By Village Missionary Movement

Thursday, 15-Aug-2024

ಧೈನಂದಿನ ಧ್ಯಾನ(Kannada) – 15.08.2024

 

ಪ್ರಸಿದ್ಧ 

 

"ಸಣ್ಣ ಕಾರ್ಯಗಳ ದಿನವನ್ನು ತಿರಸ್ಕರಿಸಿದವನ್ಯಾರು?..." - ಜೆಕರ್ಯ 4:10

     

ನಾಳಿನ ನಾಯಕರಾಗಲಿರುವ ಇಂದಿನ ಯುವ ಜನತೆಗೆ ಯೇಸುಕ್ರಿಸ್ತನ ಹೆಸರಿನಲ್ಲಿ ಪ್ರೀತಿಯ ಶುಭಾಶಯಗಳು. ಮನುಷ್ಯರಿಗೆ ಹದಿಹರೆಯದ ವರ್ಷಗಳು ಬಹಳ ವಿಶೇಷವಾದದ್ದು. ಯೌವನದಿಂದ ವೃದ್ಧಾಪ್ಯದವರೆಗೆ ಸಾಗುವ ಪ್ರತಿಯೊಬ್ಬ ಮನುಷ್ಯನು ತನ್ನ ಯೌವನವನ್ನು ಎಂದಿಗೂ ಮರೆಯುವುದಿಲ್ಲ. ಇಂತಹ ವಿಶೇಷವಾದ ಹದಿಹರೆಯದವರಿಗಾಗಿ ಸತ್ಯವೇದದಿಂದ ಹೇಳಲ್ಪಡುವ ಸಂದೇಶವನ್ನು ಇಂದು ಧ್ಯಾನಿಸೋಣ.

 

ನಿಮ್ಮ ಯೌವನದ ಕುರಿತು ಯಾರೂ ನಿಮ್ಮನ್ನು ತಿರಸ್ಕರಿಸದಂತೆ ವಿಶ್ವಾಸಿಗಳಿಗೆ ಮಾದರಿಯಾಗಿರು ಎಂದು ಅಪೊ. ಪೌಲನು ಹೇಳುತ್ತಾರೆ. ಇತರರು ನಮ್ಮನ್ನು ಸ್ವೀಕರಿಸಲಿ ಅಥವಾ ನಮ್ಮನ್ನು ತಿರಸ್ಕರಿಸಲಿ, ನಾವು ಹದಿಹರೆಯದ ಮೂಲಕ ದೇವರಲ್ಲಿ ದೃಢವಾದ ನಂಬಿಕೆಯೊಂದಿಗೆ ಮುಂದುವರಿಯಬೇಕು. 1877 ರಲ್ಲಿ ಒಂದು ದಿನ, ಆಲಯದ ಆರಾಧನೆಯ ಸಮಯದಲ್ಲಿ, ಕ್ರಿಸ್ತನನ್ನು ಸ್ವೀಕರಿಸಿದವರಿಗೆ ಮುಂದೆ ಬರಲು ಕರೆ ನೀಡಲಾಯಿತು. ರಾಡ್ನಿ ಸ್ಮಿತ್ ಎಂಬ ಯುವಕ ಮುಂದೆ ನಡೆಯುತ್ತಿದ್ದಾಗ, ಅವನು ಅಲೆಮಾರಿ ಎಂದು ಯಾರೋ ಅಣಕಿಸುತ್ತಾ ಗೊಣಗುವುದು ಅವನಿಗೆ ಕೇಳಿಸಿತು. ರಾಡ್ನಿಯ ಪೋಷಕರು ಸಹ ಅನಕ್ಷರಸ್ಥ ಅಲೆಮಾರಿಗಳಾಗಿದ್ದರು; ಈ ಯುವಕನ ಬಗ್ಗೆ ಯಾರೂ ಹೆಚ್ಚು ಯೋಚಿಸಲಿಲ್ಲ. ಆದರೆ ದೇವರು ತನಗಾಗಿ ಒಂದು ಉದ್ದೇಶವನ್ನು ಹೊಂದಿದ್ದಾನೆಂದು ರಾಡ್ನಿಗೆ ಖಚಿತವಾಗಿ ತಿಳಿದಿತ್ತು. ಅವರು ಬೈಬಲ್ ಮತ್ತು ಇಂಗ್ಲಿಷ್ ನಿಘಂಟನ್ನು ಖರೀದಿಸಿ ಓದಲು ಮತ್ತು ಬರೆಯಲು ಕಲಿತರು. "ಯೇಸುವಿನ ಬಳಿಗೆ ಹೋಗುವ ದಾರಿ ಕೇಂಬ್ರಿಡ್ಜ್ ಅಥವಾ ಹಾರ್ವರ್ಡ್ನಲ್ಲಿಲ್ಲ. ಅದು ಕಲ್ವಾರಿ ಬೆಟ್ಟದಲ್ಲಿದೆ" ಎಂದು ಇವರು ಒಮ್ಮೆ ಹೇಳಿದರು. ರಾಡ್ನಿ ಎಲ್ಲಾ ತಡೆಗಳನ್ನು ದಾಟಿ ಒಬ್ಬ ಸುವಾರ್ತಾಬೋಧಕರಾದರು. ಅವರು ಅಮೇರಿಕಾ ಮತ್ತು ಬ್ರಿಟನ್‌ನಲ್ಲಿ ಅನೇಕರನ್ನು ಕ್ರಿಸ್ತನ ಬಳಿಗೆ ನಡೆಸಿದ ದೇವರ ಪ್ರಸಿದ್ಧ ಸೇವಕರಾದರು.

