By Village Missionary Movement

Saturday, 23-Nov-2024

ಧೈನಂದಿನ ಧ್ಯಾನ(Kannada) – 23.11.2024 (Gospel Special)

 

ದೇವರ ಪಾತ್ರೆಗಳು

 

"…ಯಜಮಾನನ ಬಳಿಕೆಗೆ ಯೋಗ್ಯನೂ… ಪಾತ್ರೆಯಾಗಿರುವನು" - 2 ತಿಮೊಥೆಯ 2:21

  

ನಾವು ದೇವರ ಕೈಯಲ್ಲಿರುವ ಪಾತ್ರೆಯಾಗಿದ್ದೇವೆ. ಪ್ರಪಂಚದ ಎಲ್ಲಾ ಜನರು ಇಂದು ಕೇವಲ ಇತರರು ಬಳಸುವ ಪಾತ್ರೆಗಳಾಗಿಯೇ ಇದ್ದಾರೆ. ಅಪೊಸ್ತಲನಾದ ಪೌಲನು ಇಡೀ ಜಗತ್ತಿಗೆ ದೇವರು ಬಳಸಿದ ಆಧ್ಯಾತ್ಮಿಕ ಪಾತ್ರೆಯಾಗಿದ್ದಂತೆ, ಇತ್ತೀಚೆಗೆ ಟಾಟಾ ನಿರ್ವಹಣೆಯ ಅಧ್ಯಕ್ಷ ರತನ್ ಟಾಟಾ ಅವರು ಪ್ರಪಂಚದ ಜನರಿಗೆ ಉಪಯುಕ್ತವಾದ, ಪ್ರಯೋಜನವಾದ ಪಾತ್ರೆಯಾಗಿದ್ದರು. ಅಂತೆಯೇ, ಪ್ರತಿಯೊಬ್ಬ ವ್ಯಕ್ತಿಯು ಯಾವುದೋ ಒಂದು ರೀತಿಯಲ್ಲಿ ಇತರರಿಗೆ ಸಹಾಯಕವಾದ ಪಾತ್ರೆಯಾಗಿ ಇರುತ್ತಿದ್ದಾರೆ. ನಾವು ದೇವರಿಂದ ರಚಿಸಲ್ಪಟ್ಟ ಆಧ್ಯಾತ್ಮಿಕ ವ್ಯಕ್ತಿಗಳು. ದೇವರ ಚಿತ್ತದ ಪ್ರಕಾರ ದೇವರ ರಾಜ್ಯದ ನಿಯಮದ ಪ್ರಕಾರ ಕಾರ್ಯನಿರ್ವಹಿಸುವ ಪಾತ್ರೆಗಳಾಗಿ ದೇವರ ಜನರಂತೆ ಬದುಕಲು ಕರೆಯಲ್ಪಟ್ಟಿದ್ದೇವೆ.  

  

ಸಾಧು ಸುಂದರಸಿಂಗ್ ಅವರು ಸಿಖ್ ಮಾರ್ಗದಲ್ಲಿ ಬೆಳೆದರು. ಕ್ರಿಸ್ತನನ್ನು ಮತ್ತು ಸತ್ಯವೇದವನ್ನು ದ್ವೇಷಿಸಿದರು. ಆದರೆ ದೇವರು ಆ ಪಾತ್ರೆಯನ್ನು ಆರಿಸಿಕೊಂಡರು. ಸಾಧು ಸುಂದರ್ ಸಿಂಗ್ ಮೂಲಕ ವಿಶ್ವದ ಜನರು ಕ್ರಿಸ್ತನನ್ನು ಕಂಡುಕೊಂಡರು. ಯೇಸುಕ್ರಿಸ್ತನನ್ನು ತಿಳಿದಿರುವವರು ಮತ್ತು ಪ್ರಕಟಿಸುವವರು ವಿಶೇಷ ಪಾತ್ರೆಗಳು ಎಂಬುದನ್ನು ವಿಶ್ವ ಇತಿಹಾಸವು ನಮಗೆ ಹೇಳುತ್ತಿದೆ. ಮಿಷನರಿಗಳಾಗಿ ಬಂದವರು ಸಮಾಜದಲ್ಲಿ ಬದಲಾವಣೆ ತಂದು ಇತಿಹಾಸ ನಿರ್ಮಿಸಿದರು. ವಿಲಿಯಂ ಹ್ಯಾರಿ ಭಾರತದಲ್ಲಿ ಸಮಾಜದಲ್ಲಿದ್ದ ಮೂಢನಂಬಿಕೆಗಳನ್ನು ನಿರ್ಮೂಲನೆ ಮಾಡಲು ಶ್ರಮಿಸಿದರು ಮತ್ತು ಸುಧಾರಣೆಯ ಮೂಲಕ ಬದಲಾವಣೆಗಳನ್ನು ತಂದರು.

