By Village Missionary Movement

Wednesday, 22-Jan-2025

దిన ధ్యానము(Telugu) 22.01.2025

 

అంశం: రాజు రాబోవలసి ఉంది

 

"ఇదిగో నేను తలుపునొద్ద నిలుచుండి తట్టుచున్నాను. ఎవడైనను నా స్వరము విని తలుపుతీసిన యెడల, నేను అతనియొద్దకు వచ్చి అతనితో నేనును, నాతోకూడ అతడును భోజనము చేయుదుము" - ప్రకటన గ్రంథం 3:20

 

ఒకరోజు రాజభవనం రంగురంగుల పుష్పాలతో మరియు దీపాల వెలుగులతో అలంకరించబడింది. ఆ రోజు రాజు యొక్క జన్మదిన వేడుకలో అందరూ సంతోషంతో నిండిపోయారు. రాజు సింహాసనంపై సంతోషంగా కూర్చున్నాడు. ఆ సమయంలో, రాజు తన మంత్రులు మరియు సేవకులను పిలిచి, "మీరు కోరినది ఏదైనా అడగండి, అది మీకు ఇవ్వబడుతుంది," అని ఆజ్ఞ ఇచ్చాడు. వెంటనే, అందరూ వరుసగా నిలబడి, కోరినవి అడిగి, పొందారు. కానీ ఒక చిన్న బాలుడు మౌనంగా నిలబడి ఉన్నాడు. రాజు అతనిని చూసి, "నువ్వు దేనిని కోరుకోకపోతివి?" అని అడిగాడు. ఆ బాలుడు భయపడుతూ, "రాజు మా ఇంటికి ఒక్కసారి రావాలి," అని కోరాడు. వెంటనే రాజు, "నేను సంతోషంగా వస్తాను," అని సమ్మతించాడు. రాజు తన మంత్రిని ఆ పనిని సిద్ధం చేయమని నియమించాడు. మంత్రులు ఆ బాలుని ఇంటిని శుభ్రం చేసి, భోజన పాత్రలను సిద్ధం చేశారు. చివరకు రాజు వచ్చి బాలుని కోరికను నెరవేర్చాడు. చూడండి, అతను ఒక్క కోరిక కోరినా, ఎన్నో ఆశీర్వాదాలు పొందాడు.

 

జక్కయ్యు, పన్నుల అధికారి, ప్రజలచే పాపిగా తృణీకరించబడ్డాడు. కానీ, అతను యేసును చూడాలనే ఆకాంక్షతో ఉన్నాడు. యేసు అతని ఇంటి దగ్గరికి వచ్చి, "నేను నీ ఇంటికి రావలసినది," అని అన్నాడు. వెంటనే జక్కయ్యు యేసును ఆహ్వానించి, తన జీవితాన్ని మార్చుకున్నాడు. పాపిగా పిలవబడిన అతను, అబ్రహాము కుమారుడిగా, దేవుని రాజ్యానికి వారసుడిగా మారాడు. మనం యేసును స్వీకరించినప్పుడు, ఆయన మనలను తన సొంత కుమారుడిగా అంగీకరిస్తాడు. మన జీవన పరిస్థితులు ఎంతటి దుర్భరమైనవైనా, ఆయన మన జీవితాలను నూతనంగా చేస్తాడు. తండ్రి కుమారుడ్ని తన ప్రేమలో అంగీకరించి కొత్త బట్టలు, ఉంగరం, చెప్పులు ఇచ్చి అతన్ని గౌరవంగా నిలబెట్టాడు.

 

ప్రియమైన వారులారా యేసు క్రీస్తుతో అన్నీ సాధ్యమే. ఆయనతో అసాధ్యమేమీ లేదు. ఆయన మీ హృదయ తలుపును తట్టి, తెరవమని ఎదురుచూస్తున్నారు. మీరు ఆయనకు తలుపు తీయగా, ఆయన మీ హృదయాన్ని పవిత్రంగా చేస్తారు. మీ జీవితం సుందరంగా మారుతుంది. ఆనందం, శాంతి తోడవుతుంది. అంతేకాక, దేవుని స్వంత సంతానంగా మీరు నిలబడతారు. ఆ చిన్న బాలుడు రాజును ఆహ్వానించినట్లు, మీరు కూడా యేసును ఆహ్వానించండి. మీకు కావలసిన అన్నీ లభిస్తాయి.

- బ్రదర్ -ఎబెనేజర్ గారు

 

ప్రార్థనా అంశం:

"ఆమెన్ విలేజ్ టీవీ" అనేక ఇళ్లకు మిషనరీగా చేరాలని ప్రార్థించండి.

 

*Whatsapp*

ఈ దిన ధ్యాన సందశమును తమిళ్, ఇంగ్లీష్ , హిందీ, మలయాళం, తెలుగు, కన్నడ, పంజాబీ మరియు ఒరియా బాషలలో వాట్సాప్ త్వరా పొందుటకు *+91 94440 11864* అనే నెంబర్ ను సంబ్రదించగలరు.

 

www.vmm.org.in

ఈమెయిల్: info@vmm.org.in

Android App: https://play.google.com/store/apps/details?id=com.infobells.vmmorgin

 

విలేజ్ మిషనరీ మూమెంట్, విరుదునగర్, ఇండియా- 626001

ప్రార్ధనా అవసరాల కోసం: +91 94424 93250