దిన ధ్యానము(Telugu) 14.12.2024

అంశం: మరుపు నడుమ మరువని దేవుడు

"ఒక స్త్రీ తన పాలబిడ్డను మరచి వేయగలదా? వారు మరచినా, నేను నిన్ను మరువను" - యెషయా 49:15

ప్రియులారా! ప్రేమతో నిండిన అభివాదములు. దిలీప్ చిన్నప్పటి నుండి సహాయం చేయడంలో ఉత్సాహంగా ఉండేవాడు, అతని స్నేహితులకు ఎల్లప్పుడు తోడ్పాటుగా నిలిచేవాడు. అందువల్ల, ఊరంతా అతనిని గుర్తుపట్టేది. పాఠశాలలో చదువుతున్నప్పటికీ, అతడు అవసరమున్న విద్యార్థులను ఆదుకునే మంచి గుణంతో ఉండేవాడు. దిలీప్, తన చదువును ముగించాక, మంచి మార్కులతో ఉత్తీర్ణుడయ్యాడు. అందుకే ఉన్నత చదువుల కోసం విదేశాలకు వెళ్లవలసి వచ్చింది. అతని విదేశీ ప్రయాణం వలన గ్రామస్తులు విచారించారు. అయినప్పటికీ, చదువు నిమిత్తం అతను వెళ్లవలసి వచ్చింది. కొన్నేళ్ల తరువాత, చదువు ముగించుకుని తిరిగి గ్రామానికి వచ్చినప్పుడు, ఊరువాసులు అతనిని మరచిపోయారు. దిలీప్ ఆశ్చర్యపోయాడు.

ప్రియులారా! మనలను ప్రేమించే వారు, మనకు ఇష్టపడే వారు, ఏదో ఒక రోజు మనలను మరచిపోతారు. కాని మనలను సృష్టించిన దేవుడు మనలను ఎప్పటికీ మరచిపోడు. బైబిలులోనూ, ఆదికాండం 40:23లో, పానదాయకుడు యోసేపును మరచిపోయిన విషయాన్ని మనం చూస్తాము. అయితే దేవుడు యోసేపును జ్ఞాపకం చేసుకుని అతని బంధనాన్ని మార్చాడు. ఇక్కడ మనం అదనంగా ఒకటి గుర్తుంచుకోవాలి; పానదాయకుడు యోసేపును మరచిపోయాడు.

ప్రవక్త సమూయేలు యెష్షయి ఇంటి వేడుకకు వచ్చినప్పుడు, యెష్షయి తన పిల్లలందరిని పిలిచాడు. కాని తన కురుమారైన దావీదు అరణ్యంలో గొర్రెలను కాయడం కోసం వెళ్లగా, అతని సొంత తండ్రే అతనిని మరచిపోయాడు. అలాగే, యోబు 19:14లో, యోబు స్నేహితులు అతన్ని మరచిపోయినట్లు మనం చూస్తాము. అంటే, వ్యాధిగ్రస్తుడైన యోబును అతని స్నేహితులు మరచిపోయారు. అయితే దేవుడు యోబును జ్ఞాపకం చేసుకుని అతని బంధనాన్ని మార్చాడు.

ప్రియులారా! మనము వ్యాధితో బాధపడుతున్నప్పుడు, బాధపడుతున్నప్పుడు, మనుషులు, స్నేహితులు, బంధువులు మనలను మరచిపోవచ్చు. కానీ ప్రభువు ఎప్పటికీ మనలను మరచిపోడు. అందువల్ల మనుష్యులను విశ్వసించడం కన్నా ప్రభువుతో అనుసంధానమై ఉండడం మేలు. యెషయా 44:21లో, "ఇశ్రాయేలు, నేను నిన్ను మరువను" అని దేవుడు మన గురించి చెప్పాడు. కాబట్టి మనం దేవునిపై నమ్మకంతో ఉండాలి! మన జీవితాల్లో ఎదగాలి!

- శ్రీమతి దివ్యా అలెక్స్ గారు

ప్రార్థనా అంశం:

ప్రతి తాలూకాలో 12 మంది పిల్లలతో కూడిన పిల్లల క్లబ్ ప్రారంభించబడాలి. దయచేసి దానిని గూర్చి ప్రార్థించండి.

*Whatsapp*

ఈ దిన ధ్యాన సందశమును తమిళ్, ఇంగ్లీష్ , హిందీ, మలయాళం, తెలుగు, కన్నడ, పంజాబీ మరియు ఒరియా బాషలలో వాట్సాప్ త్వరా పొందుటకు *+91 94440 11864* అనే నెంబర్ ను సంబ్రదించగలరు.

www.vmm.org.in

ఈమెయిల్: info@vmm.org.in

Android App: https://play.google.com/store/apps/details?id=com.infobells.vmmorgin

విలేజ్ మిషనరీ మూమెంట్, విరుదునగర్, ఇండియా- 626001

ప్రార్ధనా అవసరాల కోసం: +91 94424 93250