By Village Missionary Movement

Sunday, 20-Oct-2024

దిన ధ్యానము(Telugu) 20.10.2024

 

అంశం: అసూయ పడవద్దు

 

ప్రత్యేకంగా చిన్న పిల్లల కొరకు:-

 

"సాత్వికమైన మనస్సు శరీరమునకు జీవము మత్సరము ఎముకలకు కుళ్లు" - సామెతలు 14:30

 

హాయ్ పిల్లలూ, ఎలా ఉన్నారు? అహా... సూపర్! నీకన్నా ఎవరో అందంగా ఉన్నప్పుడు, బాగా చదివినప్పుడు లేదా ఆటల్లో మొదట స్థానంలో ఉన్నప్పుడు కొంచెం అసూయ కలుగుతుందా? సరి, కానీ ఆ అసూయను మొదట్లోనే సరిచేయకపోతే, అది నిశ్శబ్దంగా పెరిగి, ఎముకలను కృంగదిసే పెద్ద వ్యాధిగా మారుతుంది. అర్థమైందా పిల్లలూ? సరే, ఈ విషయం గురించి ఒక కథ విందామా?

 

ఐదవ తరగతి చదువుతున్న కయల్ ఒక చురుకైన అమ్మాయి. బాగా చదువుతుంది, అందుకే ఆమెను క్లాస్ టీచర్ లీడర్‌గా చేసింది. టీచర్ లేనప్పుడు కయల్ క్లాస్‌ను చక్కగా పర్యవేక్షిస్తుంది. అల్లరి చేస్తున్న పిల్లలతో స్నేహపూర్వకంగా మాట్లాడి, వారిని ప్రశాంతంగా చేసేది. కొన్ని సందర్భాల్లో, గోల చేస్తున్న పిల్లల పేర్లు రాసుకుని, టీచర్ వచ్చినప్పుడు అందజేస్తుంది. మీరు కూడా అలా చేస్తారా? కయల్ అన్ని విషయాల్లో సూపర్‌గా ఉండేది, కానీ ఆమెకు తన స్నేహితుడు రోజర్ దగ్గర ఉన్న ఖరీదైన పెన్ను చూసినప్పుడు అసూయ కలిగింది.

 

"ఇది నా మామయ్య విదేశాల నుండి తెచ్చారు. నా పుట్టినరోజుకి నాకు గిఫ్ట్ ఇచ్చారు. ఇది ఎంత బాగా రాస్తుందో చూడు," అని రోజర్ తన స్నేహితుడు గోపాల్‌కు చెప్పుతూ ఉన్నప్పుడు కయల్ విని, అసూయతో నిండిపోయింది.

 

"ఇతను అంతగా చదవకపోయినా, ఇంత ఖరీదైన పెన్నా? నాకైతే రాలేదు," అని కయల్ తన మనసులో అనుకుంది.

 

పిల్లలూ, మనం మనసులో అనుకుంటున్నది యేసు గమనిస్తాడని తెలుసా? బ్రేక్ టైంలో కయల్ వేగంగా వెళ్లి రోజర్ పెన్నును తీసుకొని గోడకు కొట్టింది. పెన్ను రెండు ముక్కలైంది.

 

ఇది చూసిన టీచర్ కయల్ ఇలా చేస్తుందా అని ఆశ్చర్యపోయారు. తలదించుకున్న కయల్ కళ్ళలో కన్నీరు. టీచర్ ఏమి చేస్తారో అని భయపడింది. కానీ టీచర్ కయల్ భుజంపై చేయి వేసి మృదువుగా మాట్లాడారు.

 

"అసూయ ఎంతటి పెద్ద పాపానికి దారితీస్తుందో చూశావా? ప్రారంభంలోనే అసూయను మన హృదయాలలో నుండి తీసివేయాలి. యేసయ్య నీకు సహాయం చేస్తాడు," అని టీచర్ చెప్పిన ఈ ప్రేమపూర్వకమైన మాటలు కయల్ హృదయాన్ని మార్చాయి.

 

ప్రియమైన పిల్లలూ! మీరు ఎవరి పైన అయినా అసూయతో ఉన్నట్లయితే, వారిని అభినందించడం నేర్చుకోండి. అలా చేస్తే, క్రమంగా అసూయ కరిగిపోతుంది. మనం మన హృదయాల్లో ఉన్న అసూయను యేసయ్య సహాయంతో తొలగించి, విజయం సాధించే జీవితం గడపాలని నా ఆశీర్వాదం.

- శ్రీమతి. రూబీ అరుణ్ గారు

 

*Whatsapp*

ఈ దిన ధ్యాన సందశమును తమిళ్, ఇంగ్లీష్ , హిందీ, మలయాళం, తెలుగు, కన్నడ, పంజాబీ మరియు ఒరియా బాషలలో వాట్సాప్ త్వరా పొందుటకు *+91 94440 11864* అనే నెంబర్ ను సంబ్రదించగలరు.

 

www.vmm.org.in

ఈమెయిల్: info@vmm.org.in

Android App: https://play.google.com/store/apps/details?id=com.infobells.vmmorgin

 

విలేజ్ మిషనరీ మూమెంట్, విరుదునగర్, ఇండియా- 626001

ప్రార్ధనా అవసరాల కోసం: +91 94424 93250