 

ಇಂದಿನ ಸತ್ಯವೇದ ಭಾಗದಲ್ಲಿ, "ಒಂದು ಸಣ್ಣ ಆರಂಭದ ನಂತರದ ದಿನವನ್ನು ಯಾರು ತಿರಸ್ಕರಿಸಬಹುದು?" ಎಂದು ಬರೆದಿರುವುದನ್ನು ನಾವು ಓದಿದೆವು. ರಾಡ್ನಿ ಸ್ಮಿತ್ ಎಂಬ ಯುವಕನ ಸಮರ್ಪಣೆಯನ್ನು ಹೀನವಾಗಿ ನೋಡಿದರು. ಆದರೆ ಅವರ ಸೇವೆ ವೈಭವಯುತವಾಗಿ ಕಂಡಿತು. ಅದೇ ರೀತಿ ಇಂದು ಮಧ್ಯಾಹ್ನ ನಾವು ನಡೆಸಲಿರುವ ಯೌವನಸ್ಥರ ಉಜ್ಜೀವನ ಕೂಟಕ್ಕೆ ರಾಡ್ನಿಯಂತಹ ಅನೇಕ ಯುವಕರನ್ನು ದೇವರು ಕರೆತರಬೇಕು. ಅವರನ್ನು ರಕ್ಷಿಸಿ ಅವರ ಮೂಲಕ ದೊಡ್ಡ ಕಾರ್ಯಗಳನ್ನು ಮಾಡಬೇಕು. ಅಲ್ಲಿಗೆ ಬರುವ ಯೌವನಸ್ಥರ ಜೀವನದಲ್ಲಿ ಆಧ್ಯಾತ್ಮಿಕ ಆರಂಭವಿರಬೇಕು. ಇದು ಪ್ರಾಪಂಚಿಕ ಮತ್ತು ಕ್ಷುಲ್ಲಕವಾಗಿ ಕಾಣಿಸಬಹುದು. ಅದು ಅವರನ್ನು ನೇರವಾಗಿ ವೈಭವಯುತ ಜೀವನಕ್ಕೆ ಕರೆದೊಯ್ಯುತ್ತದೆ. ಈ ಶಿಬಿರಕ್ಕಾಗಿ ಶ್ರದ್ಧೆಯಿಂದ ಪ್ರಾರ್ಥಿಸಿ. ಸ್ವತಂತ್ರ ಭಾರತದಲ್ಲಿ ಜೀವಿಸುತ್ತಿದ್ದರೂ ವಿವಿಧ ರೀತಿಯ ಗುಲಾಮಗಿರಿಯಲ್ಲಿರುವ ಯೌವನಸ್ಥರ ಗುಲಾಮಗಿರಿ ಮತ್ತು ಸೆರೆವಾಸವನ್ನು ಬದಲಿಸಿ ಸ್ವಾತಂತ್ರ್ಯದೊಂದಿಗೆ ದೇವರಿಗಾಗಿ ಎದ್ದು ಪ್ರಕಾಶಿಸುವಂತಹ ಸಾವಿರಾರು ಯೌವನಸ್ಥರು ಇಂದು ತಿರುಚ್ಚಿಯಲ್ಲಿ ಎದ್ದೇಳುವಂತೆ ಪ್ರಾರ್ಥಿಸಿರಿ!

- Bro. ಜೇಕಬ್ ಶಂಕರ್

 

ಪ್ರಾರ್ಥನಾ ಅಂಶ:

ಇಂದಿನ ಸಂದೇಶಕರಾದ ಸಹೋ. ಮೋಹನ್ ಸಿ ಲಾಜರಸ್ ಮತ್ತು ಸಹೋ. ಡೇವಿಡ್ ಗಣೇಶನ್ ಇವರುಗಳನ್ನು ದೇವರು ಬಲವಾಗಿ ಎತ್ತಿ ಉಪಯೋಗಿಸುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482