By Village Missionary Movement

Friday, 20-Dec-2024

ಧೈನಂದಿನ ಧ್ಯಾನ(Kannada) – 20.12.2024

 

ಶತ್ರುವಿನ ಮೇಲೆ ಪ್ರೀತಿ

 

"ನಿಮಗೆ ಪ್ರೀತಿ ತೋರಿಸುವವರನ್ನೇ ನೀವು ಪ್ರೀತಿಸಿದರೆ ನಿಮಗೆ ಏನು ಹೊಗಳಿಕೆ ಬಂದೀತು?..." - ಲೂಕ 6:32

  

1950 ರಲ್ಲಿ, ಯುದ್ಧ ಪ್ರಾರಂಭವಾದಾಗ, ಡಾ. ಕಿಮ್ ತನ್ನ ದೇಶಕ್ಕಾಗಿ ಹೋರಾಡಲು ದಕ್ಷಿಣ ಕೊರಿಯಾದ ಸೈನ್ಯವನ್ನು ಸೇರಿಕೊಂಡರು. ಆದರೆ ಯುದ್ಧದ ಭೀಕರತೆಗೆ ಅವರು ಸಿದ್ಧರಿಲ್ಲ ಎಂದು ಅವರು ಶೀಘ್ರದಲ್ಲೇ ತಿಳಿದುಕೊಂಡರು. ಯುದ್ಧದಲ್ಲಿ ಜೊತೆಗಿದ್ದ ಗೆಳೆಯರ ಸಾವನ್ನು ಕಂಡಾಗ ಅವರಿಗೆ ಸಾವಿನ ಭಯ ಆವರಿಸಿತು. ಅವರ ಜೀವದ ಸುರಕ್ಷತೆಗಾಗಿ ದೇವರಲ್ಲಿ ಪ್ರಾರ್ಥಿಸಿದರು. ಬಹುಶಃ ನಾನು ಬದುಕುಳಿದರೆ ತನ್ನ ಶತ್ರುಗಳನ್ನು ಪ್ರೀತಿಸಲು ಕಲಿಯುತ್ತೇನೆ ಎಂದು ನಿರ್ಧರಿಸಿದರು. ದೇವರು ಆ ಪ್ರಾರ್ಥನೆಗೆ ಉತ್ತರಿಸಿದರು. ಕೃಪೆಯಿಂದ ಅವರೂ ಬದುಕಿದರು. ಅವರು ದೇವರಿಗೆ ತನ್ನನ್ನು ಅರ್ಪಿಸಿಕೊಂಡಂತೆ, ತನ್ನ ದೇಶವನ್ನು ವಿರೋಧಿಸಿದ ಉತ್ತರ ಕೊರಿಯಾ ಮತ್ತು ಚೀನಾದಲ್ಲಿನ ಅನಾಥರಿಗೆ ಶಿಕ್ಷಣದ ಅವಕಾಶಗಳನ್ನು ಒದಗಿಸಿ ಸಹಾಯ ಮಾಡಿದರು. ಹಾಗೆ ಮಾಡುವ ಮೂಲಕ, ಹಿಂದೆ ಶತ್ರುಗಳೆಂದು ಪರಿಗಣಿಸಿದವರಲ್ಲಿ ಅವರು ಅನೇಕ ಸ್ನೇಹಿತರನ್ನು ಮಾಡಿಕೊಂಡರು.

  

