By Village Missionary Movement

Wednesday, 15-Jan-2025

ಧೈನಂದಿನ ಧ್ಯಾನ(Kannada) – 15.01.2025

 

ಕಣ್ಣಿನ ನೋಟ 

 

"...ಒಬ್ಬಾನೊಬ್ಬ ಸಮಾರ್ಯದವನು ಪ್ರಯಾಣ ಮಾಡುತ್ತಾ ಅವನಿದ್ದಲ್ಲಿಗೆ ಬಂದನು; ಅವನನ್ನು ನೋಡಿ ಅವನ ಮೇಲೆ ಕನಿಕರಪಟ್ಟು," - ಲೂಕ 10:33

  

ರಾಜು ಮತ್ತು ವಿಮಲ್ ಕಾರಿನಲ್ಲಿ ಮನೆಗೆ ಹೋಗುತ್ತಿದ್ದರು. ಆ ಸಮಯದಲ್ಲಿ, ರೈಲ್ವೆ ಗೇಟ್ ಅಳವಡಿಸಲಾಗಿದ್ದದರಿಂದ, ಕಾರುಗಳು, ಬೈಕ್‌ಗಳು ಮತ್ತು ಬಸ್‌ಗಳು ಬಹಳ ದೂರದವರೆಗೆ ನಿಂತಿದ್ದವು. ಅವರ ಕಾರು ಕೂಡ ನಿಂತಿತ್ತು. ನಂತರ ಬೈಕ್‌ನಲ್ಲಿದ್ದ ಯುವಕನೊಬ್ಬ ಬಾಗಿ, ನುಲಿಯುತ್ತಾ, ಹಾಗೆ ಮುಂದಕ್ಕೆ ಹೋದನು. ಅದನ್ನು ನೋಡಿದ ರಾಜು, ಮನೆಯಲ್ಲಿ ಹೇಳಿ ಬಂದಿದ್ದಾನೋ ಇಲ್ವೋ, ಸಾವು ಗಿರಾಕಿ ಎಂದು ಹೇಳಿದನು. ವಿಮಲ್, ಇಲ್ಲ ಅವನು ಎಷ್ಟು ಬುದ್ಧಿವಂತನಾಗಿ ಹೋಗುತ್ತಿದ್ದಾನೆ. ಇಂದಿನ ಯುವಕರಿಗೆ ಎಷ್ಟು ಜ್ಞಾನ. ಅವನಿಗೆ ಏನು ಅವಸರವೋ ಏನೋ ಗೊತ್ತಿಲ್ಲ. ಕರ್ತನು ಅವನನ್ನು ರಕ್ಷಿಸಲಿ ಎಂದು ಹೇಳಿದನು.

         

