೀದಿಸಲು ಪ್ರೇರೇಪಿಸಿತು. ಆ ದಿನ ನಾನು ಹದ್ದಿನ ಬಗ್ಗೆ ಸತ್ಯವೇದವು ಏನು ಹೇಳುತ್ತದೆ ಮತ್ತು ಹದ್ದಿನ ಸಾಮಾನ್ಯ ಗುಣಲಕ್ಷಣಗಳು ಯಾವುವು ಎಂಬುದನ್ನು ತಿಳಿದುಕೊಂಡೆ.

           

ಮೇಲಿನ ವಾಕ್ಯದಲ್ಲಿ ಎರಡು ಪ್ರಮುಖ ಮಾತುಗಳಿವೆ. ಅವು "ಹದ್ದುಗಳಂತೆ," "ಎರುವರು"! ಹದ್ದುಗಳು ತಮ್ಮ ರೆಕ್ಕೆಗಳನ್ನು ಬಡಿಯುತ್ತಾ ಮೇಲಕ್ಕೆ ಹಾರುತ್ತವೆ. ಆದರೆ ಅವು ಒಂದು ನಿರ್ದಿಷ್ಟ ಎತ್ತರವನ್ನು ತಲುಪಿದ ನಂತರ, ರೆಕ್ಕೆಗಳನ್ನು ಬಡಿಯದೆ ಹಾಗೇ ಆಕಾಶದಲ್ಲಿ ಎತ್ತರಕ್ಕೆ ಹಾರುತ್ತವೆ. ಹದ್ದುಗಳು ದೊಡ್ಡದಾದ, ಭಾರವಾದ ರೆಕ್ಕೆಗಳನ್ನು ಹೊಂದಿರುತ್ತವೆ. ಅವು ಪ್ರತಿ ಬಾರಿ ರೆಕ್ಕೆಗಳನ್ನು ಬಡಿಯುವಾಗಲೂ ಸಾಕಷ್ಟು ಶಕ್ತಿಯನ್ನು ವ್ಯಯಿಸುತ್ತವೆ. ಆದ್ದರಿಂದ, ಅವು ವಾತಾವರಣದ ಬೆಚ್ಚಗಿನ ಗಾಳಿಯಲ್ಲಿ ತೇಲುತ್ತವೆ. ಅವು ತಮ್ಮ ಶಕ್ತಿಯನ್ನು ಇತರ ವಿಷಯಗಳಿಗಾಗಿ ಉಳಿಸಿಕೊಳ್ಳುತ್ತವೆ. ನಾವು ಸಹ ಹದ್ದುಗಳಂತೆ, ದೇವರ ಮೇಲೆ ನಮ್ಮ ನಂಬಿಕೆಯನ್ನು ಹದ್ದುಗಳ ರೆಕ್ಕೆಗಳಂತೆ ಹರಡಿ, ಹದ್ದುಗಳು ಹಾರುವ ಬೆಚ್ಚಗಿನ ವಾತಾವರಣದ ಗಾಳಿಯಾದ ಪವಿತ್ರಾತ್ಮದೊಂದಿಗೆ ಎತ್ತರಕ್ಕೆ ಹಾರೋಣ. ಹದ್ದುಗಳ ಬಗ್ಗೆ ಇನ್ನೂ ಹೆಚ್ಚಿನವುಗಳಿವೆ. ಅವು ತೀಕ್ಷ್ಣ ದೃಷ್ಟಿಯುಳ್ಳವು ಮತ್ತು ಸತತವಾಗಿ ಪ್ರಯತ್ನಿಸುವವುಗಳು.

 

ಹದ್ದಿನ ಸ್ವಭಾವವನ್ನು ಸತ್ಯವೇದದ ಪಾತ್ರಕ್ಕೆ ಹೋಲಿಸಿದಾಗ, ದಾವೀದನು ನೆನಪಿಗೆ ಬರುತ್ತಾರೆ. ದಾವೀದನು ರಾಜನಾಗುವ ಮೊದಲು, ದೇವರ ಭದ್ರತೆ ಮತ್ತು ಮಾರ್ಗದರ್ಶಿಸಲ್ಪಟ್ಟ ಒಬ್ಬ ಪರಾಕ್ರಮಿ ಯೋಧನಾಗಿದ್ದನು. "ನಿನ್ನ ಬಲದಿಂದ ದಂಡಿನ ಮೇಲೆ ಬೀಳುವೆನು; ನನ್ನ ದೇವರ ಸಹಾಯದಿಂದ ಪ್ರಾಕಾರವನ್ನು ಲಂಘಿಸುವೆನು." (2 ಸಮುವೇಲ 22:30) ದಾವೀದನು ಕಷ್ಟದ ನಡುವೆಯೂ ಒಂದು ಹದ್ದಿನಂತೆ ಬಲವನ್ನು ಮತ್ತು ಧೈರ್ಯವನ್ನು ಪ್ರದರ್ಶಿಸಿದರು. ಹದ್ದಿನ ತೀಕ್ಷ್ಣ ದೃಷ್ಟಿಯಂತೆ, ದಾವೀದನ ತೀಕ್ಷ್ಣ ಬುದ್ಧಿವಂತಿಕೆ, ತೀಕ್ಷ್ಣ ಒಳನೋಟ ಮತ್ತು ದೇವರ ಮೇಲಿನ ನಂಬಿಕೆಯು ದೇವರೊಂದಿಗಿನ ನಮ್ಮ ಪ್ರಯಾಣದಲ್ಲಿ ಹೊಸ ಎತ್ತರವನ್ನು ತಲುಪಲು ನಮಗೆ ಸ್ಫೂರ್ತಿದಾಯಕ ಉದಾಹರಣೆಯಾಗಿದೆ. ಹದ್ದು, ಆಧ್ಯಾತ್ಮಿಕ ಬೆಳವಣಿಗೆ ಮತ್ತು ದೇವರಲ್ಲಿ ನಾವು ಕಂಡುಕೊಳ್ಳಬಹುದಾದ ಶಕ್ತಿಯಂತಹ ನೆನಪಾಗಿ ಸತ್ಯವೇದದಲ್ಲಿ ನಮಗೊಂದು ರೂಪವಾಗಿದೆ. ಆಮೆನ್. ಹಲ್ಲೇಲೂಯಾ!

- S. ಬೆರ್ಲಿನ್ ಸೆಲ್ಲಾಭಾಯ್

 

ಪ್ರಾರ್ಥನಾ ಅಂಶ:

ಡೇ ಕೇರ್ ಸೆಂಟರ್‌ನಲ್ಲಿ ಇರುವ ಮಕ್ಕಳನ್ನು ಪೋಷಿಸುವ ಕುಟುಂಬಗಳು ಆಶೀರ್ವದಿಸಲ್ಪಡಲಿ ಎಂದು ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482