 

ಪ್ರತಿಯೊಬ್ಬ ಮಿಷನರಿಯು ಪ್ರಪಂಚದ ಮೇಲೆ ಏರ್ಪಡಿಸಿದ ಬದಲಾವಣೆಯ ಪರಿಣಾಮಗಳನ್ನು ಬರೆಯುವುದಾದರೆ ಪ್ರಪಂಚವೇ ಸಾಲದು! ನರಭಕ್ಷಕಗಳನ್ನು ತಿನ್ನುತ್ತಿದ್ದ ನಾಗಾಲ್ಯಾಂಡ್ ಜನರು ಇಂದು ಕ್ರೈಸ್ತರಾಗಿದ್ದಾರೆ. ಅದೇ ರೀತಿ ಅನೇಕ ದೇಶಗಳಲ್ಲಿ, ಜನರನ್ನು ಬೇಟೆಯಾಡಿ ತಿನ್ನುವ ಅಭ್ಯಾಸದಲ್ಲಿದ್ದ ಜನರು, ಅನೇಕ ತ್ಯಾಗವುಳ್ಳ ಮಿಷನರಿಗಳ ಸೇವೆಯ ಮೂಲಕ ದೇವರು ಅವರನ್ನು ಬದಲಾಯಿಸಿದ್ದಾರೆ. ಪ್ರಾಣಿಗಳಂತೆ ಬದುಕುತ್ತಿದ್ದ ಆಫ್ರಿಕನ್ ಜನರು ಇಂದು ಮನುಷ್ಯರಂತೆ ಬದುಕುತ್ತಿರುವುದಕ್ಕೆ ಮಿಷನರಿಗಳ ತ್ಯಾಗದ ಕೆಲಸವೇ ಕಾರಣ. ಮಿಷನರಿಗಳು ದೇವರ ಕೈಯಲ್ಲಿ ಉಪಯುಕ್ತ ಪಾತ್ರೆಗಳಾಗಿ ಸೇವೆ ಸಲ್ಲಿಸಿದಂತೆಯೇ, ಕ್ರಿಸ್ತನನ್ನು ಸ್ವೀಕರಿಸಿರುವ ಪ್ರತಿಯೊಬ್ಬರು ತನ್ನ ಪ್ರದೇಶದಲ್ಲಿ ದೇವರ ಕೈಯಲ್ಲಿ ಉಪಯೋಗವಾಗುವ ಪಾತ್ರೆಯಾಗಿ ಸೇವೆ ಸಲ್ಲಿಸಲು ತನ್ನನ್ನು ತಾನು ತೊಡಗಿಸಿಕೊಳ್ಳಬೇಕು. ನಾವು ಯಾರ ಕೈಯಲ್ಲಿದ್ದೇವೆ? ನಾವು ದೇವರ ಕೈಯಲ್ಲಿದ್ದರೆ, ನಾವು ಯಜಮಾನನಿಗೆ ಉಪಯುಕ್ತ ಪಾತ್ರೆಗಳಾಗಿ, ನಾಶವಾಗುವ ಆತ್ಮಗಳನ್ನು ದೇವರ ಬಳಿಗೆ ತರುವ ಪಾತ್ರೆಗಳಾಗಿ ಬದುಕುತ್ತೇವೆ ಎಂಬುದರಲ್ಲಿ ಸಂದೇಹವೇ ಇಲ್ಲ.

- Bro. ಸಾಮುವೇಲ್ ಮೋರಿಸ್

 

ಪ್ರಾರ್ಥನಾ ಅಂಶ:

ಈ ವರ್ಷ ಮಕ್ಕಳ ಶಿಬಿರಗಳ ಮೂಲಕ ಒಂದು ಲಕ್ಷ ಮಕ್ಕಳನ್ನು ಭೇಟಿಯಾಗುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482