"ನನ್ನ ನೆರೆಯವನು ಯಾರು?" ಎಂದು ಕೇಳಿದ ಧರ್ಮಶಾಸ್ತ್ರಿಗೆ ದೇವರು ಇದೇ ರೀತಿಯ ಒಂದು ಸಾಮ್ಯವನ್ನು ಹೇಳುತ್ತಾರೆ. ಕಳ್ಳರಿಂದ ಹೊಡೆಯಲ್ಪಟ್ಟು ಅರೆಜೀವವಾಗಿ ರಸ್ತೆಯಲ್ಲಿ ಒಬ್ಬ ವ್ಯಕ್ತಿ ಬಿದ್ದಿದ್ದಾನೆ. ಯಾಜಕ ಮತ್ತು ಲೇವಿಯನು ಬೇರೆ ಬೇರೆಯಾಗಿ ಆ ದಾರಿಯಾಗಿ ಬರುತ್ತಿದ್ದಾರೆ. ಅವರು ಅವನನ್ನು ನೋಡಿ ದೂರ ಸರಿಯುತ್ತಾರೆ. ಆದರೆ ಒಬ್ಬ ಸಮಾರ್ಯದವನು ಆ ದಾರಿಯಲ್ಲಿ ಬರುತ್ತಿದ್ದಾಗ ಅವನನ್ನು ನೋಡಿ ಅವನ ಮೇಲೆ ಕನಿಕರಪಟ್ಟು ಅವನ ಗಾಯಗಳ ಮೇಲೆ ದ್ರಾಕ್ಷಾರಸ ಮತ್ತು ಎಣ್ಣೆಯನ್ನು ಸುರಿದು ತನ್ನ ಸ್ವಂತ ರಥದ ಮೇಲೆ ಕುಳ್ಳಿರಿಸಿ, ಒಂದು ಛತ್ರಕ್ಕೆ ಕರೆದುಕೊಂಡು ಹೋಗಿ ಅವನನ್ನು ಆರೈಕೆ ಮಾಡಿದನು. ಮರುದಿನ, ಅವನು ಹೊರಡುವ ಮೊದಲು, ಅವನು ಆ ಛತ್ರದ ಮಾಲೀಕನಿಗೆ ಎರಡು ಹಣ ನೀಡಿ, "ಈ ಮನುಷ್ಯನನ್ನು ಚೆನ್ನಾಗಿ ನೋಡಿಕೊಳ್ಳಿ, ಹೆಚ್ಚು ಖರ್ಚಾದರೆ, ನಾನು ಮತ್ತೆ ಬಂದು ಕೊಡುತ್ತೇನೆ" ಎಂದು ಹೇಳಿದನು. ಮೂರು ಜನರು ಒಂದೇ ದೃಶ್ಯವನ್ನು ನೋಡುತ್ತಾರೆ. ಆದರೆ ಅವರಲ್ಲಿ ಒಬ್ಬರ ಮನದಲ್ಲಿ ಮಾತ್ರ ಆ ದೃಶ್ಯ ಪ್ರಭಾವಬೀರಿತು. ಆದ್ದರಿಂದ ಅವನು ಕಾರ್ಯ ಮಾಡಿದನು. ಇಂದಿಗೂ ಸಹ, ನಾವು ದಾರಿಯುದ್ದಕ್ಕೂ ಅನೇಕ ದೃಶ್ಯಗಳನ್ನು ನೋಡುತ್ತೇವೆ. ಆದರೆ ಅವು ಕೇವಲ ದರ್ಶನಗಳೇ? ಅದು ನಮ್ಮ ಮನಸ್ಸಿನ ಮೇಲೆ ಪರಿಣಾಮ ಬೀರುತ್ತದೆಯೇ? ಅದರ ಬಗ್ಗೆ ಸ್ವಲ್ಪ ಯೋಚಿಸೋಣ.

  

ದೇವರ ಎರಡು ಶ್ರೇಷ್ಠ ಆಜ್ಞೆಗಳು ನಿಮ್ಮ ದೇವರಾದ ಕರ್ತನನ್ನು ನಿಮ್ಮ ಪೂರ್ಣ ಹೃದಯದಿಂದಲೂ, ನಿಮ್ಮ ಪೂರ್ಣ ಆತ್ಮದಿಂದಲೂ ಮತ್ತು ನಿಮ್ಮ ಪೂರ್ಣ ಶಕ್ತಿಯಿಂದಲೂ ಪ್ರೀತಿಸಬೇಕು. ಎರಡನೆಯದು, ನಿನ್ನಂತೆಯೇ ನಿನ್ನ ನೆರೆಯವನನ್ನು ಪ್ರೀತಿಸಬೇಕು ಎಂಬುದೇ. ಈ ಪ್ರೀತಿ ನಮ್ಮ ಹೃದಯದಲ್ಲಿದ್ದರೆ ನಾವು ನಮ್ಮ ಕಣ್ಣುಗಳಲ್ಲಿ ನೋಡುವ ದೃಶ್ಯವು ನಮ್ಮ ಹೃದಯಗಳನ್ನು ಕರಗಿಸುತ್ತದೆ ಮತ್ತು ನಮ್ಮನ್ನು ಕ್ರಿಯೆಗೆ ಪ್ರೇರೇಪಿಸುತ್ತದೆ. ನಾವು ಕಷ್ಟದಲ್ಲಿರುವ ಜನರಿಗೆ ಸಹಾಯ ಮಾಡದಿದ್ದರೆ, ನಮ್ಮ ಹೃದಯದಲ್ಲಿ ಪ್ರೀತಿ ಇರುವುದಿಲ್ಲ. ನಮ್ಮ ಹೆಸರು ಮತ್ತು ಖ್ಯಾತಿಗಾಗಿ ನಾವು ಇತರರಿಗೆ ನೀಡುವ ಸಹಾಯವು ಪ್ರೀತಿಯ ಫಲಿತಾಂಶವಲ್ಲ. ದೇವರು ನಮ್ಮಿಂದ ನಿರೀಕ್ಷಿಸುವುದು ಪ್ರೀತಿಯೇ. ನಾವು ಅವರ ಬಳಿಯೂ ಮತ್ತು ಮನುಷ್ಯರ ಬಳಿಯೂ ಪ್ರೀತಿ ತೋರಿಸಬೇಕು.