ಆದರೆ ಸತ್ಯವೇದದಲ್ಲಿ ಪ್ರವಾದಿಯಾದ ಯೋನನು ವಿಭಿನ್ನವಾದ ಗುರುತನ್ನು ಬಿಟ್ಟುಹೋಗಿದ್ದಾರೆ. ಮೀನಿನ ಹೊಟ್ಟೆಯಿಂದ ಅವರನ್ನು ಕಾಪಾಡಿದಂತಹ ಆಶ್ಚರ್ಯಕರವಾದ ಕಾರ್ಯವು ಅವರ ಮನಸ್ಸನ್ನು ಬದಲಾಯಿಸಲಿಲ್ಲ. ಅಂತಿಮವಾಗಿ ಅವರು ದೇವರಿಗೆ ವಿಧೇಯರಾದರೂ ದೇವರು ನಿನೆವೆಯ ಜನರಿಗೆ ಕರುಣೆ ತೋರಿಸುವುದನ್ನು ನೋಡುವುದಕ್ಕಿಂತ ಸಾಯುವುದು ಉತ್ತಮ ಎಂದು ಹೇಳುತ್ತಾರೆ. ಬಲಗೈಗೂ ಎಡಗೈಗೂ ವ್ಯತ್ಯಾಸ ತಿಳಿಯದ ನಿನೆವೆಯ ಜನರ ಮೇಲೆ ಯೋನನು ಕೋಪಗೊಂಡಿದ್ದರಿಂದ ಅವರನ್ನು ಪ್ರೀತಿಸಲು ಸಾಧ್ಯವಾಗಲಿಲ್ಲ.

 

ಪ್ರಿಯರೇ, ನಾವು ನಮ್ಮ ಬಗ್ಗೆ ಆಳವಾಗಿ ಯೋಚಿಸೋಣ. ನಮ್ಮನ್ನು ದ್ವೇಷಿಸುವವರನ್ನು ಡಾ. ಕಿಮ್‌ನಂತೆ ಪ್ರೀತಿಸಲು ಸಾಧ್ಯವಾ? ದೇವರು ನಮಗೆ ಕರುಣೆ ತೋರಿಸಿದಂತೆ ನಮ್ಮ ಶತ್ರುಗಳನ್ನು ಪ್ರೀತಿಸಲು ನಾವು ದೇವರ ಶಕ್ತಿಯನ್ನು ಹುಡುಕುತ್ತೇವೆಯೇ? ಯೋಬನು ತನ್ನ ಸ್ನೇಹಿತರಿಗಾಗಿ ಪ್ರಾರ್ಥಿಸಿದಾಗ, ಕರ್ತನು ಯೋಬನ ಸೆರೆಯನ್ನು ಬದಲಾಯಿಸಿದರು. ಆದರೆ ಯೋನನ ವರ್ತನೆ ಸಂಪೂರ್ಣವಾಗಿ ಭಿನ್ನವಾಗಿತ್ತು. ನಮ್ಮ ಬಗ್ಗೆ ಏನು? ಯೋಚಿಸೋಣ. ನಮ್ಮ ಹೃದಯದಲ್ಲಿ ದೇವರ ಪ್ರೀತಿ ಇದೆಯೇ? ಪ್ರೀತಿಯು ಎಲ್ಲವನ್ನೂ ಸಹಿಸಿಕೊಳ್ಳುತ್ತದೆ, ಎಲ್ಲವನ್ನೂ ನಂಬುತ್ತದೆ, ಎಲ್ಲವನ್ನೂ ನಿರೀಕ್ಷಿಸುತ್ತದೆ, ಎಲ್ಲವನ್ನೂ ಸಹಿಸಿಕೊಳ್ಳುತ್ತದೆ. ನಾವು ಪ್ರೀತಿಯಲ್ಲಿ ನೆಲೆಗೊಳ್ಳೋಣ. ಇತರರನ್ನು ಪ್ರೀತಿಸೋಣ ಮತ್ತು ಜಗತ್ತಿಗೆ ಸಾಕ್ಷಿಯಾಗಿ ಬದುಕಲು ನಮ್ಮನ್ನು ನಾವು ಸಮರ್ಪಿಸೋಣ. ಆಮೆನ್.

- A. ಬ್ಯೂಲಾ

 

ಪ್ರಾರ್ಥನಾ ಅಂಶ:

ನಮ್ಮ ಕ್ಯಾಂಪಸ್‌ನಲ್ಲಿ ನಡೆಯುವಂತಹ ಕ್ರಿಸ್‌ಮಸ್ ಸುವಾರ್ತೆ ಕೂಟಕ್ಕಾಗಿ ಮಾಡುತ್ತಿರುವ ಎಲ್ಲಾ ಪ್ರಯತ್ನಗಳು ಸಫಲವಾಗುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482