దిన ధ్యానము(Telugu) 13.12.2024

అంశం: ఒక అద్భుత మార్పు

"కాగా ఎవడైనను క్రీస్తునందున్నయెడల వాడు నూతన సృష్టి; పాతవి గతించెను, ఇదిగో క్రొత్త వాయెను" - 2 కోరింథీయులకు 5:17

స్కాట్లాండ్‌లో మత్స్యకారుల సమూహం ఒక హోటల్లో రోజు మత్స్యకార యాత్ర తర్వాత కలిసి మాట్లాడుకుంటున్నారు. వారి గురించి మాట్లాడుతుండగా, ఒకరు అనుకోకుండా ఒక గాజు పూల కుండీ నెట్టి పగలగొట్టారు. దానివలన గోడపై మచ్చలు పడ్డాయి. ఆ వ్యక్తి హోటల్ మేనేజర్‌కు క్షమాపణలు చెప్పి, తన తప్పుకు పరిహారం చెల్లించేందుకు సిద్ధంగా ఉన్నాడు. అయితే, ఆ గోడను తిరిగి ముందు ఉన్న స్థితికి తీసుకురావడం తనకు సాధ్యం కాదని నిరుత్సాహపడ్డాడు. అప్పుడు అక్కడున్న మరొక వ్యక్తి, "ఆందోళన చెందొద్దు," అని చెప్పి, తన బ్రష్ తీసుకొని ఆ మచ్చ చుట్టూ రంగు వేయడం ప్రారంభించాడు. కొద్ది సమయంలోనే ఆ మచ్చ ఒక కళాఖండంగా మారింది. ఆ వ్యక్తి ప్రసిద్ధ స్కాటిష్ జంతు చిత్రకారుడు ఈ.హెచ్. లాండ్సియర్.

ఇజ్రాయేలు మహారాజు దావీదు, కీర్తన 51 రచయిత, తన పాపాల కారణంగా తనపై, తన రాజ్యంపై మచ్చను తెచ్చుకున్నాడు. అతను తన సేవకుడి భార్యను తీసుకుని, అతన్ని (ఉరియా) యుద్ధంలో చంపించాడు. ఆ పాపాల శిక్ష మరణమే. అయితే, అతను దేవుని చేతుల్లో పడిపోయి, నేలపై సాష్టాంగంగా పడుకొని ప్రార్థించాడు: “నీ రక్షణ ఆనందాన్ని నాకు మరలించు; నన్ను నిలబెట్టే చైతన్యాత్మను ప్రసాదించు.” వెంటనే దేవుడు దావీదుని పాపపు మచ్చను శుభ్రం చేసి, అతనిని క్షమించి, మరచి, "నా హృదయానుకూల వ్యక్తి" అని ప్రకటించాడు. అతని జీవితంలో అతనికి చేసిన వాగ్దానాలను నెరవేర్చాడు.

తప్పు చేయడం మానవ సహజం. కానీ ఆ తప్పు శాపంగా మారకపోవడానికి, ఆ యేసుని ప్రార్థించి ఆ శాపం నుండి విముక్తి పొందండి. మన అపవిత్ర జీవితాలను ఆయన చేతుల్లో పెట్టినప్పుడు, ఇతరులను ఆశ్చర్యపరిచేలా ఆయన వాటిని మారుస్తారు. మీ విచ్ఛిన్నమైన సంబంధాన్ని ఆయనతో పునరుద్ధరించుకోండి. ఆయన మీకు తన పిల్లలుగా దత్తత పొందిన గౌరవాన్ని ఇచ్చి, అనంతానందం ప్రసాదిస్తాడు. పవిత్రంగా జీవించలేననే అపరాధభారంతో కాకుండా, దేవునితో అంగీకారంలోకి రండి. ఆయనను వేడుకోండి, క్రొత్త సృష్టిగా మారండి. పాతవన్నీ తుడిచిపెట్టబడతాయి. హల్లెలూయ!

- శ్రీమతి. జాస్మిన్ పౌల్ గారు.

ప్రార్థన అంశం:-

మా దృష్టికోణాన్ని అర్థం చేసుకుని, దాని ప్రకారం పనిచేయడానికి ఉత్తర భారత రాష్ట్రాల నుండి సిబ్బంది శిక్షణ శిబిరానికి వచ్చిన మిషనరీల కోసం ప్రార్థించండి.

*Whatsapp*

ఈ దిన ధ్యాన సందశమును తమిళ్, ఇంగ్లీష్ , హిందీ, మలయాళం, తెలుగు, కన్నడ, పంజాబీ మరియు ఒరియా బాషలలో వాట్సాప్ త్వరా పొందుటకు *+91 94440 11864* అనే నెంబర్ ను సంబ్రదించగలరు.

www.vmm.org.in

ఈమెయిల్: info@vmm.org.in

Android App: https://play.google.com/store/apps/details?id=com.infobells.vmmorgin

విలేజ్ మిషనరీ మూమెంట్, విరుదునగర్, ఇండియా- 626001

ప్రార్ధనా అవసరాల కోసం: +91 94424 93250