By Village Missionary Movement

Saturday, 12-Oct-2024

దిన ధ్యానము(Telugu) 12.10.2024

 

అంశం: విమోచించే దేవుడు

 

"వారు కష్టకాలమందు యెహోవాకు మొఱ్ఱపెట్టిరి ఆయన వారి ఆపదలలోనుండి వారిని విడిపించెను" - కీర్తనలు 107:6

 

ఒక చిన్న పిల్లవాడు ఆకలితోనో, బాధతోనో లేదా సమస్యలను ఎదుర్కొనేటప్పుడు, తన తల్లి ముఖం చూడగానే ఏడ్వడం ప్రారంభిస్తాడు. ఇతరులెవ్వరినీ ఆశ్రయించడు. తన అవసరాలను తీర్చేది తన తల్లే అని అతడు తెలుసుకుంటాడు. అలానే, దేవునిచేత సృష్టించబడిన మనం కూడా మనకు కష్టాలు, సమస్యలు, అవసరాలు ఉన్నప్పుడు యెహోవాను మాత్రమే ఆశ్రయించాలి.

 

నా జీవితంలో సమస్యలు ఎదురైనప్పుడల్లా, నేను యెహోవాను ఆశ్రయించాను, ఆయన నన్ను విమోచించి, రక్షించెను. నేను రెండు రోడ్డు ప్రమాదాల్లో చిక్కుకున్నాను. 2009లో, నేను నా కుమార్తెతో బైకుపై ప్రయాణిస్తుండగా, ఒక ప్రమాదంలో మేమిద్దరం గాయపడ్డాము. నా వెన్నెముక భాగంలో చీలికలు వచ్చి, నడవలేకపోయాను. దాదాపు నెలన్నర పాటు మంచంపై ఉండాల్సి వచ్చింది. నేను మళ్లీ పని చేయగలనా? అని సందేహం ఏర్పడింది. నేను యెహోవాను సంపూర్ణ ఆరోగ్యం కోసం ప్రార్థించాను. దేవుడు నా కుమార్తెకు పూర్తిగా స్వస్థతనిచ్చాడు. ఆయన నాకు మళ్లీ లేవడానికి, నా పనిలో తిరిగి చేరడానికి సహాయం చేసాడు. 2017లో మళ్లీ బస్సులో ప్రయాణించేటప్పుడు జరిగిన ప్రమాదంలో నా తల, కాలు గాయపడి రక్తం కారింది. నా తలకు గాయం జరిగి, 48 గంటలు గడవాల్సిందేనా అన్నట్లు పరిస్థితి ఏర్పడింది. ఆ సమయంలో నేను యెహోవాను ఆశ్రయించాను, ఆయన నన్ను రక్షించాడు.

 

అవును, నా జీవితం ప్రమాదంలో ఉన్నప్పుడు దేవుడు నన్ను విమోచించాడు. కీర్తన 107లో మనం నాలుగు రకాల వ్యక్తులను చూడవచ్చు. మొదట, నగరం కనుగొనక, అరణ్యంలో త్రోవ తప్పి, ఆకలితో, దాహంతో, ఆత్మహీనతతో తిరుగుతున్న వారు. రెండవది, చీకటిలో, మరణపు నీడలో ఉండి, బాధల్లో, కట్టుబడిన వారు. మూడవది, తమ తిరుగుబాటుతోనూ, పాపాలతోనూ వ్యాధితో ఉన్న వారు. నాల్గవది, సముద్ర ప్రయాణం చేస్తూ, మహా జలాలలో పనులు చేసేవారు. ఈ నలుగురికీ ఎన్నో సమస్యలు ఎదురయ్యాయి. వారు తమ కష్టాల్లో యెహోవాను ప్రార్థించగా, ఆయన వారిని విమోచించాడు. వారు దేవున్ని మహిమపరిచారు.

 

ప్రియమైన సహోదరి, సహోదరులారా! మీరందరూ విభిన్న పరిస్థితుల్లో, సమస్యల్లో ఉండవచ్చు. కొంతమందికి వివాహం కాలేదు, కొంతమందికి వివాహ జీవితం సమస్యగా ఉంటుంది. కొందరికి సంతానం ఉండదు, కొందరికి ఉద్యోగం కావాలి, మరి కొందరికి శరీరంలో తీవ్రమైన వ్యాధి ఉంటుంది. మీకందరికీ కీర్తన 107:6 లోని పరిష్కారం ఉంది. యెహోవాను ఆశ్రయించండి. నాకు అద్భుతాలు చేసిన దేవుడు మీకూ చేయగలడు. ఆయన నిన్న, నేడు, రేపు, ఎప్పటికీ మారని దేవుడు (హెబ్రీయులు 13:8). ఆమేన్.

- శ్రీమతి. భువన ధనబాలన్

 

ప్రార్థనా అంశం:

గ్రామాల్లో దత్తత తీసుకున్న పిల్లల ఆశీర్వాదాల కోసం ప్రార్థించండి.

 

*Whatsapp*

ఈ దిన ధ్యాన సందశమును తమిళ్, ఇంగ్లీష్ , హిందీ, మలయాళం, తెలుగు, కన్నడ, పంజాబీ మరియు ఒరియా బాషలలో వాట్సాప్ త్వరా పొందుటకు *+91 94440 11864* అనే నెంబర్ ను సంబ్రదించగలరు.

 

www.vmm.org.in

ఈమెయిల్: info@vmm.org.in

Android App: https://play.google.com/store/apps/details?id=com.infobells.vmmorgin

 

విలేజ్ మిషనరీ మూమెంట్, విరుదునగర్, ఇండియా- 626001

ప్రార్ధనా అవసరాల కోసం: +91 94424 93250