  

ಪ್ರಿಯರೇ, ಈ ವರ್ಷ ನಮ್ಮ ಹೃದಯಗಳನ್ನು ಶುದ್ಧೀಕರಿಸಿ ದೇವರ ಪ್ರೀತಿಯಿಂದ ತುಂಬಿಸೋಣ. ನಾವು ನೋಡುವ ದರ್ಶನವು ಹೃದಯ ಮುರಿದು ಅದನ್ನು ಕ್ರಿಯೆಯಲ್ಲಿ ವ್ಯಕ್ತಪಡಿಸದಿದ್ದರೆ, ಜನರು ಕ್ರಿಸ್ತನ ಪ್ರೀತಿಯನ್ನು ಅನುಭವಿಸಲು ಸಾಧ್ಯವಾಗುವುದಿಲ್ಲ. ದೇವರ ರಾಜ್ಯವನ್ನು ಕಟ್ಟಲು ಸಾಧ್ಯವಿಲ್ಲ. ಸ್ವತಃ ಯೇಸು ಕ್ರಿಸ್ತನು ಇದೇ ಮಾದರಿಯನ್ನು ತೋರಿಸಿದರು. ಅವರು ರೋಗಿಗಳನ್ನು ನೋಡಿದಾಗ ಕನಿಕರಪಟ್ಟು ಅವರನ್ನು ಗುಣಪಡಿಸಿದರು. ಕಣ್ಣೀರನ್ನು ನೋಡಿ ಕನಿಕರಪಟ್ಟರು ಮತ್ತು ಸತ್ತವರನ್ನು ಎಬ್ಬಿಸಿದರು. ವಾಕ್ಯವನ್ನು ಕೇಳಲು ಉತ್ಸುಕರಾಗಿದ್ದ ಜನರಿಗೆ ಬೋಧಿಸಿದರು, ಅವರನ್ನು ಕುರುಬನಿಲ್ಲದ ಕುರಿಗಳಂತೆ ಅಸಹಾಯಕರಾಗಿ ನೋಡಿದರು. ದೇವರು ನಮಗೆ ನೋಡಲು ಕಣ್ಣುಗಳನ್ನು ಕೊಟ್ಟಿದ್ದಾರೆ, ಎಂಬುದನ್ನು ಅರಿತು ಕಾರ್ಯ ಮಾಡೋಣ.

- Mrs. ಅನ್ಬುಜ್ಯೋತಿ ಸ್ಟಾಲಿನ್

 

ಪ್ರಾರ್ಥನಾ ಅಂಶ:

ಹಸ್ತಪ್ರತಿ ಸೇವೆಗಳ ಮೂಲಕ ಹಸ್ತಪ್ರತಿಯನ್ನು ಸ್ವೀಕರಿಸುವವರು ಕ್ರಿಸ್ತನ ಪ್ರೀತಿಗೆ ಒಳಪಡುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482